Սմարթֆոնների շուկան 2020թ․ զգալիորեն կկրճատվի

Վերլուծաբանները նշում են, որ ընթացիկ տարում սմարթֆոնների մատակարարումները գլոբալ մասշտաբով լրջորեն կկրճատվեն՝ կապված նոր կորոնավիրուսի համաճարակի տարածման հետ։

2020թ․ ապրիլի 28-ի դրությամբ աշխարհում կորոնավիրուսով վարակված է ավելի քան 3 մլն մարդ, որից 200 հազարը՝ մահվան ելքով։

Պանդեմիան բերել է նրան, որ մարդիկ ստիպված են փավել տներում, ինչի ֆոնին կրճատվել է էլեկտրոտեխնիկայի վաճառքի ծավալը, այդ թվում նաև սմարթֆոնների։

DigiTimes-ի տվյալներով, սմարթֆոնների բոլոր խոշոր մատակարարներն այս տարի ստիպված են կրճատել մատակարարումները։ Սա վերաբերում է Samsung Electronics, Huawei և Apple ընկերություններին։

Մասնագետների կարծիքով՝ 2020-ին սմարթֆոնների գլոբալ մատակարարումները նախորդ տարվա համեմատ կկրճատվեն 15 տոկոսով և արդյունքում կկազմեն 1․15 մլրդ սարք։