SpaceX-ը հետաձգել է Falcon 9-ի թռիչքը մեկնարկից մեկ րոպե առաջ

Ամերիկյան SpaceX ընկերությունը մայիսի 10-ին դադարեցրել է Falcon 9-ի թռիչքը մեկնարկից մեկ րոպե առաջ: Դա պետք է լիներ արդիականացված հրթիռի առաջին առևտրային մեկնարկը, գրում է Reuters-ը:

Թռիչքը չի կայացել ավտոմատ կասեցման պատճառով, նշել են SpaceX-ում, սակայն տեղի ունեցածի հիմնական պատճառները չեն նշվել: Ընկերությունում հաստատել են, որ հրթիռը և ուղեբեռը լավ վիճակում են գտնվում: SpaceX-ի խումբը այս փորձը կկրկնի այսօր, 16:14:

Falcon 9-ը պետք է ուղեծիր ուղարկի Բանգլադեշի կառավարության Bangabandhu-1 հեռահաղորդակցության արբանյակը, որը նախատեսված է գյուղական վայրերում հեռարձակման և կապի ծառայություններ մատուցելու համար: