Հայաստանում ամենաբարձրը վարձատրվում են ՏՏ ոլորտի աշխատողները․ հետազոտություն - VNews

Հայաստանում ամենաբարձրը վարձատրվում են ՏՏ ոլորտի աշխատողները․ հետազոտություն

Որո՞նք են ամենապահանջված մասնագիտությունները Հայաստանում, ո՞ր ոլորտի ընկերություններն են ամենաակտիվը աշխատաշուկայում, ինչպիսի՞ հմտություններ և գիտելիքներ է այսօր պահանջում գործատուն, աշխատավարձի ինչպիսի՞ ակնկալիքներ կան այսօր աշխատանքի տարբեր ոլորտներում։

Այս հարցերի պատասխանը փորձել է տալ staff.am-ը՝ կատարելով ՀՀ աշխատաշուկայի վերաբերյալ հետազոտություն կարիերայի հարթակի կողմից վերջին 18 ամիսների ընթացքում հավաքագրված վիճակագրական տվյալների հիման վրա:

«Սա թվով արդեն երկրորդ ծավալուն հետազոտությունն է ՀՀ աշխատաշուկայի վերաբերյալ։ Հաշվի առնելով, որ մեր հարթակի միջոցով օրական կտրվածքով տվյալների բավականին մեծ հոսք է ապահովվում, մենք կատարում ենք տարբեր տիպի հետազոտություններ և վերլուծություններ, դրանցից մի մասով էլ կիսվում ենք հանրության հետ, անչափ կարևորելով այսչափ օգտակար տեղեկատվության հասանելիությունը մեր օգտատերերին և ոչ միայն նրանց»,- նշում է հարթակի համահիմնադիր Վահե Ավետիսյանը։

2018թ․ փետրվար ամսին staff.am հարթակի միջոցով աշխատավարձերի վերաբերյալ անանուն հարցում է կազմակերպվել, որին մասնակցել են ավելի քան 1,000 անհատներ, տրամադրելով տեղեկատվություն գործատուի, իրենց պաշտոնի և գործունեության ոլորտի և աշխատավարձի վերաբերյալ, նշելով, իհարկե, թե քանի տարվա փորձ ունեն այս ոլորտում։

Ամենապահանջված աշխատանքների բաշխվածությունն ըստ աշխատանքի կատեգորիաների (տոկոսային կշիռն ընդհանուրի մեջ)

Հետազոտությունը ցույց է տալիս, որ ըստ աշխատանքի կատեգորիայի գերակշռում են  Ծրագրավորման աշխատանքները, ինչը զարմանալի չէ հաշվի առնելով ՏՏ ոլորտի և, մասնավորապես Ծրագրավորման մասնագիտության նկատմամբ մեծ պահանջարկի: Ընդ որում, ՏՏ բնույթի բոլոր աշխատանքների կշիռը ընդհանուր աշխատանքների մեջ աճ է գրանցել նախորդ ժամանակահատվածի համեմատ։

Ամենապահանջված աշխատանքների բաշխվածությունն ըստ ընկերության գործունեության ոլորտի և ժամանակահատվածների

  • Հետազոտությունը ցույց է տալիս, որ ըստ գործատուի ոլորտի գերակշռում են ՏՏ ընկերությունները, ընդհանուր աշխատանքների մեջ կազմելով 37%: Ընդ որում, ՏՏ ոլորտի ընկերությունների կողմից ակտիվությունը 2 տոկոսային կետով աճել է նախորդ ժամանակաշրջանի համեմատ։
  • Ֆինանսաբանկային ոլորտը, որն իր մեջ ներառում է նաև ապահովագրական ընկերությունները, նույնպես ընդգրկվել է թոփ 5-ում և նույնպես գրանցել է ակտիվության աճ:
  • Ներկրմամբ, արտահանմամբ և առևտրով զբաղվող ընկերությունները եզրափակում են առաջին եռյակը, մի փոքր ակտիվության անկումով։
  • Կրթություն, Ծառայություններ, Խորհրդատվություն, սրանք այն ոլորտներն են, որոնք նույնպես ակտիվացել են նախորդ ժամանակաշրջանի համեմատ։

Ամենաակտիվ մարզային քաղաքներն ըստ աշխատանքի հայտարարությունների քանակի

  • Տոկոսային կշիռները ներկայացված են ընդհանուր մարզային աշխատանքների մեջ: Երևան քաղաքում առկա աշխատանքները ներառված չեն, դրանք կազմում են բոլոր աշխատանքների 93%-ը:
  • Դիլիջանում, Արմավիրում և Գյումրիում աշխատանքների բաշխվածությունն ըստ ոլորտների և ընկերությունների ավելի դիվերսիֆիկացված է, այսինքն` առկա են թափուր աշխատատեղեր տարբեր ընկերությունների կողմից տարբեր ոլորտներում:

ՏՏ ոլորտի աշխատանքների բաշխվածությունն ըստ մասնագիտությունների (վերջին 6 ամիսների ընթացքում)

  • Ծրագրավորման մասնագետներից բացի, որոնք բնականաբար զբաղեցնում են ընդհանուրի ավելի քան 40%-ը։
  • ՏՏ ընկերություններին անհրաժեշտ են նաև այլ ՏՏ մասնագետներ, ինչպիսիք են օրինակ համակարգային ադմինիստրատորներ, ՏՏ աջակցման (tech support) մասնագետներ և այլն:
  • Մարքեթինգի ոլորտի մասնագետների պահանջարկ կա համարյա բոլոր ոլորտներում, իսկ ՏՏ ոլորտում, նամանավանդ տեխնոլոգիական ստարթափներում այդ պահանջարկն էլ ավելի ակնառու է։

Աշխատավարձերի համեմատական վերլուծություն մասնագիտությունների և աշխատանքային փորձի կտրվածքով

  • Գծապատկերում ներկայացված է 11 մասնագիտական ոլորտ, որոնց համար ունենք ընդհանուրի մեջ զգալի կշիռ ունեցող տվյալներ, որոնց հիման վրա հնարավոր է ստանալ վիճակագրորեն բավարար պատկեր աշխատավարձերի վերաբերյալ։
  • Ինչպես ցույց է տրված գծապատկերում, աշխատավարձի մակարդակը ամենաբարձրը ՏՏ մասնագետներինն է, իսկ ամենացածրը Կրթության և գիտության ոլորտի մասնագետներինը։

 

Ամփոփում

Հայաստանի աշխատաշուկայի վերլուծությունը ցույց է տալիս, որ առկա են գերակշիռ ոլորտներ թափուր աշխատանքների ակտիվության առումով, այս ոլորտները նաև գրանցել են աճ վերջին 6 ամիսների ընթացքում։

Աշխատավարձերի ուսումնասիրությունը ցույց է տալիս, որ աշխատանքային փորձից կախված բարձր են վարձատրվում ՏՏ ոլորտի, Ֆինանսական և բանկային ոլորտի, Մարքեթինգի և գովազդի ոլորտի աշխատանքները։

ՀՀ աշխատաշուկայի վերաբերյալ հետազոտությունները staff.am-ում ունի պարբերական բնույթ, ինչը նշանակում է, որ յուրաքանչյուր հաջորդ թողարկման մեջ կներառվեն ոչ միայն հետազոտության նոր ճյուղեր, այլ նաև կկատարվի համեմատական վերլուծություն նախորդ ժամանակահատվածի համեմատ։

Կարդացեք նաև՝ 

Թոփ 15 աշխատանքի որոնման կայքերը Հայաստանում 2018-ին


#ԳործԿա․ Ես աշխատում եմ․․․ Աննա Փորսուղյան

#ԽելացիԾախսեր․ Ինչպես ճիշտ պլանավորել գովազդային բյուջեն

Կորոնամարքեթինգ․ #շնորհակալություն_բժիշկ մեդիա արշավի հաջողության պատմությունը

Ինչպես է Գերմանիան պայքարում աշխատաշուկայի ճգնաժամի դեմ

7 գործիք, որ կօգնեն կենտրոնանալ տնից աշխատելիս

Forbes-ն անդրադարձել է Հայաստանի տեխնոլոգիական հեռանկարին

Նոր իրավիճակը նոր ռազմավարություն է պահանջում. Կարեն Վարդանյան

Երևանը Forbes-ի ցանկում 2020-ի թերագնահատված զբոսաշրջային 10 ուղղություններից մեկն է

TourXel-ն ավտոմատացնում է տուրիստական ընկերությունների աշխատանքը

Staff.am-ն արդեն Ղազախստանում է` HireBee բրենդով և նոր օնլայն հարթակով

#ԳործԿա․ Ես աշխատում եմ․․․ Կարեն Ղազարյան

Ի՞նչ հարցնել ապագա գործատուին

Ամենատարածված միֆերը ֆրիլանսերների կյանքի մասին

#ԳործԿա․ Ես աշխատում եմ․․․ Դավիթ Հովհաննիսյան

Թայբեյցի գիտնականների հետ համատեղ կմշակվեն խելացի տեխնոլոգիաներ՝ գյուղատնտեսության համար

Գործարար կնոջ 1 օրը․Նորաձևության մարքեթինգի մասնագետ Աննա Սալոմե