Tesla-ի մեքենաները մեծ թարմացում են ստացել

Tesla ավտոարտադրողը թողարկել է խոշոր ծրագրային թարմացում իր էլեկտրոմեքենաների համար:

10.0 թարմացումը տարածվում է օդով: Նոր գործառույթների թվում է հնարավորություն դիտել ֆիլմեր և հեռուստահաղորդումներ Model S, Model X, և Model 3 մեքենաներում: Այս ամենը տեղակայվելու է Tesla Theater  համակարգի մեջ: Կարելի է միացնել  Netflix-ի, YouTube-ի,  Hulu-ի,  iQiyi-ի և Tencent Video-ի սեփական ալիքները և դիտել այնտեղով ինչ որ ցանկանա վարորդը:

Իհարկե, այս ֆունկցիայից կարելի է օգտվել միայն այն ժամանակ, երբ մեքենան կայանված է կամ կայանվում է:

Ուղևորությունների ընթացքում հնարավոր է դարձել նաև երաժշտություն լսել Spotify Premium-ի ալիքով:

Ավելացել է նաև ավտոպիլոտի Smart Summon ռեժիմը, որը թույլ է տալիս մեքենային ինքնուրույն մոտենալ տիրոջը, եթե նա հայտնվել է տեսադաշտում: