WhatsApp-ի օգտատերերի թիվն անցել է 2 միլիարդից - VNews

WhatsApp-ի օգտատերերի թիվն անցել է 2 միլիարդից

WhatsApp մեսենջերի օգտատերերի թիվը անցել է 2 միլիարդից, հայտնում է AFP-ը։

2014թ․ Facebook-ի կողմից ձեռք բերված WhatsApp-ը դարձել է ամենահայտնի ծառայություններից մեկը սոցցանցի հավելվածների «ընտանիքում»՝ առաջարկելով հաղորդագրությունների, այդ թվում՝ ձայնային եւ տեսազանգերի, անվճար փոխանակում։

«Մասնավոր խոսակցությունները, որոնք մի ժամանակ, հնարավոր էին միայն դեմ առ դեմ, այժմ կարող են տեղի ունենալ մեծ տարածությունների հեռավորությամբ՝ ակնթարթային չատերի եւ տեսազանգերի միջոցով»,- ասվում է WhatsApp-ի բլոգի հաղորդագրության մեջ։

Նշվում է նաեւ, որ WhatsApp-ը հավատարիմ է մնում «հուսալի կոդավորմանը», որը թույլ է տալիս օգտատերերին գաղտնի միանալ։ «Ուժեղ կոդավորումը անհրաժեշտություն է ժամանակակից կյանքում։ Մենք անվտանգության հարցում փոխզիջման չենք գնա։ Առավել պաշտպանելու համար մենք աշխատում ենք անվտանգության առաջատար փորձագետների հետ, առաջավոր տեխնոլոգիաներ ենք օգտագործում չարաշահումները կանխելու համար, ինչպես նաեւ առաջարկում ենք վերահսկման միջոցներ եւ խնդիրների հաղորդման ձեւեր՝ առանց գաղտնիությանը վնաս հասցնելու»։

Անցյալ շաբաթ Երեխաների պաշտպանության կազմակերպությունը կոչ էր արել Facebook-ին դադարեցնել իր բոլոր հարթակների հուսալի կոդավորումը՝ հայտարարելով, որ դա ազատություն կտա սեքսուալ հանցագործներին։

WhatsApp-ը օգտագործում է «միջանցիկ կոդավորում», որը շատ դեպքերում կարող է խանգարել իրավապահ մարմիններին նույնիսկ դատարանի որոշմամբ հասանելի դարձնել օգտատերերի տվյալները։

Երեխաների պաշտպանության խմբերը ասել են, որ իրենք մտահոգված են, թե ուժեղ կոդավորումը կնպաստի մանկական պոռնոգրաֆիայի փոխանակմանը։


WhatsApp-ի 5 գաղտնիք, որ քչերը գիտեն

WhatsApp-ի մեկ գործառույթի պատճառով օգտատերերը կարող են գումար կորցնել

WhatsApp-ի ֆունկցիաներն ընդլայնվել են

WhatsApp-ը կավելացնի տեսազանգի մասնակիցների քանակը

WhatsApp-ը նորություններ ունի Android-ի համար (լուսանկար)

WhatsApp-ը նոր սահմանափակումներ է մտցրել՝ կապված կորոնավիրուսի տարածման հետ

WhatsApp-ը սահմանափակումներ է մտցրել կորոնավիրուսի տարածման պատճառով

Օգտատիրոջը տուգանել են WhatsApp-ի հաղորդագրությունների համար

WhatsApp-ը «ստի դետեկտոր» է ավելացրել

WhatsApp-ը պատերազմ է հայտարարել կորոնավիրուսին

WhatsApp-ում շուտով կհայտնվեն ինքնաոչնչացվող նամակներ

WhatsApp-ում կավելանա հաղորդագրությունները գաղտնաբառով պաշտպանելու հնարավորություն

Facebook-ը չեղարկել է իր ամենամյա խոշորագույն կոնֆերանսը

WhatsApp-ը նոր ռեկորդ է գրանցել

WhatsApp-ը կդադարի աշխատել միլիոնավոր սմարթֆոնների մեջ

Սաուդյան Արաբիայի թագաժառանգին մեղադրում են կիբեռհանցագործության մեջ