WhatsApp-ը սահմանափակումներ է մտցրել կորոնավիրուսի տարածման պատճառով

Նոր տեսակի կորոնավիրուսային համավարակը հասցրել է վնասել ոչ միայն հազարավոր մարդկանց առողջությանը, այլև տեխնոլոգիական տարբեր ընկերությունների  գործունեությանը:

Այս ամենի շարքին է դասվում նաև WhatsApp մեսինջերը: Աշխարհում ամենալայն տարածում ստացած մեսինջերի պատասխանատուները հայտնել են, որ որոշ սահմանափակումներ կմտցնեն մեսինջերի գործունեության մեջ: Դրանցից առաջինը մարդկանց կողմից իրենց էջերում տեղադրված տեսանյութերի երկարությունների կրճատումն է: Եթե մինչ այս մարդիկ կարող էին իրենց օգտահաշիվներում տարբեր երկարության տեսանյութեր տեղադրել, ապա այժմ այն հասցվել է մինչև 15 վայրկյանի:

Առայժմ այս ռեժիմը գործում է մի քանի երկրներում, առաջինը՝ Հնդկաստանում, սակայն պետք է ավելի լայն տարածում ստանա՝ ըստ պատասխանատուների: