Օգտատիրոջը տուգանել են WhatsApp-ի հաղորդագրությունների համար

Ռուսաստանի Լիպեցիկի շրջանում տուգանք է նշանակվել մի օգտատիրուհու WhatsApp-ում կորոնավիրուսի մասին սխալ տեղեկություններ տարածելու համար:

Պարզվում է, որ օգտատիրուհին մեսինջերում իր աշխատանքի վայրի չատում կարդացել է տեղեկություններ կորոնավիրուսի  մասին, ապա դրանք ուղարկել իր երեխաների մանկապարտեզի ծնողական խմբի չատ:

Հայտնի է դարձել, որ այդ տեղեկությունները չեն համապատասխանում իրականությանը, ավելին՝ խուճապ են առաջացնում մարդկանց մոտ: Դրանք հաղորդում էին Ռուսաստանում կորոնավիրուսով վարակվածների իրական թվի թաքցնելու մասին:

Այս ամենից հետո ռուսական պատկան մարմինները ստիպված են եղել տուգանել կնոջը 15 հազար ռուբլիով: