Яндекс.Карты-ն սկսել է ցուցադրել խանութներում հերթերի չափը

Яндекс.Карты ծառայությունը սկսել է ցույց տալ խանութներում հերթերի չափը։ Սա կօգնի այն մարդկանց, ովքեր փորձում են սոցիալական հեռավորություն պահպանել և գնահատել դրամարկղի ծանրաբեռնվածությունը, գրում է Meduza-ն։

Առայժմ ծառայությունն աշխատում է միայն վեբ տարբերակում։ Խանութի անվան կողքին նշվում է՝ չկա հերթ, ոչ մեծ հերթ կա, մեծ հերթ է։ Շուտով ծառայությունը կհայտնվի նաև բջջային տարբերակում, ինչպես նաև Яндекс.Навигатор-ում։

Հերթերի մասին տեղակատվությունը փոխանցում են գործընկեր կազմակերպությունները։ Դրանք ծրագրում նշվում են հատուկ նշաններով։ Այս պահին ծառայությանը միացել են սուպերմարկետների 224 մասնաճյուղեր, ծառայությունը դեռևս հասանելի է միայն Մոսկվայում և Պետերբուրգում։