Ընթանում է Dota 2 Հայաստանյան առաջնությունը

Երևանում ապրիլի 5-ին մեկնարկել է համակարգչային ամենամասսայական Dota 2 խաղի Հայաստանի առաջնությունը, որը կազմակերպել է BetConstruct ընկերությունը։

Ի սկզբանե Dota-ն Warcraft-ի քարտեզ է եղել, սակայն ժամանակի ընթացքում մարդկանց շրջանում հետաքրքրությունը աճել է։ Քարտեզը  գնել է ավելի մեծ ընկերություն և ընդլայնել դրա հնարավորությունները։ Եթե նախկինում հնարավոր էր խաղալ 10 լոկալ խաղացողներով, ապա այժմ խաղը ձևափոխվել է և հասանելի դարձել նաև վիրտուալ տիրույթում: Աշխարհի տարբեր ծայրերից ու պետություններից օգտատերերը կարող են ձևավորել թիմ և խաղալ։

Dota 2-ի հայաստանյան առաջնությանը մասնակցում են 16-27 տարեկան մարդիկ։ Այս տարի  Dota 2-ի մրցանակային ֆոնդը 1 մլն դրամ է։ Այժմ ընթանում է առաջնության խմբային փուլը։ Ամեն խաղ միջինում տևում է 3 ժամ։  Ձևավորված թիմերը Երևանից և Հայաստանի տարբեր մարզերից են։

Կիրակի օրը՝ ապրիլի 8-ին, BetConstruct-ի գլխավոր գրասենյակում՝ առավոտյան 12-ից կսկսվեն առաջին կիսաեզրափակիչները,  3-րդ և 4-րդ տեղի համար նախատեսված խաղը և արդեն եզրափակիչ փուլը։ Եզրափակչում կարևոր նախապայման է ունենալ գրանցած առնվազն երեք հաղթանակ։ Ապրիլի 8-ին կայանալիք բոլոր խաղերը ուղիղ հեռարձակմամբ կարող եք դիտել այստեղ: