«Չելսիի» նախկին հարձակվող. «Չեմ հասկանում, ինչպես կարող է Էմերին միաժամանակ թիմում պահել Մխիթարյանին և Օզիլին»

Լոնդոնի «Չելսիի» և Իռլանդիայի հավաքականի նախկին ֆուտբոլիստ Տոնի Կասկարինոն կարծում է, որ Հենրիխ Մխիթարյանն ու Մեսութ Օզիլը միասին տեղ չունեն «Արսենալի» կազմում:

«Ունայ Էմերիի գլխավորությամբ «Արսենալը» լրիվ այլ թիմ է դարձել: Եվ դրա ամենակարևոր պատճառներից մեկն այն է, որ երկրպագուները սկսել են կրկին հավատալ թիմին:

Էմերիի հետ «Արսենալն» ամենից շատ միավորներն է վաստակել՝ խաղի ընթացքում զիջելով հաշվի մեջ: Դա ստիպում է երկրպագուներին աջակցել ֆուտբոլիստներին:

Բայց ես չեմ հասկանում, թե ինչպես Էմերին կարող է միաժամանակ թիմում պահել Մխիթարյանին և Օզիլին, հաշվի առնելով այն հանգամանքը, որ նրա համար շատ կարևոր են խաղի տեմպն ու ուժային պայքարը:

Էմերիի գլխավորությամբ ծաղկել է Ալեքս Իվոբիի խաղը, և նա արժանի է մեկնարկային կազմում տեղ ունենալուն»,- ասել է Կասկարինոն:

«Երբեք Մխիթարյանին մի ընդգրկեք մեկնարկային կազմում». «Արսենալի» երկրպագուները դժգոհ են հայ կիսապաշտպանի ելույթից

Հետևե՛ք VNews.am-ին նաև Youtube-ում և Instagram-ում: