«Չեմ պատկերացնում, թե ինչպես աշխատել այդ մարզչի հետ». Հարոյանը՝ Խաշմանյանի մասին - VNews
Բաժիններ

«Չեմ պատկերացնում, թե ինչպես աշխատել այդ մարզչի հետ». Հարոյանը՝ Խաշմանյանի մասին

Հայաստանի հավաքականի պաշտպան Վարազդատ Հարոյանը ԵՎՐՈ 2020-ի նախընտրական փուլի Իտալիայից կրած 1:9 հաշվով պարտությունից հետո Sport24-ի խնդրանքով պատմել է, թե ինչ է կատարվում մեր հավաքականում:

«Իտալացիների հետ հանդիպումը մեզ համար մղձավանջային էր, մենք խաղացինք շատ, շատ վատ: Դա հավաքականի 2-րդ հանդիպումն էր 5 պաշտպանով, և մենք հենց սկզբից վատ սկսեցինք՝ ընդունելով 2 գոլ ու այդպես էլ ուշքի չեկանք: Երբ հանդիպման ժամանակ նայում էի լուսատախտակին, չէի հավատում աչքերիս, խաղից հետո էլ մեզանից ոչ ոք չէր հասկանում, թե ինչ կատարվեց: Մինչև հիմա շոկի մեջ եմ, արդեն 4-րդն օրն է չեմ կարողանում տեղս գտնել:

Երևի թե, հիմա ամբողջ աշխարհն է խոսում այդ պարտության մասին: Մենք չպետք է պարտվեինք 1:9 հաշվով, դա անընդունելի է Հայաստանի հավաքականի համար, մրցունակ թիմի համար՝ բարձրակարգ ֆուտբոլիստներ ունեցող կազմով:

Պատկերացրեք իմ ապրումները, երբ այդ մղձավանջից հետո, երբ չես գիտակցում, թե ինչ է կատարվում, մամուլի ասուլիսի է դուրս գալիս Աբրահամ Խաշմանյանը ու հայտարարում, որ խաղում էր ոչ թե ազգային հավաքականը, այլ՝ պարզապես հավաքականը: Նման խոսքերից հետո զայրույթը ավելի է շատանում: Գլխավոր մարզիչը իրավունք չունի նման խոսքեր ասել իր խաղացողների հասցեին:

Այդ հավաքականում ինձանից բացի խաղում են իմ ընկերները, ամենաուժեղ ֆուտբոլիստները: Երբ քեզ նշանակում են հավաքականի գլխավոր մարզիչ, դու չես գալիս ու նման հայտարարություններ անում խաղից հետո, դա անընդունելի է: Նշանակություն չունի, թե ինչ հաշվով է ավարտվել հանդիպումը 1:9, թե 0:15, դու իրավունք չունես նման կերպ արտահայտվելու: Չեմ պատկերացնում, ինչպես կարելի է նման մարզչի հետ աշխատել: Ընդ որում՝ Խաշմանյանը խաղից հետո ընդհանրապես չի շփվել մեր հետ, մի խոսք էլ չի ասել:

Ներկայիս հավաքականը մեղավոր չէ ստեղծված իրավիճակի մեջ: Եթե մարզիչը ինքն է հավաքել այդ կազմը՝ հրավիրելով 21 ֆուտբոլիստի, ապա այդ ֆուտբոլիստները ներկայացնում են Հայաստանի ազգային հավաքականը: Հավաքականում մեր բոլոր տղաներին լավ եմ ճանաչում, նրանք բոլորը պրոֆեսիոնալ են, բարձրակարգ ֆուտբոլիստներ: Մենք լավ կոլեկտիվ ենք ու հանդերձարանում լավ մթնոլորտ է տիրում, բայց երբ կարդում ես մարզչի հարցազրույցը, հասկանում ես, թե ինչու ամեն ինչ այդպես դասավորվեց:

Մենք ֆուտբոլիստներով շփվում ենք միմյանց մեջ ու բոլորը վրդոված են Խաշմանյանի խոսքերից, դա հաստատ գիտեմ: Վստահ եմ, որ բոլոր ֆուտբոլիստները կաջակցեն ինձ այս հարցազրույցից հետո: Մարզիչը ասել է այդ խոսքերը իմ ու իմ ընկերների հասցեին: Մենք գալիս ենք հավաքական մեծ ցանկությամբ ու խաղում ենք առաջնահերթը մեր երկրի համար, մեր դրոշի ու հայ երկրպագուների համար, հետո նոր մեր ու մարզչի: Կարող եմ հավաքականի բոլոր ֆուտբոլիստների անունից հայտարարել, որ մենք հատուկ վերաբերմունք ունենք հավաքականի նկատմամբ:

Այո, մենք անվստահ սկսեցինք այս նախընտրական փուլը, բայց հետո կարևոր հաղթանակներ տարանք Բոսնիայի ու Հունաստանի նկատմամբ ու իրական հնարավորություն ունեինք խմբից դուրս գալու: Պետք էր հաղթանակի հասնել Լիխտենշտեյնի ու Ֆինլանդիայի նկատմամբ, բայց չկարողացանք դա անել, իսկ եզրափակիչ խաղում պարտվեցինք իտալացիներին նման հաշվով:

Բայց ֆուտբոլիստները քրտնաջան աշխատում են, եթե նույնիսկ արդյունքում պարտվում են 1:9 հաշվով: Մեր քրտինքը մնում է խաղադաշտում, թե ում մոտ, ինչպես է դա ստացվում, դա ուրիշ հարց է: Հասկանում եմ, որ նման հաշվին արդարացում չկա, բայց նման խոսքերին՝ նույնպես: Իսկ եթե ֆեդերացիան նշանակում է գլխավոր մարզչի, որը հետո նման խոսքեր է ասում, նշանակում է, որ նա չի հարգում իր թիմը:

Ես հայրենասեր եմ ու շատ եմ սիրում մեր ժողովրդին: Ինչ էլ պատահի, ամեն ինչ կտամ հավաքականի մարզաշապիկի համար, բայց նման բաներ թույլ չեմ տա, որ տեղի ունենա մեր հավաքականում՝ տեսնելով, թե ինչպես է թիմակիցս նվիրվում խաղադաշտում:

Այդ մասին է նաև խոսում Հայաստանի հավաքականի նախկին պաշտպան Ռոբերտ Արզումանյանը, հիանալի ֆուտբոլիստ ու լավ մարդ՝ «Նման խոսքերից հետո ֆեդերացիայի պետք է որոշում կայացնի: Յուրաքանչյուր ֆուտբոլիստը ինքը արդեն որոշել է»: Ռոբերտը այդպես է ասել, քանի որ նա նույնպես խաղացել է հավաքականում, նա այստեղ ընկերներ ունի:

Մեր հավաքականը վաստակավոր ֆուտբոլիստներ ունի, որոնք շատ բանի են հասել: Հենրիխ Մխիթարյանը կուժեղացներ ցանկացած թոփ հավաքական: Ափսոս, որ Հենրիխը` իմ ընկերը, վնասվածք էր ստացել: Հենրիխը միշտ մեր հետ է, նա մեր ավագն է, միշտ կանգնած է հավաքականի մեջքին: Նա ու մենք բոլորս մեր վերջին խոսքը չենք ասել խաղադաշտում:

Ինձ թվում է, որ, ովքեր այս թեմային տիրապետում են, հասկացան, թե ինչ է նշանակում իմ հրապարակումը Instagram-ում: Մի պահ եկավ, որ այդ նկարը աչքովս ընկավ ու այն ճիշտ փոխանցում էր իմ մտքերը: Իմ հարցազրույցը դրա ապացույցն է:

Կարդացել եմ, որ հավաքականը կարող էր գլխավորել Ալեքսանդր Գրիգորյանը: Այդ մասին սկսեցին խոսել, երբ ես «Ուրալում» ծանրաբեռնված գրաֆիկ ունեի, բայց հետևում էի իրավիճակին ու սպասում էի ֆեդերացիայի ցանկացած որոշմանը: Չգիտեմ՝ ինչու չստացվեց Գրիգորյանի հետ ու թե ինչ է կատարվում ֆեդերացիայում, արդեն վաղուց Հայաստանից դուրս եմ խաղում, բայց կարող եմ ասել, որ այսօր հայկական ֆուտբոլի համար ծանր օրեր են: Մենք պետք է այս ամենի միջով անցնենք միասին: Բոլորը գիտեն, որ հայերը մեծ հաղթանակներ են տարել ուժեղագույն հավաքականների դեմ: Մենք երբեք չենք եղել միջակ թիմ, այնպես չի եղել, որ ինչ-որ մեկին հարմար է եղել մեր հետ խաղալ:

Ցանկանում եմ հավաքականի բոլոր ֆուտբոլիստների անունից ներողություն խնդրել երկրպագուներից: Իմացեք, որ բոլոր ֆուտբոլիստները գալիս են հավաքական, որպեսզի հաղթեն ու ուրախացնեն մեր ազգին: Հայաստանի հավաքականին երկրպագում են ամբողջ աշխարհում, այն միավորում է մարդկանց ու մեր թիմը չի կարող դավաճանել նրանց»:

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Վարազդատ Հարոյանը հեռացել է «Ուրալից»

Մխիթարյանը շնորհավորական սթորիներ է արել համացանցում (լուսանկարներ)

Դիեգո Ռոսի Մարաշլյանը հայտավորվել է Ուրուգվայի հավաքականի կազմում

Կարիերայի լավագույն մրցաշրջանի սպասումով. Մխիթարյանի 4 մարտահրավերները՝ 2020/21-ին ընդառաջ

Գոլասո՜. ՈւԵՖԱ-ն տպավորված է Վբեյմար Անգուլոյի գոլով Էստոնիայի դարպասը (տեսանյութ)

Հայաստանի հավաքականը բարձրացել է 1 հորիզոնականով ՖԻՖԱ-ի դասակարգման աղյուսակում

Ալեքսանդր Կարապետյան. «Օրհներգը երգելիս շփոթվեցի ու ամեն ինչ մոռացա»

Հարությունյանի խոսքով՝ Մխիթարյանը հաջորդ հավաքին կլինի հավաքականի հետ

Արաս Օզբիլիսը խաղադաշտ է կառուցել Երևանում (ֆոտո)

Հակապրեսինգը դառնում է հավաքականի գլխավոր զենքերից մեկը․ Ինչպես հաջողվեց «ծնկի բերել» էստոնացիներին

Հաղթանակի բերկրանքը. Հայաստանի հավաքականի հանդերձարանը՝ Էստոնիային հաղթելուց հետո (տեսանյութ)

«Անխուսափելի հաղթանակ». Հայաստան – էստոնիա խաղի ֆուտբոլիստների գնահատականները

Կարապետյանը՝ հավաքականի լավագույն ռմբարկուների տասնյակում, Անգուլոն՝ գոլ խփած այլազգի 2-րդ ֆուտբոլիստ

Հաղթանակ ուղիղ 1 տարի անց․ VNews-ի ֆոտոշարքը Հայաստան – Էստոնիա հանդիպումից

Կապառոս․ «Խաղադաշտ էինք դուրս եկել՝ միմիայն հաղթանակի հասնելու համար»

Հայաստանի հավաքականը վստահ հաղթանակ տոնեց էստոնացիների դեմ խաղում (տեսանյութ)