fbpx

Չեմպիոնների լիգան վերադառնում է. 5 ֆուտբոլիստ, որ արժե ունենալ Ձեր Fantasy թիմում

Չեմպիոնների լիգան վերադառնում է. 1/8 եզրափակիչ, որը, թերևս, երկրպագուների համար ամենահարմար գրաֆիկն ունի մրցաշարի բոլոր փուլերից, քանի որ օրական «մատուցվում է» 2 խաղ, ու հնարավոր է հետևել ամեն ինչի: Բայց հետևելն ավելի հետաքրքիր է դառնում, երբ ունեք նաև Ձեր Fantasy թիմը, ինչո՞ւ ոչ՝ հենց Vivaro Fantasy-ում: Ներկայացնում ենք 5 ֆուտբոլիստ, որ կարող են տեղ գտնել Ձեր ֆենտզի թիմում:

5. Ժերար Պիկե – 5200$

Խաղը՝ «Լիոն» – «Բարսելոնա»

Լա Լիգայի նախորդ խաղում «Բարսան» այդպես էլ չկարողացավ գտնել մրցակցի դարպասի բանալին, բայց և անառիկ պահեց սեփականը: Վերջին գործում իր կարևոր դերակատարությունն ունի Ժերար Պիկեն, սակայն դա չի նշանակում, որ առաջինում նա չի կարող օգնել: Գուցե զարմանալի հնչի, բայց ընթացիկ մրցաշրջանում Պիկեն 3 գոլ է խփել Լա Լիգայում, ևս 1-ը՝ Չեմպիոնների լիգայում: Իհարկե, Չեմպիոնների լիգայում «Լիոնը» «ծանր մրցակցի» համբավ ունի, բայց գոնե տանը կատալոնացիները պետք է ամեն ինչ անեն սեփական դարպասը մրցակցի համար փակ պահելու համար: Ժերար Պիկեն այս հարցում ունի ևս մեկ մեծ պլյուս՝ թիկունքում գտնվող Տեր-Շտեգենը, ով «Ատլետիկի» հետ խաղում փրկեց միավորը Վալվերդեի համար:

4. Հեկտոր Հերերա – 5500 $

Խաղը՝ «Ռոմա» – «Պորտու»

Երաշխավորված մեկնարկող, ով մեծ դերակատարություն ունի «Պորտուի» խաղում: Արդեն քանի տարի: Խաղացող, ում փորձը մրցաշարի այս փուլում մեծ դեր է խաղալու: Իսկ ինչ վերաբերում է պորտուգալական թիմին, ապա նրանք ֆավորիտ չեն ըստ բուքմեյքերների, բայց գրեթե հավասար շանսերն ունեն անցնելու հաջորդ փուլ: Ավելին, «Պորտուն» լավագույն արդյունքն էր գրանցել խմբային փուլում՝ 5 հաղթանակ և 1 ոչ-ոքի:

3. Սադիո Մանե – 8900 $

Խաղը՝ «Բավարիա» – «Լիվերպուլ»

Կլոպը վերադառնում է Գերմանիա՝ իր սիրելի «Բավարիայի» «գիրկը»: Ո՞վ է դառնալու նրա գլխավոր հարվածային ուժը: Սալահին դուք կընտրեք, եթե ձեր բյուջեն դա թույլ տա, բայց եթե չտա, ապա չմոռանաք նաև Սադիո Մանեի մասին: Վերջինս 12 գոլով ու 1 գոլային փոխանցմամբ 7-րդն է ԱՊԼ ռմբարկուների ցանկում:

2. Գարեթ Բեյլ – 9100 $

Խաղը՝ «Այաքս» – «Ռեալ Մադրիդ»

«Ռեալը» վերջին շրջանում սկսում է նմանվել «արքայական ակումբի»՝ 6 հաղթանակ վերջին 7 խաղում: Ու այս պահին, չնայած մրցաշրջանի ընթացքում եղած խնդիրներին, Սանտիագո Սոլարիին արդեն սկսում են հարցնել Չեմպիոնների լիգայի 4-րդ անընդմեջ գավաթի մասին: Միանշանակ է, որ զույգի ֆավորիտը «Ռեալն» է: Իսկ Բեյլը ՉԼ-ում կիսապաշտպանների շարքում երկրորդ լավագույն արդյունքն ունի՝ ֆենտզի միավորների արդյունավետությամբ՝ 6,8: Խմբային փուլում նա 3 գոլ ու 2 արդյունավետ փոխանցում էր գրանցել իր հաշվին, ինչը բավարար եղավ մեր հնգյակում հայտնվելու համար:

1. Սերխիո Ագուերո – 10 500$

Խաղը՝ «Շալկե 04» – «Մանչեսթեր Սիթի»

Միայն 1/8 եզրափակիչ փուլը բավարար եղավ, որպեսզի «Ման Սիթին» ստանա Չեմպիոնների լիգան հաղթելու ամենացածր գործակիցը՝ 2,62: Բայց դա էլ քիչ չէր՝ Գվարդիոլայի թիմն այս խաղին մոտենում է ուղղակի անհավանական մարզավիճակում ու տրամադրությամբ՝ «Չելսիի» նկատմամբ 6-0-ից հետո: Իսկ «Շալկեն» էլ, գրողը տանի, 14-րդ տեղում է. դա ընդամենը 2 հորիզոնական է բարձր վտանգավոր գոտուց: Ուստի, «Սիթիից» ֆուտբոլիստ ունենալը պարտադիր է, ու պարտադիր է նաև ունենալ հենց Սերխիո Ագուերոյին՝ ԱՊԼ վերջին 2 տուրերի լավագույն խաղացողին ըստ Fantasy միավորների:

Ստեղծե՛ք Ձեր ՉԼ ֆենտզի թիմը

Հետևե՛ք VNews.am-ին նաև Youtube-ում և Instagram-ում:


«Ռեալն» Ազարին ոսկով կպատի. բելգիացին աստղաբաշխական աշխատավարձ է ստանալու Մադրիդում

Զիդանի հերթական թիրախը Եվրոպայի ամենատաղանդավոր ֆուտբոլիստներից մեկն է

Բենզեման այսօր կարող է կրկնել Մեսիի տպավորիչ ռեկորդը

«Մանչեսթեր Սիթին» արդեն չեմպիո՞ն է. ահա, թե ինչ խաղեր են մնացել «քաղաքայիններին» և «Լիվերպուլին»

Սուլշեր. «Մանչեսթեր Սիթին» բարձրունքում է, իսկ մենք այնտեղ ենք, որտեղ հիմա ենք»

«Օլդ Թրաֆորդի» իսկական աստղը. Պեպ Գվարդիոլան յուրահատուկ ցուցանիշի է հասել

Մանչեսթերյան դերբի․ «Յունայթեդը» նույնպես չկարողացավ խանգարել «Սիթիին» (տեսանյութ)

Մանչեսթերյան դերբի․ մեկնարկային կազմեր

100 խաղ թևկապով․ Մեսին շարունակում է պատմություն գրել «Բարսելոնայում»

Ինչու է «Յունայթեդը» մարզվել նախկին մարզաբազայում մանչեսթերյան դերբիից առաջ

«Եթե «Ռեալը» ցանկանում է Յովիչին, մենք շանս չունենք նրան թիմում պահելու». «Այնտրախտի» տնօրեն

Զիդան. «Որոշ ֆուտբոլիստներ ստիպված են լինելու հեռանալ»

«Բարսելոնան» կհրաժարվի Մալկոմից մի դեպքում

Զիդան. «Ռեալը» 33 չեմպիոնական տիտղոս ունի, իսկ քանի՞ հատ ունի «Բարսելոնան»

Ռոնալդուն խորհուրդ է տվել գնելու 6 ֆուտբոլիստի

Իսպանական ակումբները դարձյալ կարող են հանդես գալ արտերկրում