fbpx
Բաժիններ

Չեմպիոնների լիգայի խմբային փուլի 4-րդ տուրի առաջին օրը՝ 10 փաստով

Չեմպիոնների լիգայի խմբային փուլի 4-րդ տուրի առաջին խաղային օրը ստացվեց անչափ գոլառատ ու հետաքրքիր խաղերով լի:  Գրանցված գրեթե բոլոր խաղերում գրանցվեցին իրադարձություններ ու փաստեր, որոնք աննախադեպ են եղել թիմերի կամ էլ մրցաշարի պատմության մեջ: Մենք առանձնացրել ենք դրանից 10-ը:

  • Միլանի «Ինտերը», զիջելով «Բորուսիային» 2-3 հավով՝ առաջին անգամ պարտություն կրեց չեմպիոնների լիգայում՝ հաղթելով մրցակցին 2 գնդակի տարբերությամբ: Մինչև այս՝ նախորդ 28 դեպքերում «ներաձուրիները» չեն զիջել իրենց առավելությունը:

  •  Նույն խաղին մասնակցած Լուկաս Պիշչեկը դեղին-սև մարզաշապիկով տարավ իր 23-րդ հաղթանակը Չեմպիոնների լիգայում: Դրանով լեհ պաշտպանը կրկնեց ակումբի լեգենդար ֆուտբոլիստ Շտեֆան Ռոյտերի ցուցանիշը:

  • Ֆրանսիական «Լիլը» Չեմպիոնների լիգայի խմբային փուլի 4 տուրից հետո իր անվան դիմաց ունի գրանցած ընդամենը 1 միավոր: Մրցաշարի կանոնակարգի փոփոխություններից հետո (2003/2004 մրցաշրջանից), 37 թիմ չի կարողացել հաղթահարել Չեմպիոնների լիգայի խմբային փուլի արգելքը՝ ունենալով իր ակտիվում 1 միավոր 4 տուրից հետո:

  • Հոլանդիայի չեմպիոն «Այաքսը» մարտական ոչ-ոքի խաղաց «Չելսիի» հետ՝ 4-4: Ամստերդամյան ակումբը համալրեց հոլանդական թիմերի շարքը, որոնք Եվրոպական ակումբային մրցաշարերում գրանցել են նման արդյունավետ հանդիպում: Ավելի վաղ առնվազն 4-ական գոլով փոխանակվել են «Վիտեսն» ու Պլովդիվի «Լոկոմոտիվը» (4-4, 2012) և ՊՍՎ-ն ու Լևերկուզենի «Բայերը» (4-5, 1994թ.): 

  • «Վալենսիայի» հարձակվող Ֆերան Տորեսը գոլի հեղինակ դարձավ ֆրանսիական «Լիլի» հետ գոլառատ ու հաղթական խաղում՝ 4-1: Տորեսը դարձավ առաջին ֆուտբոլիստը, որը ծնված լինելով 2000 թվականին, գոլի հեղինակ է դարձել Չեմպիոնների լիգայում իսպանական թիմերի կազմում: Ի դեպ, Տորեսը Երևանում կայացած ԵՎՐՈ Մ-19-ի առաջնությունում Իսպանիայի կազմում դարձել է չեմպիոն:

  • Լոնդոնի «Չելսին» դարձավ Չեմպիոնների լիգայում հանդես եկած երրորդ անգլիական թիմը, որին հաջողվել է փրկվել պարտությունից 1-4 հաշվի պարագայում: Իսկ վերջին անգամ նման ֆենոմենալ արդյունք գրանցել էր «Լիվերպուլը» 2005-ի մայիսին («Լիվերպուլ» – «Միլան» 3-3)

  • «Լիվերպուլի» կիսապաշտպան Ալեքս Օքլեյդ-Չեմբերլենը Չեմպիոնների լիգայի վերջին 4 խաղում խփել է 4 գնդակ: Նույնքան գնդակ նա խփել էր մրցաշարի նախորդ 45 խաղերում:

  • Դորտմունդի «Բորուսիան» վերջին 18 տարվա ընթացքում առաջին հաղթանակը տարավ Չեմպիոնների լիգայում՝ հանդիպման առաջին կեսը պարտությամբ ավարտելուց հետո: Նախորդ 24 դեպքերից 7-ում անընդմեջ «Բորուսիան» պարտվել է:

  • «Այաքսը», Չեմպիոնների լիգայում հանդես գալուց ի վեր առաջին անգամ, կարողացել է արտագնա մրցավեճի առաջին կեսում խփել 3 գնդակ: Առավելագույնը եղել է երկու գնդակը (4 անգամ):

  • Հոլանդացի Մեմֆիս Դեպայը շարունակում է գերազանց ելույթների շարքը ֆրանսիական «Լիոնի» կազմում: Երիտասարդ ֆուտբոլիստը գոլ է խփում Չեմպիոնների լիգայի 4 խաղում անընդմեջ: Վերջին անգամ նման արդյունք «Լիոնում» գրանցել էր բրազիլացի հարձակվող Սոնի Անդերսոնը: 

Ամենահետաքրքիր գործակիցները ֆուտբոլային իրադարձությունների համար

Միացի՛ր հայկական ամենասպորտային Instagram-ին:


«Չելսին» Անգլիայի գավաթի 1/8 եզրափակիչում է (տեսանյութ)

Բուսկետս․ «Դրական բաներ կային, և դրանք պետք է քաղել այս խաղից»

«Վալենսիան» վստահ հաղթանակ տոնեց «Բարսելոնայի» նկատմամբ (տեսանյութ)

Տեր Շտեգենը 11-մետրանոցից իր առաջին սեյվն է կատարել Լա լիգայում (տեսանյութ)

«Վալենսիա» – «Բարսելոնա»․ Մեկնարկային կազմեր

Հաքիմի․ «Միշտ երազել եմ «Ռեալի» առաջին թիմում խաղալու մասին»

Հալանդը Բունդեսլիգայի միանգամից 2 ռեկորդ է գրանցել

«Բորուսիան» ջախջախեց «Քյոլնին», Հալանդը՝ դուբլի հեղինակ (տեսանյութ)

«Չելսիում» դժգոհ են Կեպայից ու պատրաստվում են նոր դարպասապահ գնել

Սուարեսին փոխարինողի նոր թեկնածու՝ Պրեմիեր լիգայից

Պաշտոնական․ «Չելսիի» հարձակվողը տեղափոխվեց «Ինտեր»

Անգլիական գրանդը մտադիր է խառնել «Ատլետիկոյի» ծրագրերը

«Չելսին» տրանսֆերային առաջարկ է կատարել ՊՍԺ-ին

Ժորժինյոյի՝ 11-մետրանոցներն իրացնելու ձևը քննարկումների առարկա է դարձել Անգլիայում

«Բարսելոնան» արդեն սկսել է բանակցությունները Սուարեսին փոխարինողի հարցով

«Չելսին» 2 անգամ առաջ էր հաշվի մեջ, բայց «Արսենալը» 10 հոգով կամային որակներ ցուցաբերեց (տեսանյութ)