Չինական երկու ակումբ հետաքրքրված է Բեյլի ծառայություններով

Զինեդին Զիդանի հայտարարությունից հետո, որ Գարեթ Բեյլը չի մտնում թիմի ծրագրերում, և «Արքայական ակումբը» քայլեր է ձեռնարկում ուելսցու տրանսֆերը վաճառելու ուղղությամբ, չինական երկու ակումբ սկսել են հետաքրքրվել ֆուտբոլիստի ծառայություններով՝ հաղորդում է Marca-ն:

Աղբյուրի տեղեկություններով՝ առաջին թիմը «Ցյանսու Սունինն» է, որը պատրաստ է Բեյլին տարեկան 17 միլիոն եվրո աշխատավարձ վճարել: Երկրորդ թիմը «Շանհայ Շենհուան» է, որի առաջարկը, ըստ աղբյուրի, ավելի գրավիչ է:

Մադրիդյան ակումբը, սակայն, չի ցանկանում դիտարկել այս առաջարկները, քանի որ չինական ակումբները չեն ցանկանում վճարել այն գումարը, որն ակնկալում է «Ռեալը»:

Հետևե՛ք VNews.am-ին նաև Youtube-ում և Instagram-ում: