Բեռլինալեի հաղթողներն են…

Բեռլինի 71-րդ միջազգային կինոփառատոնի հաղթողները հայտնի դարձան 2021 թվականի մարտի 5-ին: Կինոդիտումները տեղի են ունեցել առցանց, իսկ հաղթողների անունները հայտարարվել են փառատոնի գեղարվեստական ​​ղեկավար Կառլո Շատրյանի կազմակերպած տեսակոնֆերանսի ժամանակ: Մրցանակաբաշխությունը տեղի կունենա հունիսի 9-ից 20-ը, Բեռլինում անցկացվող Ամառային օֆլայն ծրագրի ընթացքում:

Լավագույն ֆիլմի համար «Ոսկե արջ»-ի արժանացավ «Bad Luck Banging or Loony Porn» `ռումինացի ռեժիսոր Ռադու Ժուդի ֆիլմը:

Ժյուրիի «Արծաթե արջ» գլխավոր մրցանակը բաժին հասավ ճապոնացի ռեժիսոր Ռյուսուկե Համագուչիի «Wheel of Fortune and Fantasy» ֆիլմին: Մեկ այլ «Արծաթե արջ»-ով պարգևատրվեց գերմանացի կինոռեժիսոր Մարիա Շապետի «Mr. Bachmann and His Class» ֆիլմը:  

Լավագույն ռեժիսուրայի համար մրցանակ ստացավ հունգարացի ռեժիսոր Դենես Նադը՝ իր «Természetes fény» ֆիլմով: «Լավագույն սցենարական աշխատանք» կոչմանն արժանացավ Հոն Սան-սուն՝ «Inteurodeoksyeon» ֆիլմի համար:  Իբրան Ասուադը արժանացավ «Արծաթե արջ»-ի գեղարվեստական ​​ակնառու ներդրման համար ՝ մեքսիկացի ռեժիսոր Ալոնսո Ռուիս Պալացիոսի «A Cop Movie» ֆիլմի մոնտաժի համար:

Փառատոնի պատմության մեջ առաջին անգամ առանձին մրցանակներ չեն տրվել տղամարդկանց և կանանց լավագույն դերի համար:

Փոխարենը, լավագույն դերասանական աշխատանքի համար մրցանակի արժանացավ Մարիա Էգերտին՝ «I’M YOUR MAN» ֆիլմում դերակատարման համար, իսկ երկրորդ պլանի լավագույն դերասանական աշխատանքի համար՝Լիլի Քիսլինգերը՝ «Forest — I See You Everywhere» ֆիլմում դերակատարման համար…