Եղեռնի 105-րդ տարելիցին 105 ռոյալ Ծիծեռնակաբերդում - VNews

Եղեռնի 105-րդ տարելիցին 105 ռոյալ Ծիծեռնակաբերդում

988335 - Եղեռնի 105-րդ տարելիցին 105 ռոյալ Ծիծեռնակաբերդում

Հայոց ցեղասպանության 105-րդ տարելիցին «Դարի ղողանջ» բարեգործական հիմնադրամի նախաձեռնությամբ  նախատեսում է ապրիլի 24-ին Ծիծեռնակաբերդի բարձունքում դեպի անմար կրակ տանող ճանապարհի երկու կողմում տեղադրել 105 ռոյալ: Այդ օրը աշխարհի տարբեր երկրներից Հայաստան ժամանած հարյուրհինգ երաժիշտ կատարելու է հայ կոմպոզիտորների ստեղծագործությունները սիմֆոնիկ նվագախմբի նվագակցությամբ:

«105 ռոյալ» նախագծին ծանոթանալուց հետո «Հայոց ցեղասպանության թանգարան-ինստիտուտ» հիմնադրամի տնօրեն Հարություն Մարությանը գրել է նախագծի հեղինակ Արթուր Հովհաննիսյանին` նշելով, որ  ողջունում է ցանկացած ողջամիտ նախաձեռնություն, որն ուղղված է Հայոց ցեղասպանության փաստի հասարակական հնչեղության ապահովմանը:

«105 ռոյալ» նախագծի հստակ և մանրամասն ծրագրի, ինչպես նաև իրագործման համար անհրաժեշտ գումարների առկայության պարագայում, երբ հիշյալ նախաձեռնության իրականացումն այլևս հավանական կլինի, թանգարան-ինստիտուտի ղեկավարությունը չի առարկում ռոյալների ժամանակավոր տեղադրմանը հուշահամալիրի տարածքում՝ պայմանով, որ որևէ վնաս չհասցվի կանաչ գոտուն և ընդհանրապես հուշահամալիրի տարածքին»,-նշված է գրառման մեջ:

Նախագծի իրականացման դեպքում ապրիլի 25-ի առավոտյան «Դարի ղողանջ» բարեգործական հիմնադրամի առաջարկով և բարերարների համաձայնությամբ ռոյալները կնվիրվեն Հայաստանի տարբեր քաղաքների ու գյուղերի երաժշտական դպրոցներին:

աղբյուր՝ «Արմենպրես»