Ես Արուսիկ Մկրտչյանն եմ... - VNews

Ես Արուսիկ Մկրտչյանն եմ…

o RED CARPET facebook 2 - Ես Արուսիկ Մկրտչյանն եմ...

Երբ ես 18 տարեկան էի…. գենետիկայի ամբիոնի դռներն էի կոտրում, որ ինձ ընդունեն իրենց մոտ փորձեր դնելու: :))

Կին DJ լինելը Հայաստանում… մարտահրավեր էր: 10 տարի անց կարող եմ վստահորեն ասել, որ կարողացա կարծրատիպեր կոտրել և իմ չափով իրականությունը փոխել:

Շրջապատում բոլորից տարբերվելը… ստիպում է այլմոլորակային զգալ ինքդ քեզ:

Կնոջ արտաքինը… հասարակության համար ցավոք ավելի մեծ արժեք է, քան նրա ներքին արժանիքները:

Ինձ համար ամենակարևոր բանը… ընտանիքն է:

Մայր լինելը… մեծագույն պատասխանատվություն է:

Ամենաքաղցր բանը… սիրված լինելն ու սիրելն է:

Ինձ նյարդայնացնում է… անարդարությունը:

Անհնարին ոչինչ չկա, եթե... կա նպատակ:

Ամենաշատը հավատում եմ… որ անգամ բացարձակ խավարի մեջ լույսը միշտ իր տեղը գտնում է:

Կուզեի՝ ինձ էլ չհարցնեն… անձնական թեմաներից:

Ինձ դուր է գալիս… ապրելն այս մոլորակի վրա:

Եվ այնուամենայնիվ… ես մի քիչ միամիտ եմ:

Հնարավոր է սխալվում եմ, բայց… այն իրականությունը, որ այժմ է, ապագայի համեմատ դրախտ է, ուստի  արժի գնահատել այն:

Օրվա ամենասիրելի պահը… առավոտն է, երբ գիտակցում ես, որ նոր օր է սկսվում և նոր հնարավորություն ունես ինչ-որ բան փոխելու:

Հայաստանում այնուամենայնիվ հնարավոր է… լինել երջանիկ:

Սերը… արդյո՞ք հնարավոր է բառերով նկարագրել: Ես էլ նման ռիսկի չեմ գնա :)) Կասեմ միայն, որ այն աշխարհում գոյություն ունեցող թերևս ամենահուզիչ բանն է:

Կնոջ ամենալավ տարիքը… երբ դեռ ի վիճակի է սիրահարվել և հավատալ լավին:

Կուզեի, որ բոլորն իմանան… որ այն կերպարը, որով հանդես էի գալիս, և իմ իրական ես-ը շատ հատկանիշներով տարբեր են իրարից:  

Ես երբեք չեմ թաքցրել… որ անտարբեր եմ հասարակական կարծիքի հանդեպ: Այն մի օր քո կողմից է, հաջորդ օրը քո դեմ է: Եվ այդպես շարունակ: Իսկ ես գնահատում եմ միայն այն, ինչը ստաբիլ է ու հավատարիմ, քանի որ ինքս այդպիսին եմ:

Ինձ համար խելացի ու հաջողակ կնոջ ամենասիրելի կերպարը… Մարիա Կյուրին է:

Երաժշտությունը Հայաստանում այսօր… կարծես թե դեպի որակյալն է գնում, և կարծես թե անորակը քիչ-քիչ կորցնում է իր պահանջարկը:

Իմ ամենասիրելի ֆիլմը… «The Fountain»:

Բարությունը… ցավոք հազվադեպ բան է դարձել:

Ինչևէ… այն շարունակում է մնալ իմ միակ զենքը:

Ինձ բոլորը ճանաչում են որպես Dj Վակցինա և դա… երբեմն պատնեշներ է ստեղծում:

Ես Արուսիկ Մկրտչյանն եմ, ես… ունեմ մի քանի երազանք, որոնց իրականանալու դեպքում կշահեն շատերը, ուստի հույս ունեմ, որ դրանք անպայման իրականություն կդարձնեմ:

26857436 10211533599444085 584922431 n - Ես Արուսիկ Մկրտչյանն եմ...

Զրուցեց Շուշան Կարապետյանը

«Ես եմ» շարքն այստեղ: