Ես Սամվել Մարտիրոսյանն եմ... - VNews

Ես Սամվել Մարտիրոսյանն եմ…

247200 10151220312553781 2099438613 n - Ես Սամվել Մարտիրոսյանն եմ...

Երբ ես շատ երիտասարդ էի… ջուրը ավելի թաց էր, իսկ յուղաներկը՝ ավելի յուղոտ:

Ամենակարևորը կյանքում… չընկալել կյանքը որպես կենաց, էն որ ասում են՝ ամենակարևորը առողջությունն է, կամ փողն է, ընտանիքն է, օջախը, բիթքոյինը։ Կյանքում ամենակարևորները բավականին շատ են:

Մարդուն հնարավոր է ճանաչել ըստ նրա սոցցանցային էջի… Մնում է հնարավոր լինի ինքնաճանաչողությամբ էլ սոցցանցերով հնարավոր լինի զբաղվել:

Հայաստանում հնարավոր է… շնչել Չիլիում արտաշնչած օդը:

Չկա այնպիսի բան, որ… այս հարցերին պատասխանելուց մտքովս չանցավ, էնքան խառնվեցի:

Գուցե ես սխալվում եմ, բայց… ճիշտը ցուլն է:

Մարդիկ միշտ զարմանում են, երբ իմանում են, որ ես… դպրոցում եմ դաս տալիս, արդեն 20 տարուց ավել:

Երևանը… իմ հայրենիքն է։ Մնացած մանրամասները՝ հեռագրով:

Իմ ընտանիքը… չէ, եկեք ընտանիքը չխառնենք այս տրանսցենդենտալ հարցմանը:

Դատելով մեր ֆեյսբուքահայության էջերի որակից ու ոճից, կարելի է ասել, որ… Արմագեդոնից արդեն մի շաբաթ անցել է:

Կուզեի ինձ էլ չհարցնեն… թե ինչու եմ մի տեսակ:

Կուզեի՝ մեր երիտասարդությունը… քիչ լսեր մեծերին:

Մեր մեդիա դաշտը… ուզում էի գրել, բայց կարմրեցի․․․

Եվ այնուամենայնիվ… Երկիրը պտտվում է:

Լավ է, երբ մարդն անվախ է ու համառ… վատ է, երբ մարդ անվախ է, համառ ու հիմար…

Ես կարդում եմ մեր ժամանակակից գրողների գործերը… և ուզում եմ, որ ավելի շատ գրեն, ու ավելի բազմազան․ դետեկտիվներ, ֆենթըզի, ֆանտաստիկա, արկածային:

Հայերին աշխարհի մյուս բոլոր ազգերից առանձնացնում-ուրիշ է դարձնում… ամենուր հայ լինելու արվեստը:

Կուզեի՝ 2030 թվականին Հայաստանը… լավ առումով տարբերվեր 2028֊ի Հայաստանից:

Ես հավատում եմ, որ եկող տարի մենք հաստատ ավելի… քիչ կարագ կուտենք։ Գրեթե համոզված եմ:

Մենք անդադար թեպետ բողոքում ենք, բայց… դա մեզ մոտ հիանալի է ստացվում:

Հայերենը… շատ սիրուն լեզու է։ Հարցրել եմ շատ ոչ հայերի, համաձայն են։ Իհարկե, եթե բերանը լոճելով չեն խոսում:

Ամենադժվար բանը կյանքում… ապրելն է։ Մահանալուց էլ դժվար է:

Գլոբալիզացիան… սկսել է Մակեդոնացին:

Պետք չէ հավատալ ինձ…

Պետք է հավատալ… Ջոն Լենոնին:

Երջանկությունը… հիանալի բան է, միշտ պետք է գալիս:

Իմ ամենասիրելի ֆիլմը… շաբաթը մեկ փոխվում է:

Ամենասիրելի հեղինակն ինձ համար… Թոլքինն է, Հերբերտը, Սապկովսկին, Մաքս Ֆրայը, Բուլիչյովը, Ազիմովը, Շեքլին, Սելինջերը, Ռիլկեն ու եւս 248 հոգի:

Մշակույթն այսօր էլ, ինչպես առաջներում… տնտեսության ճիրաններում է:

Եվ այնուամենայնիվ… այն շարունակում է պտտվել:

Ես Սամվել Մարտիրոսյանն եմ, ես… ալկոհոլիկ չեմ:

Զրուցեց Շուշան Կարապետյանը