Ինչպե՞ս և ինչու՞ տեսակավորել աղբը. [Զրուցել ենք Արգիշտի Դարբինյանի հետ] - VNews

Ինչպե՞ս և ինչու՞ տեսակավորել աղբը. [Զրուցել ենք Արգիշտի Դարբինյանի հետ]

axbb min - Ինչպե՞ս և ինչու՞ տեսակավորել աղբը. [Զրուցել ենք Արգիշտի Դարբինյանի հետ]

Աղբի տեսակավորման կարևորության մասին զրուցել ենք «ԷԿՈ ԱՂԲ» ՀԿ-ի կամավոր Արգիշտի Դարբինյանի հետ…

Ինչու՞ տեսակավորել աղբը…

Երեք հիմնական պատճառ կա, թե ինչու է կարևոր թափոնների տեսակավորումը:

Առաջինը էկոլոգիական խնդիրն է.

տեսակավորելով մենք փրկում են բնությունը աղտոտվելուց և վնասվելուց: Ճիշտ է, դա անհատապես մեզ ոչ մի բան չի տալիս, բայց գլոբալ առումով մենք խնայում ենք բնությանը, հնարավորինս քիչ ծառեր են հատվում և քիչ կենդանիներ են զոհ գնում՝ թափոնը սննունդի հետ շփոթելու հետևանքով:

Երկրորդ պատճառը առողջապահական է.

Այստեղ էլ է մեծ տեսակավորման դերը, քանի որ մենք առօրյայում օգտագործում ենք շատ իրեր, որոնք, հայտնվելով շրջակա միջավայրում, աղտոտում են բնությունը: Այս ամենը սննդի և ջրի միջոցով նորից գալիս է մեր օրգանիզմ և առաջացնում մի շարք առողջական խնդիրներ, իսկ տեսակավորելով թափոնները՝ մենք խուսափում ենք մի շարք խնդիրներից:

Երրորդ պատճառը տնտեսականն է.

Թափոնը ռեսուրս է, որը չի կարելի նետել աղբամանի մեջ: Վերամշակելով կարելի է ստանալ մի քանի անգամ էժան և որակյալ արտադրանք, որը թե՛ որակով, թե՛ գնով մրցակցում է արտասահմանյան արտադրանքի հետ: Օրինակ՝ հայկական արտադրութան կախիչները, որոնք վերամշակված հումքից են և մրցում են թուրքական արտադրության կախիչների հետ: Մեր Green shop 4eco խանութում վաճառվում են վերամշակված հումքից պատրաստված տնտեսական ապրանքներ, որոնք գնով՝ զիջում, իսկ որակով գերազանցում են արտասահմանյան ապրանքներին:

Ինչպե՞ս տեսակավորել աղբը…

  • Հավաքելիս պլաստիկը, թուղթը, ապակին ու պոլիէթիլենը ոչ մի դեպքում չենք խառնում իրար։ Անգամ միասին հանձնելիս՝ տեսակները փոխանցեք առանց խառնելու։
  • Խուսափե՛ք թուղթը պոլիէթիլենային տոպրակով հանձնելուց։ Եթե արկղ եք հանձնում, ապա այն մի՛ դրեք տոպրակի մեջ, հանձնեք հենց այդպես, կամ թղթե տոպրակով։
  • Ապակին մի՛ գցեք պլաստիկի հետ կամ մեջ:
  •  Պոլիէթիլենն անգամ խնամքով մի՛ մտցրեք պլաստիկ շշերի կամ տարաների մեջ։
  •  Փոքրացրե՛ք թափոնների ծավալը՝ որքան կարող եք. ճմռթեք շշերը, ծալեք արկղերը։
  •  Տետրապակերը (հյութի, կաթի տարաներ) չեն վերամշակվում, անգամ երբ խնամքով հանձնում եք։ Աղբամանի մեջ գցելիս՝ փոքրացրե՛ք դրանց ծավալը և հեռացրե՛ք պլաստիկ կափարիչը՝ հանձնելով պլաստիկի հետ։
  •  Անձեռոցիկները՝ հատկապես օգտագործված, ՉԵՆ վերամշակվում թղթի հետ, գցե՛ք աղբամանի մեջ։
  •  Ցանկացած տեսակի շիշ հանձնե՛ք դատարկ (առանց հեղուկի)՝ ինքներդ Ձեզ հարց տալով. «բա սա ո՞վ է թափելու»։
  •  Լվացե՛ք կաթնամթերքի տարաները, հակառակ դեպքում չեն վերամշակվի։
  •  Մի՛ լվացեք հեղուկ օճառի, շամպունի տարաները, սակայն հետևեք, որ շիշը հեղուկ չպարունակի։
  • Ցանկացած պլաստիկե իրի վրայից հեռացրե՛ք նաև մետաղական հատվածը, հակառակ դեպքում չի վերամշակվի։
  •  Այս պահին մետաղի հավաք չի իրականանում, մի՛ մոտեցրեք։
  •  Խուսափե՛ք շատ փաթեթավորված կոնֆետներ գնելուց։
  •  Ձվի տուփերի մասին առանձին կտեղեկացնենք, սակայն զգուշացնենք, որ դրանք վերամշակում է միայն մեկ գործարան, որի հետ դեռ կապ չի հաստատվել, ուստի հորդորում ենք չհանձնել ընդհանուր պլաստիկի հետ։ Խուսափե՛ք դրանցից օգտվելուց՝ նախընտրությունը տալով ստվարաթղթե փաթեթավորումով հավկիթներին։
  •  Հրաժարվե՛ք սպիտակ «նավակներով» (փափուկ սկուտեղներով) պանրեղեն ու երշիկեղեն գնելուց։ Դրանք ՉԵՆ վերամշակվում։
  •  Վերամշակման հանձնելուց առաջ վերաօգտագործե՛ք այն իրերը, որոնք հնարվոր է։
  •  Հրաժարվե՛ք իրերից, որոնք ավելորդ են Ձեր առօրյայում։

Нет описания.

«ԷԿՈ ԱՂԲ»-ի գործունեության մասին…

Ներկա պահին պատրաստվում ենք գնալ մարզեր՝ թափոնահավաքներ իրականացնելու, ինչպես նաև իրազեկման ակցիաներ անցկացնելու, որպեսզի մարզերի բնակինչերը նույնպես տեսակավորեն իրենց թափոնները: Իրականացնում ենք կրթական ծրագրեր տարբեր տարիքային խմբերի համար: Ինչպես նաև Սևանի ափերի մաքրման աշխատանքներ ենք իրականացնում, հարակից համայնքների բնակիչների հետ՝ Սևանի բնապահպանական խնդիրներին լուծում տալու համար: Մեզ աջակցելու համար կարող եք գնումներ կատարել Green shop 4eco օնլայն խանութից: Գնումներ կատարելով խանութից՝ շահույթը գնում է Էկո աղբ հկ-ի գործունեությունը շարունակելու համար:

 


Ինտերակտիվ թատրոն. [զրույց Փոփոխությունների թատրոնի գեղարվեստական ղեկավար Հայկ Սեկոյանի հետ]

5 ներկայացում, որ կարող եք դիտել Գ. Սունդուկյանի անվան ազգային ակադեմիական թատրոնում

Կիրովականի Տիկնիկայինից՝ Կինոռոսիայի բեմ. «Լավ էլի»-ի երգածն ու ապրածը. Մհեր Մանուկյան

Արժևորող և մոտիվացնող ուսուցչի որակները. Մելինե Գրիգորյան [հարցազրույց]

Հայաստանի պետական սիմֆոնիկ նվագախմբի 15-րդ հոբելյանական համերգաշրջանին ընդառաջ…[հարցազրույց]

Զրույց «Այն եզդի կնոջ ճամպրուկը» գրքի հեղինակ Թերեզա Ամրյանի հետ

[Զրույց] «Հուշեր մայրիկի և արտիստուհու մասին». պատմում է Ֆլորա Մարտիրոսյանի դուստրը

Վանաձորի մայր թատրոնի նոր նախագիծը. «Թատրոնն էկրանին» [հարցազրույց]

10 բյութի-խորհուրդ FASHION DRUG Անահիտ Ղազարյանից

Made In Kurtan. բրենդ, որը մեկ օրում գրավեց համացանցը [հարցազրույց]

Արցախի հանրային ռադիոն՝ պատերազմի օրերին ու պատերազմից հետո [Պատմում է Անի Մինասյանը]

Ատոմ Էգոյանի հարցազրույցը իր վերջին՝ «Պատվավոր հյուր» ֆիլմի մասին

Քիչ հայտնի «Զարթիր Լաո». մի օրօրոցայինի պատմություն… [Պատմում է Անի Հակոբյանը]

Հունոտի կիրճ՝ «Զոնտիկներ». Արցախի հրաշքները

Զրուցել ենք «Արցախ» երգի մասին. [Սևակ Խանաղյանի, Սոսի Խանիկյանի ու Արա Ղազարյանի հետ]

Մեր տղերքի սիրած երգերը. Պատմում է Գուսան Հայկազունը