-
-
Պահպանված նյութեր
Ոչ մի ընտրված նյութ չի գտնվել- Պահպանված 0
- Նախընտրելի
-
Հովհաննես Թումանյանն ասել է…
- Աշխատեք ձեր սիրտը պահել մաքուր ու լիքը ամենալավ ու ամենաբարի զգացմունքներով ու մարդուն նայեցեք բարի սրտով ու պայծառ հայացքով:
- Արևը ստվեր չի տեսնում:
- Գրել անկեղծ ու կենդանի լեզվով` դրանում է գրողի գլխավոր արժեքը:
- Երեք բան երբեք չեն վերադառնում՝ արձակված նետը, ասված խոսքը և անցած օրերը:
- Սքանչելի բան է երկինքը, բայց ո՞վ է գլուխը վեր բարձրացնում:
- Բնազդի հետ ճիշտ բանականություն պետք է լինի:
- Չէ՞ որ պատմությունը նրա համար է, որ մենք բան սովորենք։ Վերջապես լուսավորությունը, արվեստներն ու գիտությունն էլ նրա համար են, որ մենք ավելի մարդասեր դառնանք, ավելի լայն նայենք մարդկանց ու աշխարհին:
- Լեզուն է ամեն մի ժողովրդի ազգային գոյության ու էության ամենախոշոր փաստը, ինքնուրույնության ու հանճարի ամենախոշոր դրոշմը, պատմության ու հեռավոր անցյալի կախարդական բանալին, հոգեկան կարողությունների ամենաճոխ գանձարանը, հոգին ու հեգեբանությունը:
- Թարգմանությունը ապակու տակ դրված մի վարդ է:
- Արվեստը պետք է լինի աչքի նման թափանցիկ, պարզ և աչքի նման բարդ:
- Չգիտենք ինչի հավատանք, ինչ սիրենք, ինչ ցանկանանք, տարուբերվում ենք մի մեծ վարանքի մեջ, բարոյական մի անեզր ալեկոծության մեջ, նավահանգիստ չենք հասնում, փարոս չենք տեսնում, և մեր բոլոր մխիթարությունն այն է, որ ազնիվ են մեր տանջանքները:
- Երբեք այսքան մեծ չի եղել անկեղծության կարիքը ու կարոտը, ինչպես այսօր, և երբեք այսքան ահռելի չափերով չի հայտնվել կեղծիքը, ինչպես այսօր:
- Մեծ գաղափարները մարդկանց մեծացնում են, զորացնում, ազնվացնում են… Բայց դրա համար պետք է մարդու գլուխը էնքան մեծ ու բանական լինի, որ մի մեծ գաղափար մտնի նրա մեջ ու մերվի: Դժբախտաբար մեծ մասմաբ էդպես չի լինում, գաղափարը չի մտնում գլխի մեջ, այլ գլուխն է մտնում գաղափարի մեջ…
- Խավարն ու ետամնացությունը հեշտ է փարատել լույսով ու առաջադիմությունով, բայց չարությունը դժվար է փոխել բարության:
- Վերջապես կցանկանայինք, որ մեր ազգն էլ կարողանար տեսնել, տեսնել, գնահատել ու պաշտպանել իր ծնած ուժերը:
Կարդացեք նաև՝
Սնուփ Դոգն ասում է…
Քենդրիկ Լամարն ասում է…
Հրանտ Մաթևոսյանն ասել է…
Սելինջերն ասում է…
Բորխեսն ասում է…
Կաֆկան ասել է…
Դոստոևսկին ասել է…
Հարուկի Մուրակամին ասում է…
Հեմինգուեյն ասել է…
Մայր Թերեզան ասել է…
Չարլի Չապլինն ասել է…
Պաուլու Կոելյուն ասում է…
Քվենտին Տարանտինոն ասում է…
Դիանան ասել է…
Բոբ Մարլին ասում է…
Պարույր Սևակն ասել է…
«Սիրելու արվեստը» ասում է…
Ֆրեյդն ասում է…
Ալբերտ Էյնշտեյնն ասում է…
-
Ընթերցեք նաև
-
Վիդեո
Ֆոտո