«Մալմկրոգ». Կրիստի Պույուն ազնվականների, քրիստոնեության և պատերազմների մասին - VNews

«Մալմկրոգ». Կրիստի Պույուն ազնվականների, քրիստոնեության և պատերազմների մասին

Մալմկրոգ.. min - «Մալմկրոգ». Կրիստի Պույուն ազնվականների, քրիստոնեության և պատերազմների մասին

Անցած տարի Բեռլինի միջազգային կինոփառատոնի՝ ԲեռլինալեիEncounters մրցութային ծրագրում ներկայացվեց Ռումինական նորագույն ալիքի կարևորագույն ռեժիսոր՝ Կրիստի Պույուի «Մալմկրոգ» պատմական դրաման։ Առանց սփոյլերների՝ պատմում ենք, թե ինչպիսին է ստացվել Արևելյան Եվրոպայի կարևորագույն կինոհեղինակներից մեկի ֆիլմը, որի տևում է 200 րոպե։

2005 թվականին «Պարոն Լազարեսկու մահվան» համար Պույուն արժանացել էր Կաննի միջազգային կինոփառատոնի «Հատուկ մրցանակ» ծրագրի հաղթողի պատվավոր կոչմանը և Եվրոպական կինոակադեմիայի անվանակարգերին։ 2016-ին էկրան բարձրացավ Պույուի «Սյերանեվադան», որտեղ, ինչպես և «Լազարեսկու»-ի պարագայում, պահանջվում էրհանդիսատեսի կողմից համբերություն և հետաքրքրվածություն, քանի որ ֆիլմերի տևողությունը գերազանցում է 2 ու կես ժամը։ Թեև նմանատիպ պատմողական ոճը փառատոնային ֆիլմերի պարագայում կարող է թվալ դաժան մաքառում՝ այն ամբողջապես արդարացված է, քանի որ գործ ունենք «սլոուբըրներ» հիշեցնող շարադրանքի հետ, այնիմաստով, որ մեզ՝ հանդիսատեսներիս, հնարավորինս խորը տեղափոխում են էկրանային տարածություն, իսկ դրա համար անհրաժեշտ է անշտապ ռեժիսորական մոտեցում։ Պույուի վերջին՝ «Մալմկրոգ» դրաման գերազանցել է նախորդ ֆիլմերի տևողությունը և երկարաձգվել, հասել է 3 ժամ 20 րոպե՝ այն էլ պատմական, ազնվական միջավայրում, որտեղ ռուս քաղաքագետները, գեներալներն ու կոմսերը բանավիճում են ֆրանսերենով։

BB3C608A 02AF 421A 9474 A7ED69B55547 960x527 - «Մալմկրոգ». Կրիստի Պույուն ազնվականների, քրիստոնեության և պատերազմների մասին

Տպավորիչ, էկրանային ժամանակի մեջ խիտ դասավորված երկխոսություններով և մենախոսություններով հագեցած ֆիլմն ավելի շատ հիշեցնում է բարոյականափիլիսոփայական վեպ՝ Դոստոևսկու, Պլատոնի, Արիստոտելի և սխոլաստիկների աշխատությունները: Իրականում, մի քանի եվրոպական երկրների համարտադրության շնորհիվ ստեղծված ֆիլմը մասամբ հիմնված է 19-րդ դարի ռուս հրապարակախոս և գրող Վլադիմիր Սոլովյովի «Երեք զրույց պատերազմի, առաջընթացի և համաշխարհային պատմության վերջի մասին» տեքստի վրա և կառուցվածքով բաժանված է 6 գլխի։ Հետաքրքական է, որ գլուխները համաչափ չեն՝ դրանցից յուրաքանչյուրը տևողությամբ կարող է կտրուկ տարբերվել նախորդից՝ տևելով տասը րոպեից մինչև մի ամբողջ ժամ։

Անտիկ փիլիսոփայության ուսումնասիրությունը Սոլովյովին ոգեշնչեց մի ստեղծագործական ձևաչափի, որը հազվադեպ է հանդիպում ռուսական գրականության մեջ ՝ դասական պլատոնական երկխոսություն։ Զրուցակիցները, որքան էլ որ անհամաձայն լինեն իրենց մեջ և կինեմատոգրաֆիկ առումով էլ ավելի վառ ընդգծվեն սեփական համոզմունքների տեսակետների տարբերությամբ, հավասարապես մասնակցում են հեղինակի հիմնականգաղափարների բացահայտմանը: Բարձրաձայնվում և գնալով ավելի բուռն են քննարկվում վերնախավին հուզող սոցիալքաղաքական թեմաները, բարոյական նորմերն ու հավատքի հիմնահարցը։

Մարդասիրական կարծիքները բախվում են միլիտարիստական, տեղտեղ ագիտացիոներանգներ ունեցող համոզմունքների հետ, մեջ են բերվում ժամանակակից և անտիկ շրջանների փիլիսոփաների և մտավորականների թեզիսներ։ Սոցիալքաղաքական զրույցի օրակարգը փոխվում է մշակութայինով, կրոնականով, քննարկվում է Կատարյալ չարիքի և Բարու թեման. բարձրահոն, ոսկեզօծ մոմակալների, ճերմակասյուն պատշգամբների, նկարազարդ գոբելենների և մեծաքանակ գրադարակների ֆոնին տիկնայք և պարոնայք փորձում են գտնել Ճշմարտությունը։

BDEBA600 7028 4465 A264 7123018D0E0E 960x540 - «Մալմկրոգ». Կրիստի Պույուն ազնվականների, քրիստոնեության և պատերազմների մասին

Պույուն ոգեշնչվել է Սոլովյովի աշխատությամբ, որն անգլերեն թարգմանվել է ավելի ընդարձակ՝ «Պատերազմն ու քրիստոնեությունը ռուսական դիտանկյունից. երեք զրույց» (War and Christianity: From the Russian Point of View, Three Conversations)։ Պատմափիլիսոփայական հիմքը, որի վրա ռեժիսորը կառուցում է իր սեփական էլիտար բանավիճողներից կազմված արիստոկրատիկ հավաքույթը, դարձնում է ֆիլմը մի փոքր թատերականացված, դեկորատիվ։ Թեև Պույուի նախորդ՝ «Սյերանեվադայում» գործողությունները կրկին մեկ բնակավայրի մեջ էին (միայն կարճատև դուրս գալով դրա սահմաններից շենքի բակ), ապա «Մալմկրոգ»-ում ձեռք չտված ձյան և ձմեռային բնության անդորրում թաղված առանձնատունը դիտվում էմեկուսացված, միայնացված։ Ինչպես Միխաիլ Հանեքեի «Ճերմակ ժապավեն»-ում զգացվում է Կատարյալ չարիքի գալուստը՝ ֆաշիզմի և նացիզմի տեսքով, այդպես էլ Պույուի ֆիլմում կարելի է նուրբ ենթատեքստերով կարդալ գալիք՝ 1917 թվականի Հեղափոխության ժամանումը։

Մալմկրոգը Թրանսիլվանիայի տեղայնքի անվանում է, որտեղ ռուսաց վերնախավ պատկերող անձինք միմյանց հետ շփվում են ֆրանսերեն, փորձում հասկանալ «եվրոպացու» և քրիստոնեության առաքելությունը, զինվորականի և բանակային ապագայի տեսլականը։ Պույուն, ինչպես և իր հերոսը՝ տանտեր Նիկոլայը, ով հյուրընկալել է պատվավոր հյուրերի, փորձում է գլուխ հանել դեռևս միանշանակ և հստակ պատասխաններ չունեցող աբստրակտհարցերից։ Եթե Ձեզ համար տեսական գիտություններն ու փիլիսոփայական մտքերի փոխանակումը հետաքրքական ընթացքներ և երևույթներ են՝ ինտերիերային 3 ու կես ժամը կանցնեն հնարավորինս հետաքրքական։


Ի՞նչ դիտել տանը. Ինգմար Բերգմանի ամենաթեթև, ջերմ ու դյութիչ ֆիլմերից՝ «Ամառը Մոնիկայի հետ»

Ի՞նչ դիտել տանը. փայլուն դերասանական կազմով ու բրիտանա-իտալական էսթետիկայով օսկարակիր «Տեսարանով սենյակը»

Ի՞նչ դիտել տանը. Ալֆոնսո Կուարոնի «Քո մայրիկին նույնպես» զգացմունքային րոուդ-մուվին

Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Առաջիկա շաբաթվա կինոպրեմիերաները

93-րդ Օսկարը. ինչպիսին է լինելու տարվա կարևորագույն (մի փոքր տարօրինակ) կինոմրցանակաբաշխությունը

Արցախի մասին պատմող ֆիլմն արդեն երևանյան կինոթատրոններում է