Նամակ ապագային... - VNews

Նամակ ապագային…

երբ ծերանաս հիշիր1 - Նամակ ապագային...

Եվ այսպես, սիրելի՛ս, երբ դու ծերանաս, հիշի՛ր…

Երբեք ոչ մեկին մի՛ սովորեցրու: Նույնիսկ, եթե հաստատ գիտես, որ ճիշտ ես: Հիշի՛ր, թե ինչպես էր դա քեզ նյարդայնացնում ժամանակին, իսկ դու հետևո՞ւմ էիր մեծերի խորհուրդներին…

Մի՛ փորձիր օգնել, եթե քեզ չեն խնդրում: Ոչ մեկին ոչինչ մի՛ պարտադրիր: Մի՛ փորձիր քո սիրելիներին պաշտպանել աշխարհի բոլոր դժբախտություններից: Ուղղակի շարունակիր սիրել նրանց:

Մի՛ բողոքիր առողջությունից, հարևաններից, կառավարությունից, կենսաթոշակային ֆոնդից: Մի՛ նմանվիր շենքի մուտքի մոտ նստող փնթփնթան պառավի: Դու այդպիսինը չես…

Շնորհակալություն մի՛ սպասիր երեխաներիցդ: Հիշի՛ր`չկան անշնորհակալ երեխաներ, կան հիմար ծնողներ, որոնք երեխաներից երախտագիտություն են ակնկալում:

Մի՛ ասա այնպիսի արտահայտություններ, ինչպիսիք են` «Ես քո տարիքում…», «Ես քեզ տվել եմ լավագույն տարիներս …», «Ես ավելի մեծ եմ, քեզանից ավելի լավ գիտեմ …»: Դա անտանելի է:

Երբ դու թոռներ ունենաս, մի՛ պնդիր, որ նրանք «տատիկի» փոխարեն քեզ անունով դիմեն: Դա հիմարություն է: Ընդունիր քո նոր պաշտոնը սիրով:

Քո վերջին գումարը մի՛ ծախսիր երիտասարդացնող բուժումների վրա: Դա անիմաստ է: Ավելի լավ է դրանք ծախսել ճամփորդություններ և լավ հիշողություններ ստեղծելու վրա:

Կիսամութ սենյակում մի՛ նայիր հայելու մեջ և դիմահարդարում մի արա: Մի՛ քծնիր ինքդ քեզ: Ուղղակի փորձիր հնարավորինս էլեգանտ տեսք ունենալ: Այո՛, հենց էլեգանտ, ոչ թե երիտասարդ: Հավատա՛ ինձ, այդպես ավելի լավ կլինի: Տարեց կնոջ մեջ ամենածանրակշիռը նրա նուրբ ընգծված էլեգանտությունն է:

Հոգ տար քո տղամարդու մասին, նույնիսկ, եթե նա հիմա կնճռոտ, անօգնական, ամեն ինչից դժգոհ ծերուկ է, որը փնթփնթում է նույնիսկ բնակարանի իրերի դասավորվածության համար: Մի՛ մոռացիր, որ նա ինչ-որ ժամանակ եղել է ջահել, ուժեղ, ուրախ և գոհ: Անշուշտ, նա էլ այն քչերից է, որը քեզ հիշում է երիտասարդ, սլացիկ և թռվռացող: Եվ հնարավոր է, որ նա միակն է, ում դու իսկապես պետք ես հիմա, ում կարիքը նա ամեն օր զգում է, նույնիսկ եթե արդեն լռությամբ եք իրար հասկանում…

Մի՛ փորձիր ամեն գնով ժամանակին հետևել` ​գլուխ հանել նոր տեխնոլոգիաներից, հասնել նորությունների մրցավազքին, անընդհատ նոր բաներ սովորել ​«կյանքից ետ չմնալու» ու ինքդ քեզ ինչ-որ բան ապացուցելու համար: Արա՛ այն, ինչը քեզ դուր է գալիս: Իսկ թե ինչքա՞ն: Դե՛, ինչքան որ կարողանում ես: Դու ես ու քո ցանկությունները

Քեզ ոչ մի բանի մեջ մի՛ մեղադրիր: Դու երեխաներիդ և քեզ համար արել ես այն ամենը, ինչը կարողացել ես անել, ինչքան որ հնարավորություն և ուժ ես ունեցել:

Եվ գլխավորը` ցանկացած իրավիճակում պահպանի՛ր արժանապատվությունը:

Մինչև վերջ:

Փորձիր, սիրելի՛ս, սա շատ կարևոր է:

Եվ հիշի՛ր, եթե դու դեռ կենդանի ես, ուրեմն ինչ-որ մեկին դա պետք է…

Կարդացեք նաև և հետևեք մեզ Insagram-ում


Տերյանի երեք կանայք…

5 սերիալ կանանց մասին, կանանց համար

Հայ կինը ռեժիսորի աթոռին. 5 անուն, որ արժե իմանալ

Հայ կանայք, որոնց անունները մշակույթի պատմության էջերում ոսկե տառերով են գրված

Մելանյա Թրամփ. այն ամենն, ինչ չգիտեք

Բնության 12 ամենազարմանալի հրաշքները

5 աղջկական բան, որոնց վրա չարժե խնայել…

Մառլեն Դիտրիխ [ժամանակի ամենահայտնի տղամարդկանց սիրելին, մուսան և ճակատագրական կինը]

10 փաստ տարբեր ժամանակներում կանանց ծանր կյանքի մասին

Ու՞մ անունն են ամենաշատը փնտրել Գուգլում

Լուսանկարի փոքրիկի՝ Լաուրայի հետագա կյանքը

Ո՞վ է Հայաստանի արտաքին գործերի նորանշանակ նախարար Արա Այվազյանը…

Պատմության ամենադաժան տիկնայք… 3 պատմություն

Կանայք 1-ին և 2-րդ աշխարհամարտերում. միջազգային ֆոտոարխիվ

Ռուստամ Գասպարյան. փաստեր

Ալբերտի հոր բանաստեղծությունը․․․ [Ոգուն Մոնթեի երբ որ հանդիպես…]