Նոբելյան մրցանակի արժանացած 5 ռուս գրող - VNews

Նոբելյան մրցանակի արժանացած 5 ռուս գրող

sdfv 1 - Նոբելյան մրցանակի արժանացած 5 ռուս գրող

Այսօր ձեզ կներկայացնենք Նոբելյան մրցանակ ստացած ռուս գրողների:

Իվան Բունինը, Բորիս Պաստեռնակը, Միխայիլ Շոլոխովը, Ալեքսանդր Սոլժենիցինը, Ժոզեֆ Բրոդսկին: Այս գրողներից միայն չորսն են ստացել Նոբելյան մրցանակ, քանի որ խորհրդային կարգերի ճնշման տակ Պաստեռնակը ստիպված էր հրաժարվել դրանից, իսկ երկու հեղինակներ «աքսորված» էին. Իվան Բունինը ապրում էր Ֆրանսիայում, Իոսիֆ Բրոդսկին՝ Միացյալ Նահանգներում:

Իվան Բունին

Իվան Բունինը մանկուց հետաքրքրություն էր ցուցաբերում գրականության հանդեպ. 15 տարեկանում նա ավարտեց իր առաջին մեծ աշխատանքը՝ «Увлечение» վեպը, իսկ 17 տարեկան հասակում նա առաջին անգամ տպագրվեց «Родина» ամսագրում:

Չնայած գրողի տաղանդին և համառությանը, որով նա ճանաչման էր ձգտում, նրա ստեղծագործությունների քննադատական ​​արձագանքները հազվադեպ էին, և Բունինը մնաց այն ժամանակ սիրված Գորկու և Անդրեևի ստվերում: 1918 թվականին հեղինակը հեռացավ Ռուսաստանից և տեղափոխվեց Ֆրանսիա: Բունինի համար ճանաչման ճանապարհը երկար և դժվար էր ինչպես հայրենի երկրում, այնպես էլ համաշխարհային ասպարեզում։

Նոբելյան մրցանակի նա առաջին անգամ առաջադրվեց Ռոմեն Ռոլանի կողմից 1923 թ.-ին և ստացավ միայն տասը տարի անց:

Картинки по запросу "ivan bunin"

Բորիս Պաստեռնակ

Բորիս Պաստեռնակի ստեղծագործական կյանքը սկսվեց երաժշտությունից, որով նա լրջորեն տարված էր ավագ դպրոցում: Իր առաջին բանաստեղծությունները հրատարակել է 1913 թ.-ին բանաստեղծ և գրականագետ Սերգեյ Դուրիլինի առաջարկությամբ, որը գիտակցում էր նրա տաղանդը: 1917 թվականի հեղափոխությունից հետո Պաստեռնակը շատ ստեղծագործություններ է գրել, բայց նրա աշխատանքի ճանաչման կարճ ժամանակահատվածը եղավ 1920-ականների վերջին ՝ 1930-ականների սկզբին:

Հետագայում նա զբաղվում էր թարգմանություններով. «Համլետը» և Շեքսպիրի այլ ողբերգությունները, Գյոթեի «Ֆաուստը», Շիլլերի «Մերի Ստյուարտը»: Նա 1945-1955թթ. Ժամանակահատվածը նվիրել է «Доктор Живаго» վեպը գրելուն։ 1946 թ.-ին նա առաջին անգամ առաջադրվել է գրականության Նոբելյան մրցանակի, բայց ստացել է 1958 թվականին։ Սակայն հալածանքները, որոնք նա կրեց իշխանությունների, մամուլի և գրական համայնքի կողմից մրցանակի արդյունքների հրապարակումից անմիջապես հետո, նրան ստիպեցին հրաժարվել դափնիներից՝ իր կամքին հակառակ: Այս օրերին Պաստեռնակին անգամ մեղադրում էին դավաճանության մեջ: Այնուամենայնիվ, 1989 թվականին Ստոկհոլմում այդ մրցանակը տվեցին գրողի որդուն՝ Եվգենի Պաստեռնակին:

Картинки по запросу "boris pasternak"

Միխայիլ Շոլոխով

Միխայիլ Շոլոխովը սկսել է հրատարկվել 18 տարեկան հասակում և արագորեն հանրային ճանաչում է ստացել:

Սկզբում գրողը հանդես էր գալիս փոքր ստեղծագործություններով՝ պատմվածքներով և ֆելիետոններով։ Սակայն նրա աչքի առաջ տեղի էին ունենում համաշխարհային նշանակության պատմական իրադարձություններ և դա նրան ստիպեց ստեղծել ավելի լայնածավ աշխատանք։

«Тихий Дон» էպիկական վեպի ստեղծումը տևեց գրեթե 15 տարի, գիրքը հավանության արժանացավ Խորհրդային իշխանությունների կողմից և հեղինակին բերեց ժողովրդական սեր և գրականության Նոբելյան մրցանակ:Картинки по запросу "Михаил Шолохов (1965)"

Ալեքսանդր Սոլժենիցին

1959-1960 թվականներին առաջին գործերի («Один день Ивана Денисовича», «Матренин двор») հրատարակության ժամանակ Ալեքսանդր Սոլժենիցինն արդեն իր թիկունքում ուներ Հայրենական մեծ պատերազմը, բանտարկությունն ու աքսորը: Այս բոլոր իրադարձությունները, ինչպես նաև այն մարդիկ, որոնց նա հանդիպեց իր կյանքի ճանապարհին, արտացոլվեցին նրա աշխատանքում:

1970-ին նրա ստեղծագործությունների մեծ մասը թարգմանվել և տպագրվել է արտերկրում, և գրողը դարձել է գրականության Նոբելյան մրցանակի դափնեկիր, իսկ մրցանակը ստացել է ռեկորդային ժամկետում՝ առաջին հրատարակությունից ընդամենը 7 տարի անց: Չնայած 1965-ից հետո ԽՍՀՄ-ում իր գործերը տպագրելու անկարողությանը՝ Սոլժենիցինը շարունակում էր գրել: Նրա «Архипелаг ГУЛАГ» արտասահմանում առաջին անգամ հրատարակվել է 1973 թվականին և հեղինակը խորհրդային քաղաքացիությունից զրկելու և երկրից վտարելու պատրվակ է հանդիսացել: Արտաքսման մեջ գրողը շարունակել է իր ստեղծագործական գործունեությունը՝ թողարկելով «Կարմիր անիվ» վեպը և մի շարք այլ գործեր, այդ թվում՝ կենսագրական: 1990 թվականին վերականգնվեց նրա քաղաքացիությունը, բայց նա վերադարձավ հայրենիք միայն 1994 թվականին:

Картинки по запросу "Александр Солженицын"

Իոսիֆ Բրոդսկի

Իոսիֆ Բրոդսկին ծնվել և մեծացել է Լենինգրադում: Գրողի առաջին բանաստեղծությունները տպագրվել են 1960-ականների սկզբին, նույն ժամանակահատվածում նա հանդիպել է Աննա Ախմատովային և Նադեժդա Մանդելշտամին, որոնք լուրջ ազդեցություն են ունեցել նրա ստեղծագործության վրա: 

Բրոդսկուն հետապնդում էր իշխանությունը… 1963 թվականին Բրոդսկուն կալանավորեցին։ Դատը կայացավ 1964 թվականի փետրվարի 18-ին Լենինգրադում, որի արդյունքում Բրոդսկին 5 տարով արտաքսվեց Արխանգելսկի մարզ։ Սակայն ի պաշտպանություն Բրոդսկու, 1965 թվականի փետրվարին, բազմաթիվ հայրենական և արտասահմանյան բանաստեղծների ելույթներից հետո, նրան թույլատրեցին վերադառնալ Լենինգրադ։

1972 թվականին Բրոդսկին վտարանդվել է ԱՄՆ և սկզբնական ժամանակներում ապրել Անն-Արբոր քաղաքում, որտեղ գտնվում էր «Արդիս» հրատարակչությունը, որը բազմիցս հրատարակել է ռուս վտարանդի գրողներին։ 1980 թվականին ստացել է ԱՄՆ քաղաքացիություն և տեղափոխվել Նյու Յորք։ Մասաչուսեթս նահանգի Mount Holyoke քոլեջում դասավանդել է ռուս և անգլիական պոեզիա։ Դասախոսությունները կարդում էր անգլերենով։ Բրոդսկին արժանացել է ամերիկյան մի շարք հեղինակավոր գրական պարգևների։1987 թվականին նրան շնորհվել է գրականության Նոբելյան մրցանակ։ Բրոդսկին մահացել է քնած ժամանակ, 1996 թվականի հունվարի 27-ի լույս 28-ի գիշերը։ Ժամանակավորապես հուղարկավորվել է Նյու-Յորքի քաղաքամերձ բնակավայրում, այնուհետև նրա դին հանձնվում է Իտալիայի (Վենետիկ) հողին՝ բանաստեղծի կտակի համաձայն։

Картинки по запросу "iosif brodsky"


Նոբելյան մրցանակ ստացած կին գրողներ, որոնց գրքերը կան հայերեն թարգմանությամբ

3 գրող, որ հրաժարվել են Նոբելյան մրցանակից

5 սկանդալ՝ Նոբելյան մրցանակի շուրջ

Ռուս դասականների սերերն ու մուսաները…

Բրոդսկի. Մարիայից հետո և Մարինայից առաջ…

Բրոդսկին ասել է…

Հայտնի են Նոբելյան մրցանակակիրների անունները

Ալֆրեդ Նոբել. 10 փաստ

Պետեր Հանդկե՝ ավստրիացի Նոբելյան մրցանակակիրը

Յորղոս Սեֆերիս [նոբելյան մրցանակի արժանացած առաջին հույն պոետը]

Բրոդսկին ասել է… [մաս 2]

Գուցե չգիտեիք. Լև Տոլստոյը հրաժարվել է Նոբելյան մրցանակից

Սեռական ոտնձգությունների դեմ պայքարող Նադիա Մուրադն ու Դենիս Մուկվեգեն Նոբելյան մրցանակի են արժանացել

Ուիլյամ Ֆոլքներն ասել է…

Ալիս Մանրո. պատմվածքներ՝ կյանքի սիրույն

Զեմֆիրան նոր երգ է թողարկել 5 տարվա դադարից հետո