Նոր ֆիլմ՝ «Հրաշագործն Օզ երկրից» գրքի հիման վրա

Ամերիկացի ռեժիսոր Նիկոլ Քեսելը գրող Լայմեն Ֆրենկ Բաումի «Հրաշագործն Օզ երկրից» գրքի հիման վրա նոր ֆիլմ կնկարահանի. այս մասին հայտնում  է Fox News-ը։ Գիրքն էկրանավորում է Warner Bros-ին պատկանող New Line Cinema ստուդիան։ Երկարատև որոնումներից հետո ստուդիայի ղեկավարությունը ռեժիսոր է ընտրել Նիկոլ Քեսելին։

«Ինձ համար մեծ պատիվ է սիրելի դասական վեպն էկրանավորելու համար New Line-ին միանալը։ Չնայած այն փաստին, որ 1939 թվականի մյուզիքլն իմ ԴՆԹ-ի մեջ է, ես հուզված և շոյված եմ նման լեգենդար վեպը վերաէկրանավորելու պատասխանատվությունից»,- ասել է Քեսելը։

Հիշեցնենք, որ…

Գրքի ամենահայտնի էկրանավորումը MGM ստուդիայի 1939 թվականի արտադրության «Հրաշագործն Օզ երկրից» ֆիլմն է։ Այն ներկայացվել է «Օսկար» մրցանակի 6 անվանակարգում։ Քեսելը HBO հարթակում ցուցադրվող «Պահապանները» սերիալի գործադիր պրոդյուսերն էր։