ամենաբարձրահասակ արձանը Հնդկաստանում է. ո՞վ, ինչպե՞ս, ինչո՞ւ

Հնդկաստանի Գուջարաթ նահանգում մի արձան են կառուցել՝ Միասնության արձան. բրոնզաձույլ, 182 մետր բարձրությամբ: Արձանը նվիրված է Հնդկաստանի անկախության համար երկար տարիներ պայքարած Վալաբխայի Պատելին:

Արձանը կառուցվել է 4 տարի շարունակ, ծախսվել է $ 400,000,000, ճարտարապետը Ռամ Վանջի Սուտարն է, արձանի ներսում 2 վերելակ կա, որոնց շնորհիվ հնարավոր է բարձրանալ մինչև 150 մետր և հիանալ շրջակա տեսարանով: Իսկ արձանի հարևանությամբ շուտով կբացվի Պատելին նվիրված թանգարան:

Մինչ այս արձանը՝ աշխարհի ամենաբարձրը Չինաստանում գտնվող Բուդդայի արձանն էր: