10 փաստ Մանսուրյանի մասին, որ գուցե չգիտեք

Հայ ժամանակակից մեծագույն կոմպոզիտոր Տիգրան Մանսուրյանին հաջողվեց իր ստեղծագործություններում միավորել արևմտյան և հայկական երաժշտության սկզբունքները և դասական երաժշտությունը լսելի ու սիրելի դարձնել արդեն մի քանի սերունդների համար:

10 փաստ Տիգրան Մանսուրյանի մասին, որ գուցե չգիտեք

1.Տիգրան Եղիայի Մանսուրյանը ծնվել է 1939թ.-ի հունվարի 27-ին, Լիբանանի Բեյրութ քաղաքում:

2.Հենց Մանսուրյանն է հայկական երաժշտական իրականություն բերել ավանգարդ ուղղությունը:

3.Մանսուրյանն անհագ ընթերցասեր է: Պատանեկության շրջանում նույնպես շատ է սիրել կարդալ, Ռոբերտ Աթայանի երաժշտական բառարանից 4 օրինակ «մաշել» է: Հատկանշական է, որ տարիներ հետո Մանսուրյանը դառնում է հենց Աթայանի ուսանողը:

4.Տիգրան Մանսուրյանը հաճախ էր կրկնում, որ հոգու պարտք ունի Եղեռնի զոհերի հիշատակի առաջ և 2013թ.-ին կարծես «մարում» է այդ պարտքը՝ գրելով «Ռեքվիեմի»-ը, որի համար նաև  արժանանում է ՀՀ պետական մրցանակի և դասական երաժշտության միջազգային մրցանակին «Ժամանակակից երաժշտություն» անվանակարգում:

5.Կնոջը սիրահարվել է առաջին հայացքից: Տեսել է անծանոթ մի աղջկա փողոցն անցնելիս և անմիջապես ընկերոջն ասել՝ «նա իմ կինն է լինելու»:

6.Ամեն Նոր տարին դիմավորում է դաշնամուրի դիմաց նվագելով:

7.Հրանտ Մաթևոսյանը Մանսուրյանի մասին՝ «Առանց Տիգրանի իմ սերունդը համր ուխտավոր էր լինելու»:

8.Մի շարք սիրված ֆիլմերի համար երաժշտություն ստեղծած Մանսուրյանն այլևս կինոերաժշտություն չի գրում: Նրա ստեղծագործությունները հնչում են՝ «Նռան գույնը», «Կտոր մը երկինք», «Մենք ենք, մեր սարերը», «Հին օրերի երգը», «Մեր մանկության տանոգն», «Աշնան արևը» ֆիլմերում:

9. Իր առաջին կինոերաժշտությունը գրել է 1964թ.-ին, երբ սովորում էր 4-րդ կուրսում, ֆիլմը փաստավավերագրական էր:

10. Մանսուրյանը ՀԽՍՀ ժողովրդական արտիստ և արվեստի վաստակավոր գործիչ է, ՀՀ ժողովրդական արտիստ: Նրա պարգևների շարքում են ՀԼԿԵՄ մրցանակը, ՀՀ պետական մրցանակը, Պատվո շքանշանը և շատ այլ մրցանակներ: