10 փաստ համբուրվելու մասին - VNews

10 փաստ համբուրվելու մասին

Համբույրն ուսումնասիրող գիտությունը կոչվում է ֆիլեմատոլոգիա: Գիտնականները պնդում են, որ համբույրի հոգեբանությունն ու ֆիզիոլոգիան հասկանալը նրանց թույլ է տալիս մի շարք հետաքրքիր բաներ բացահայտել մարդու ու մարդկային հարաբերությունների մասին:

10 փաստ համբույրի մասին, որ արժե իմանալ

1.Համբուրվելիս մարդու օրգանիզմում առաջանում է ոչ միայն բոլորին հայտնի «երջանկության հորմոնը», այլ նաև օքսիտոցին: Այս հորմոնը բարենպաստ պայմաններ է ստեղծում մտերիմների հանդեպ ավելի դրական տրամադրվելու ու կապվածության ձևավորման համար: Հենց դա է պատճառը, որ համբուրվելուց հետո մենք մեզ ավելի երջանիկ և սիրված ենք զգում:

2.Մինչ դեռ սովորական համբույրի ընթացքում գործածվում է 2 մկան, Ֆրանսիական համբույրը գործի է դնում 34 մկան:

3.Ամուսնական արարողության ընթացքում հարսն ու փեսան համբուրվում են ոչ միայն ի նշան սիրո: Ըստ հին քրիստոնեական սովորույթի հենց համբույրով էին ամրագրվում տարբեր տեսակի պայմանագրերը:

4.Շուրթերն իրենց զգայունությամբ կարող են համեմատվել սեռական օրգանների հետ: Մեր շուրթերում շուրջ 10.000 նյարդային վերջույթ կա:

5.Համբուրվելն օգտակար է առողջության համար և անգամ կարող է երկարեցնել կյանքը. սա իհարկե չի նշանակում, որ մետրոներում ու շքամուտքերում անվերջ համբուրվող դեռահասներն անմահ են:

6.Յուրաքանչյուր համբույրի ընթացքում մենք փոխանակվում ենք 80 մլն. տարբեր միկրոբներով. այդ իսկ պատճառով ցանկալի է համբուրվել մշտական զուգընկերոջ հետ. չէ՞ որ այդ դեպքում ձեր միկրոբներն արդեն հասցրել են «ընկերանալ» իրար հետ:

7.Համբույրը կարող է այրել շուրջ 5 կալորիա մի քանի վայրկյանում: Այսպիսով, եթե դուք համբուրվել եք շուրջ 10 ժամ, կարող եք հանգիստ խղճով բաց թողնել 1 այցելություն մարզասրահ:

8.Մի շարք հասարակություններում համբուրվելն այնքան էլ ընդունված չէ, այն էլ՝ հանրային վայրերում: Ասում են՝ նրանցից շատերը «սովորել են համբուրվել» եվրոպացիներից:

9.Մարդիկ միակ կենդանի արարածները չեն, որոնք համբուրվում են: Համբույրներին բացարձակապես դեմ չեն նաև կովերը, սկյուռներն ու անգամ խխունջները: Սակայն մարդկանց առավել նման են համբուրվում շիմպանզեները:

10.Ամենաերկարատև համբույրը տևել է 58 ժամ 35 րոպե և 58 վայրկյան: Այս ցուցանիշը գրանցել է թայլանդացի մի սիրահար զույգ; Հետաքրքիր է՝ քանի՞ կալորիա է հաջողվել այրել:

 


5 ռետրո լուսանկարի նախապատմություններ

Հեմինգուեյի տունը՝ «կատուների դրախտ»…

10 պատմական փաստ սուրոգատ մայրության մասին

Ազատության 55 օր և 400 քմ. Ռոուզ կղզու Հանրապետություն

Ճանաչված մարդիկ, որոնք չէին սիրում կատուներ

Նրանք հասուն տարիքում սկսեցին նկարել և մեծ հաջողության հասան

Ամենահին քաղաքները, որոնք կան մինչ օրս…

Պատմության ամենաերկարատև գահակալությունները. 10 գահակալ

Հոգևոր ու աշխարհիկ առաջնորդներ, որոնք մահացել են բուռն սիրո պահին

Ջինս. բանվորական համազգեստից նորաձև հագուստ

Արենի 1. աշխարհի ամենահին կոշիկը

10 ուղևոր-տեսակ հայրենական տրանսպորտից

Ինչու՞ եվրոպացիները հնդկաձավար չեն ուտում

Բայկալ լճի առեղծվածը…

1 դար առաջ. թուրք-հայկական պատերազմ

Իրեղեն պատմություններ. հայելի