2020-ի լավագույն 12 ֆիլմերը, ըստ Անտոն Դոլինի

Կինոքննադատ Անտոն Դոլինը ներկայացրել է 2020-ի լավագույն ֆիլմերը իր տասնյակը՝ վերջում ավելացնելով ևս 2 բոնուս-կինոնկարներ: Ստորև կարող եք ծանոթանալ ֆիլմերին ու դրանց համառոտ նկարագրություններին:

Rizi

Ցայ Մինլյան

Առաջին կինոնկար-բացահայտումը, այս տարվա կինոնկար-իրադարձությունն Անտոն Դոլինի համար եզակի նկարչի, մտածողի և նորարարի՝ Ցայ Մինլյան վերադարձը… Մինլյանը, վերջին տարիներին, զբաղվում էր ավելի ու ավելի էքսպերեմենտալ նախագծերով՝ վիդեոարտի ու ավանգարդի սահմանագծին: «Rizi»-ն նույնպես, լավ հեռու է մեյնստրիմից: Սա մեդիտատիվ, դանդաղ պատմություն է տարբեր երկրներում ապրող երկու տղամարդկանց հանդիպման մասին, որոնք հայտնվում են ժամանակա-տարածական նույն կետում՝ բառացիորեն մեկ գիշերվա ընթացքում:

Soul

Փիթ Դոքթեր, Քեմփ Փաուերս

Միջին դպրոցի երաժշտության ուսուցիչ Ջո Գարդները վաղուց երազում է բեմից ջազ նվագելու մասին և վերջապես հնարավորություն է ստանում՝ տպավորություն թողնելու մյուս ջազային երաժիշտների վրա՝ Half Note Club-ում ելույթի ժամանակ: Սակայն պատահականության արդյունքում, հենց նույն օրը նա մահանում է: Նրա հոգին հայտնվում է երկնքում ու բացահայտում, թե ինչը ոնց է այնտեղ դասավորված: Նա հստակ որոշում է, որ պիտի վերադառնա իր մարմին ու նվագի Half Note Club-ի համերգին:

Nomadland

Քլոյա Չժաո

Ֆիլմը կարելի է համարել տարվա փառատոնային սենսացիան. Վենետիկի «Ոսկե առյուծ»-ի և Տորոնտոյի «հանդիսատեսի համակրանքի» դափնեկիրը: Անկախ, ցածր բյուջետային ֆիլմերի ռեժիսոր, էթնիկ չինուհի Քլոյա Չժաոն նախկինում էլ կոտրում էր ամերիկյան մշակութային առասպելները, իսկ այստեղ նա ստեղծեց հիասքանչ «ճանապարհային ֆիլմ», որն ներկայացնում է ամբողջ Միացյալ Նահանգները՝ երկու ժամվա ընթացքում: Նրա հերոսուհին՝ միջին տարիքի միայնակ կին Ֆերնը, ամուսնու մահից և իր քաղաքի անհետացումից հետո, մեկնում է ճանապարհորդության՝ առանց նստակյաց կյանքին երբևէ վերադառնալու հեռանկարի…

Lovers Rock

Սթիվ ՄաքՔուին

Բրիտանացի ականավոր ռեժիսոր և նկարիչ, օսկարակիր Սթիվ Մաքքուինի BBC- ի «Small Axe» անթոլոգիայի մի մասը: Դրա մեջ ընդգրկված հինգ ֆիլմերից յուրաքանչյուրն ունի իր պատմությունը, նրանք միասին 1960-80-ականների Լոնդոնի սևամորթ համայնքի դիմանկարն են: Սակայն, «Lavers Rock» անմրցելի է: Եթե ​​մնացած կինոնկարները ոգեշնչված են իրական իրադարձություններից և նվիրված են հասարակական-քաղաքական խնդիրներին, ապա սա ոգեշնչող և հիանալի դիսկոտեկ է, բառիս բուն իմաստով: Ֆիլմի գրեթե բոլոր գործողությունները տեղի են ունենում այն ​​տանը, որտեղ խնջույք է ընթանում՝ lovers rock ոճի երաժշտության ներքո: Ալկոհոլ, մարիխուանա, երգ ու պար և սեր. պարզապես երկու երիտասարդների հանդիպում են, ու նրանց սերը զարգանում է ՝ մեր աչքերի առաջ:

Malmkrog

Կրիստի Պուիու

Ապոկալիպսիսը սկսվում է Ռուսաստանում: Ռումինացի կինոռեժիսոր Քրիստի Պուիուն մտածող է և պարադոքսիստ, նա չի փնտրում հեշտ ուղիներ: Այստեղ նա նկարահանեց փիլիսոփա Վլադիմիր Սոլովյովի հրաժեշտի գործը՝ «Երեք զրույց պատերազմի, առաջընթացի և համաշխարհային պատմության ավարտի մասին», որը լույս է տեսել 1900 թվականին, ռեժիսորը հմտորեն կապել է անցյալը ներկայի և ապագայի հետ: Քաղաքակրթությունից հեռու, լեռների մեջ տեղակայված մի տանն են հայտնվել ու «գերի մնացել» մի խումբ մտավորականներ, որոնք վիճում են մարդկության ճակատագրի մասին ՝ չկասկածելով, թե ինչ է իրենց սպասվում: Այս  քննարկումը ցնցող ճշգրտությամբ կանխատեսեց 2020 թվականի իրադարձությունները: Բայց, նույնիսկ առանց դրա մասին մտածելու, դժվար է չտարվել խիստ պատկերների և բարդ հասկացությունների գեղեցկությամբ, որոնք հեշտությամբ հերքվում են հենց իրականության կողմից:

Մանկ

 Դեյվիդ Ֆինչեր

Ֆիլմի ռեժիսորը Դեյվիդ Ֆինչերն է, իսկ սցենարը հիմնված է իր հոր՝ Ջեքի կողմից գրված սցենարի վրա։ Կենսագրական ֆիլմ է, որը պատմում է հոլիվուդյան կինոսցենարիստ Հերման Մանկևիչի մասին: Նա «Քաղաքացի Քեյնը» ֆիլմի սցենարի հեղինակն է:  Ֆիլմը լավագույնս ներկայացնում 30-ականների հոլիվուդյան կրքերն ու քաղաքական իրադրությունն Ամերիկայում:

Beginning

Դեյա Կուլումբեգաշվիլի

Տարվա երկրորդ փառատոնային սենսացիան, որը, կրկին, հեղինակել է մի երիտասարդ կին: Դեբյուտանտ Դեյա Կուլումբեգաշվիլին միանգամից չորս գլխավոր մրցանակ ստացավ՝ Սան Սեբաստիանում, «Սկիզբ» ֆիլմի համար. լավագույն կինոնկար, լավագույն ռեժիսուրա, լավագույն սցենար և լավագույն դերասանուհի (Իյա Սուխիտաշվիլի): Այս տպավորիչ ու խորհրդավոր ֆիլմը խզում է ցանկացած կապը՝ վրացական կինոյի ծանոթ ավանդույթների հետ: Սյուժեի կենտրոնում մարզից եկած մի կին է, որը «Եհովայի վկաների» համայնքի ղեկավարի տիկինն է: Մինչ նրա ամուսինը փորձում է պարզել, թե ինչու են ծայրահեղականները հարձակվել աղոթատան վրա, գլխավոր հերոսուհին անցնում է իր ճանապարհով ՝ դժվար և ողբերգական: Իգական հայացքը դառնում է ֆիլմի աղետների ծածկագրման բանալին, որոնցից, այստեղ և հիմա, մեռնում է մեր ծանոթ աշխարհը՝ մեր իսկ աչքի առաջ:

Nuevo orden

Միշել Ֆրանկո

Ֆիմը կարելի է համարել մարտահրավեր, կամ մարգարեություն: Մեքսիկացի երիտասարդ ռեժիսորը, որն իր նախորդ կինոնկարներում որոշակի ստատիկ հաջողություններ էր գրանցում, հանկարծ, անսպասելիորեն, ստեղծեց հզոր և դաժան մի ֆիլմ այն երկրի մասին, որը նախ անցել է ինքնաբուխ բողոքների միջով, այնուհետև վերահսկվել անխիղճ ռազմական բռնապետության կողմից: Այս որմնանկարը օրինականորեն կարելի է համեմատել Պիկասոյի «Guernica»-ի հետ: Գլխավոր հերոսուհին ՝ Մարիաննան, որին մենք ֆիլմի սկզբում հանդիպում ենք, որպես հարսնացու, անցնում է դժոխքի շրջանակներով՝ հանդիսատեսի հետ միասին:

Пугало

Դմիտրի Դավիդով

Ֆիլմը մասնակցեց Սոչիի «Կինոտավրին» ու անմիջապես դարձավ մրցանակակիր. կինոնկարը նկարահանվել է Յակուտիայում՝ տեղի խոսվածքով: Դմիտրի Դավիդովը, իր ինքնատիպ, հնարամիտ և հուզականորեն ուժեղ առակներով, Յակուտիայ ամենաառանձնահատուկ ռեժիսորներից մեկն է: Նրա ֆիլմը գրեթե մոնոխրոմ որմնանկար է՝ կազմված գյուղի կյանքից. մի հեքիմի պատմություն, որը ծառայում է իրեն ատող մարդկանց և դրանով իսկ վճարում է իր մեկ մեղքի համար: Դավիդովի մեկնաբանած մոգական ռեալիզմը ինչ-որ պահի դառնում է շատ համոզիչ «ռեպորտաժ»:

The Discipl

Չայտանյա Թամհանե

Սա հիասքանչ կինոնկար է, առաջին հայացքից, մի անհետաքրքիր թեմայի շուրջ. ֆիլմը պատմում է երիտասարդ հնդիկ երաժշտի կյանքի մասին, որը երազում է կատարելության հասնել ավանդական, հնդկական երաժշտության կատարման մեջ: Սկզբում թվում է, որ դիտողը նյութի հետ ծանոթության կարիք ունի, բայց շուտով պարզվում է, որ մեր առաջ բացարձակապես ունիվերսալ պատմություն է, իրոնիկ տրագիկոմեդիա՝ արվեստին սիրահարված մի անհաջողակի մասին:

Котлован

Անդրեյ Գրյազև

Տարվա դոկումենտալ կինոն: 2020-ի ապոկալիպտիկ տրամադրությունը ստեղծեց այս համարձակ, անզիջում և անտանելի զվարճալի կինոնկարը, որը Ռուսաստանը ներկայացնում էր անցած տարվա փետրվարին՝ Բեռլինի կինոփառատոնում: Վավերագրական կինոռեժիսոր Անդրեյ Գրյազևը ստեղծել է, YouTube- ի տեսանյութերից բաղկացած, լիամետրաժ կինոնկար, որում հասարակ ռուսները դիմում են նախագահ Պուտինին ՝ խնդրանքներով, գովեստներով, գաղափարներով, բայց ավելի հաճախ ՝ հայհոյանքներով:

Human Voice

Պեդրո Ալմոդովար

Իսպանացի վարպետ Պեդրո Ալմոդովարի առաջին անգլալեզու աշխատանքն է, որը դեկտեմբերի 3-ից մտել է ԱՊՀ երկրների կինովարձույթ: Կարճամետրաժ ֆիլմը հիմնված է սյուրռեալիստ Ժան Կոկտոյիմ համանուն պիեսի վրա: Անզուգական Թիլդա Սվինթոնը կերտում է մի միայնակ կնոջ, որը վերապրում էր իր հերոսական և տանջալից մենախոսությունը՝ հեռախոսի մոտ: