5 ֆիլմ+5 գիրք [Սևակ Ղազարյան]

Իր սիրելի ֆիլմերի ու գրքերի հնգյակներով այս անգամ մեզ ու ձեզ հետ կիսվում է ԵՊՀ դասախոս, Բանասիրական գիտությունների թեկնածու, Պարույր Սևակի տուն-թանգարանի տնօրեն, բանաստեղծի թոռ Սևակ Ղազարյանը։

Գրքեր

1․ Լև Տոլստոյ, «Հարություն»

Գիրք մարդուն սիրելու, ներելու, կարեկցելու մասին։ Երբ 18-19 տարեկանում առաջին անգամ կարդացի այս գիրքը, գտա ինձ հուզող մի շատ կարևոր հարցի պատասխան. «Ի՞նչը կամ ո՞րն է մարդու կյանքի իմաստը – ՍԵՐԸ»։

2․ Ֆեոդոր Դոստոևսկի, «Կարամազով եղբայրներ»

Գիրք մարդու մեջ նստած մարդու, Աստծու և սատանայի մասին։ Այս բազմաշերտ գրքի առաջնային ուղերձն ինձ համար հետևյալն է. «Անհնար է որևէ բարի գործ կատարել՝ հիմքում դնելով չարը կամ կեղծիքը» կամ վերաձևակերպելով Դոստոևսկու մտքերից մեկը. «Արդյոք թույլատրելի՞ է մարդկությանը երաշխավորված հավերժական երջանկություն պարգևել՝ զոհաբերելով ընդամենը մեկ նորածին երեխայի, որը կյանքից դեռ ոչ մի բան չի հասկանում։ Ո՛չ, որովհետև սպանությունը՝ անգամ ոչինչ չգիտակցող նորածնի, արդեն իսկ փլուզում է «երջանկություն» գաղա­փարը»։

5 ֆիլմ+5 գիրք. Գոռ Գլումով

3․ Ալեքսանդր Սոլժենիցին, «Արխիպելագ գուլագ»

Գիրք մի պետության մասին, որտեղ ապրել են մեր մայրերն ու հայրերը, տատերն ու պապերը, երբ 2000 տարվա ընդմիջումից հետո 20-րդ դարում ապրող մարդուն հիշեցրին, թե ինչ է ստրուկ լինելը։

5 ֆիլմ+5 գիրք. Բաբկեն Չոբանյան

4․ Էռնեստ Հեմինգուեյ, «Ում մահն է գուժում զանգը»

Գիրք այն մասին, որ մարդը «կղզի» չէ և իրավունք չունի անտարբեր լինել իր տանը, իր քաղաքում, իր երկրում, իր մոլորակում կատարվողի հանդեպ։

5․ Ջորջ Օրուել, «1984»

Գիրք մարդու մեջ մարդկայինն իսպառ ոչնչացնելու, նրան ազատ լինելու, մտածելու, սիրելու, ապրելու, արարելու ձգտում-ընդունակություններից զրկելու մասին։

5 ֆիլմ+5 գիրք. Արքմենիկ Նիկողոսյան

Սևակ Ղազարյանի սիրելի ֆիլմերը․․․