5 ալկոհոլային կոկտեյլ, ուրախ կարանտինի համար

Մենք բոլորս էլ կարիք ունենք երբեմն-երբեմն «մի բաժակ մի բան» խմելու, կարելի է դրան ստեղծագործաբար մոտենալ և ինքնուրույն պատրաստել սիրելի կոկտեյլները։ Առաջարկում ենք հինգ համեղ ու ալկոհոլային բաղադրատոմս։

«Մարգարիտա»

Մեզ անհրաժեշտ է՝

• Տեկիլա – 30 մլ.
• Կիտրոնի հյութ – 30 մլ.
• Նարնջի լիկյոր – 15 մլ.
• Սառույց.

Բոլոր բաղադրիչները խառնել, լցնել բաժակի մեջ եւ սառույց ավելացնել: Կոկտեյլը զարդարել լայմի կտորով:

«Մոխիտո»

Մեզ անհրաժեշտ է՝

• Թարմ անանուխ – 10 գրամ
• Շաքարավազ – 10 գրամ
• Լայմ – 1 հատ
• Սպիտակ ռոմ – 80 մլ
• Տոնիկ – 400 մլ

Կոկտեյլի յուրաքանչյուր բաժնի համար անհրաժեշտ է կես լայմ։ Այդ կեսերը բաժանում ենք չորս մասի, եւ դրանց հյութը քամում բաժակի մեջ։ Անանուխի տերեւները կտրում ենք բավականին մեծ ու լցնում բաժակը լայմի ու շաքարավազի հետ։ Բաժակի մեջ ավելացնում ենք շաքարավազն ու տրորում պարունակությունը։ Բաժակը մինչեւ վերջ լցնում ենք սառույցով, ավելացնում ռոմն ու տոնիկը։

«Արյունոտ Մերի»

Մեզ անհրաժեշտ է՝

• 170 գր բարձրորակ օղի
• 170 գր տոմատի հյութ
• 170 գր բազուկի հյութ
• 3 թարմ կիտրոնի հյութ
• 4 թեյի գդալ «Worcestershire» սոուս
• «Tobasco» սոուսի 12 կաթիլ
• Նեխուր

Այս ամենը հարհավոր է խառնել իրար, ավելացնել սառույցն և  բլենդ անել։ Մատուցեք կոկտեյլը կիտրոնով և նեխուրով։

«Sunrise»

Մեզ անհրաժեշտ է՝

• Տեկիլա `45 մլ
• Նարնջի հյութ – 90 մլ
• Նռան հյութ – 15 մլ
• Սառցաբեկորներ – 7 հատ
• Նարնջի կտոր

Բաժակի մեջ լցնել սառույցը, ավելացնել նարնջի հյութը։ Բաժակի կենտրոնում լցնել նռան հյութն ու խառնել բաղադրիչները կոկտեյլի խառնիչով։ Մատուցել մեկ կտոր նարնջի հետ։

«Միմոզա»

Մեզ անհրաժեշտ է՝

• 40 գ. նարնջի հյութ
• 60 գ. սառը շամպայն

Այս կոկտեյլն ունի շատ հեշտ ու արագ պատրաստման եղանակ: Ընդամենը անհրաժեշտ է գինու սառեցված բաժակի մեջ լցնել նարնջի հյութն ու ավելացնել սառը շամպայնը: Ահա եւ վերջ: