fbpx

5 անիծված ու առեղծվածային նկար (մաս 2)

Տես նաև՝ 5 անիծված ու առեղծվածային նկար

1. Զձիսլավ Բեքսինսկի՝«Անանուն». Դժոխքի դռները

Բեքսինսկիի բոլոր նկարներն անվերնագիր են. նա փորձում էր խուսափել իր նկարներին անուններ տալուց ու այդպիսով դրանք սահմանափակելուց: Որպես արտիստ նա անչափ հետաքրքրված էր մահով, մթությամբ, դժոխքով ու իր տեսած մղձավանջներով: 60-ականներից նրա անանուն նկարները սկսեցին մեծ արձագանք գտնել Լեհաստանում, ապա 80-90-ականներից նրա ցուցահանդեսները տարածվեցին Լեհաստանից դուրս:  Նրա բոլոր աշխատանքները, թվում է, դժոխքից վերցված դրվագներ են՝ ոսկորներ, կմախքներ, ոգիներ, կրակներ, անհասկանալի արարածներ: Նրա նկարների հետ կապված մի շարք պատմություներ կան, որոնք մարդկանց թույլ են տալիս կասկածել, որ պատկերներն անիծված են: Մարդկանց մի մասը կարծում է՝ սա է պատճառը, որ նկարիչն այրել է իր աշխատանքների զգալի մասը՝ առանց որևէ մեկին ցույց տալու: Նրա կինը մահացել է 1998թ.-ին, որից մեկ տարի անց ինքնասպան է եղել նաև տղան: 6 տարի անց՝ 2005թ.-ին, նկարչին էլ սպանել են հենց իր տանը՝ դանակահարելով 17 անգամ: Մարդիկ հավատացած են, որ այս ամենն ուղղակի պատահականություն չէ: Շատերը պնդում են, որ նրա աշխատանքներն են մեղավոր. դրանց երկար նայող մարդիկ մահանում են: Ասում են՝ Զձիսլավ Բեքսինսկիի նկարները դժոխք տանող դռներն են:

2.Էդվին Հենրի Լանդսիր «Մարդը կանխատեսում է, Աստված` տնօրինում». Արջերը ստիպում են

Նկարը ստեղծվել է 1864 թվականին, և նվիրվել է 1845-1847 թվականների Ֆրանկլինի անհետ կորած արշավախմբին։ Այստեղ պատկերված են խորտակված նավի մնացորդներ, որոնց կողքին երկու սպիտակ արջ կա: Նրանցից մեկը պատռում է անգլիական ծովային դրոշը, իսկ մյուսը մարդկային կող է կրծում: Այս նկարը պահվում է Լոնդոնի «Royal Holloway» համալսարանում և ամեն քննական շրջան ծածկվում է դրոշով: Պատճառը համալսարանում պտտվող շշուկներն են: 1970թ.-ին մի ուսանող ինքնասպանություն է գործել այդ նկարին երկար նայելուց հետո: Նա մի գրություն է թողել, որտեղ ասում էր. «Արջերը ստիպեցին, որ անեմ սա…»: Մյուս ուսանողները ևս պնդում էին, որ դրան մոտ գտնվելով, կամ նայելով անմիջապես տխրում են ու կարծում, որ աշխարհի ամենադժբախտ մարդն են:

3. Սվետլանա Թելեթս՝ «Անձրևոտ կինը». Ո՞վ է նկարի «իրական հեղինակը»

Ուկրաինացի նկարչի այս աշխատանքն արվեստի հերթական տարօրինակ գործերից մեկն է: Նկարչուհին նշել է, որ նկարը պատկերել է ընդամենը 5 ժամում, և այդ ողջ ընթացքում նրան թվում էր, որ ինչ-որ մեկը ղեկավարում է իր ձեռքի շարժումները: Կարծես ինչ-որ բան, ինչ-որ մեկը ստիպում էր նրան նկարել դա: Այս նկարը նկարելուց դեռ ամիսներ առաջ Թելեթսն ասում էր, որ զգում է, թե ինչպես է ինչ-որ մեկն իրեն հետևում, անընդհատ նայում: Նկարի բոլոր գնորդները ետ են վերադարձրել այն՝ պնդելով, որ նկարն իրենց տարօրինակ զգացողություններ է պատճառում ու նյարդայնացնում. թվում է՝ ինչ-որ մեկն անընդհատ իրենց է նայում:

4. Անհայտ՝ «Բերնարդո դե Գալվես». Աչքերը

Բերնարդո դե Գալվեսը 1746թ.-ին ծնված հզոր իսպանացի զորավար էր: 1900-ականներին Գալվեսթոն քաղաքում մի հյուրանոց բացվեց, որի անունը զորավարի պատվին դրվեց և նրա այս դիմանկարը տեղադրվեց հյուրանոցի առաջին հարկում:

Հյուրանոցի բացման առաջին օրվանից, այցելուները շարունակ բողոքում էին այս դիմանկարից: Նրանք ասում էին, որ երբ անցնում են նկարի կողքով, Գալվեսի աչքերը նրանց հետևում էին: Շատերը կարծում էին, որ հյուրանոցն է կատակում նրանց հետ և որ իրականում նկարի ետևում մարդ կա: Սակայն նման բան չկար. ուրեմն ինչպե՞ս էին նրա աչքերրը շարժվում:

5. Վլադիմիր Լուկիչ Բորովիկովսկի՝ «Մարիա Լոպուխինայի դիմանկարը». Հոգիներ գողացողը

Ռուս նկարիչն այդ նկարն արել է 1797թ.-ին՝ Մարիա Լոպուխինայի մահվանից մի քանի տարի առաջ: Լոպուխինան մահացել է թոքախտից՝ երիտասարդ տարիքում և նկարի առեղծվածը կապված է հենց դրա հետ: Ասում են՝ նկարը դժբախտություն է բերում դրան նայողներին: Շատերի կարծիքով դիմանկարը գերբնական ուժ ունի և խլում է երիտասարդ և չամուսնացած աղջիկերի կյանքը: Տարբեր մարդիկ պնդում էին, որ նկարի պատճառով տարբեր ժամանակներում երիտասարդ աղջիկներ են մահացել, որոնց հոգին կողպված է նկարում:

 

 


Էլդորադոյի լեգենդը. Երկիր, որտեղ գանձերը սովորական են, ինչպես ճամփեզրի քարերը

Արյունոտ Մերիի լեգենդը. Ո՞վ է հայելու մյուս կողմում

Անհետացման տարօրինակ դեպքեր, որոնք մինչ օրս չեն բացահայտվել

Հրեշտակներ. Մի՞ֆ, թե՞ իրականություն

Տարօրինակ, առեղծվածային սպանություններ

Բերմուդյան եռանկյունու առեղծվածը

5 լեգենդ լուսնի մասին

Իրական Դրակուլան. մի՞ֆ, թե՞…

Ինքնության դիսոցիատիվ խանգարում. մեկ մարդու մեջ ապրում են մի քանիսը

Հայի ու այլ մարդկանց ժամանակի միջով ճանապարհորդություները

Էլիզա Լեմի առեղծվածային մահը

Ռոբերտ առեղծվածային տիկնիկի պատմությունը