5 ֆիլմ բիզնես-մտածողության և հաջողության մասին - VNews

5 ֆիլմ բիզնես-մտածողության և հաջողության մասին

Ուոլ Սթրիթի գայլը /The Wolf of Wall Street/ Волк с Уолл-стрит

Ռեժ.՝ Մարտին Սկորսեզե

Դերերում՝ Լեոնարդո դի Կապրիո, Ջոնա Հիլ, Մարգո Ռոբի

Կարգախոս՝ «Վաստակիր:Ծախսիր: Զվարճացիր»

Ֆիլմը հիմնված է արժեթղթերի շուկայի նախկին բրոքեր ամերիկացի Ջորդան Բելֆորտի համանուն հուշերի գրքի վրա:

1987 թ. Ջորդան Բելֆորտը հաջող ներդրումային բանկում բրոքեր է դառնում: Սակայն շուտով բանկը փակվում է: Կնոջ՝ Թերեզայի խորհրդով Ջորդանը տեղավորվում է փոքր մի հաստատությունում, որը զբաղվում է մանր բաժնետոմսերով: Նրա՝ հաճախորդների հետ հաղորդակցման ոճը և բնածին խարիզման արագ տալիս են իրենց արդյունքները: Բելֆորտը ծանոթանում է իր հարևանի՝ Դոննիի հետ, որը վաճառական է: Նրանք անմիջապես լեզու են գտնում իրար հետ և որոշում սեփական բիզնես սկսել: Սկզբի համար որպես աշխատող վարձում են իրենց ընկերներին: Կազմակերպությունը մեծ հաջողություններ է ունենում, և կարծես այս փառքից կուրացած Բելֆորտը հայտնվում է քաոսի մեջ. ամենօրյա զվարճություններ, սեքսուալ հարաբերություններ ամենուր և ամենքի հետ, թմրանյութեր: Այս ամենը շարունակվում է այնքան, մինչև Բելֆորտով սկսում է հետաքրքրվել Հետաքննությունների դաշնային բյուրոն (FBR):

Ջոբս/Jobs/Джобс

Ռեժ.՝ Մայքլ Ջոշուա

Դերերում՝ Էշթոն Կատչեր, Դերմոտ Մալրունի

Կարգախոս՝ «Ոմանք տեսնում են հնարավորությունները, մյուսները փոխում են այդ հնարավորությունները»

Ֆիլմը ամերիկյան հզորագույն ընկերության՝ Apple-ի հիմնադիր Սթիվ Ջոբսի և նրա ստեղծած կայսրության մասին է: Ֆիլմում կարող եք հետևել խնձորե թագավորության ստեղծման և զարգացման պատմությանը: Խանդավառ և նորարարություններով լեցուն երիտասարդն իր ընկերների հետ միասին կարողանում է ստեղծել տեխնոլոգիական այս հրաշքը և աշխարհին ցույց տալ, որ ամեն ինչի հիմքում ազատ և ոչ միօրինակ մտածողությունն է: Այս ճանապարհը նրա համար այդքան էլ հեշտ չի լինում:

Սոցիալական ցանց/The Social Network/ Социальная сеть

Ռեժ.՝ Դեյվիդ Ֆինչեր

Դերերում՝ Ջեյսի Այզենբերգ, Էնդրյու Հարֆիլդ

Կարգախոս՝ «Դուք չեք կարող ունենալ 500 ընկեր, առանց որևէ թշնամի ձեռք բերելու»

Ֆիլմը պատմում է Facebook սոցիալական ցանցի մասին: Աշխարհի տարբեր երկրների օգտատերերի շրջանում ցանցի հսկայական հաջողությունը մշտապես փոխեց  Հարվարդի համալսարանում սովորող համակուրսեցիների կյանքը, ովքեր 2004 թ. ստեղծեցին ցանցը և մի քանի տարում դարձան ԱՄՆ-ի ամենաերիտասարդ մուլտիմիլոնատերերը։

Ոսկի/Gold/Золото

Ռեժ.՝ Սթիվեն Գան

Դերերում՝ Մեթյու Մակքոնահի, Էդգար Ռամիրես

Կարգախոս՝ «Նրան թերագնահատում էին»

Քեննի Ուելսի պատմությունը ժամանակակից ոսկի փնտրողի և երազողի պատմություն է, որը հուսահատորեն սպասում է ճակատագրին կոտրելու հնարավորության: Ուելսը գտնում է իր պես անհաջողակ մի երկրաբանի, ում հետ սկսում է իրականացնել իր հսկայական ծրագիրը` գտնել ոսկի ինդոնեզական անհայտ ջունգլիներում:

Երջանկության հետևից/ The Pursuit of Happyness/В погоне за счастьем

Ռեժ.՝ Գաբրիելե Մուչինո

Դերերում՝ Ուիլ Սմիթ, Ջեյդեն Սմիթ

Կարգախոս՝ «Ոչ ոքի թույլ մի տուր ասել, թե դու ոչինչ չես կարող: Երազա՞նք ունես՝ պաշտպանիր այն»

Քրիս Գարդները միայնակ հայր է: Դաստիարակելով հինգ տարեկան տղային, Քրիսն ամեն ինչ անում է, որպեսզի երեխան երջանիկ դառնա: Աշխատելով վաճառող՝ նա չի կարողանում վճարել բնակարանի վարձը և նրանց դուրս են հանում տնից: Հայր և որդի ստիպված են լինում գիշերել գետնանցումների զուգարաններում: Հայտնվելով փողոցում՝ Քրիսը չի հանձնվում և սկսում է փորձաշրջան անցնել մի բրոքերային ընկերությունում՝ հույս ունենալով անցնել աշխատանքի: Սակայն փորձաշրջանի ժամանակ նա չի ստանում  որևէ գումար, իսկ այն  տևում է 6 ամիս…

Չնայած բոլոր դժվարություններին, շուտով նրանց մեծ հաջողություններ են սպասվում:

 

 

 

 

 

 

 

 

 

 

 

 

 

 

 

 

 

Հեղինակ՝ Արև Թովմասյան։


5 ֆիլմ՝ Սալմա Հայեկի մասնակցությամբ

5 ֆիլմ այն մասին, որ կյանքը հիասքանչ է

5 նոր, հայկական ֆիլմ հաղթանակների մասին

5 ֆիլմ Երվանդ Մանարյանից ու նրա մասնակցությամբ

5 մելոդրամա, որ պինդ նյարդեր են պահանջում

Խանդ և դավաճանություն. 5 ֆիլմ

5 տաք սիրո խոստովանություն. կինո

Հեղափոխական կինո. 5 ֆիլմ

5 ֆիլմ, որ կջերմացնեն միտքն ու հոգին

5 ֆիլմ աշնան մոտիվներով

5 ֆիլմ տարբերվող ուսուցիչների մասին

2019թ.-ի լավագույն ֆիլմերից 5-ը

5 ֆիլմ+5 գիրք [Սևակ Ղազարյան]

5 սերիալ փրկության կարիք չունեցող հերոսուհիներով

5 ամառային ֆիլմ

Վրացական կինեմատոգրաֆի լավագույն 5 ֆիլմերը [մաս 1]