5 ֆիլմ Չեռնոբիլի վթարի և դրա հետևանքների մասին - VNews

5 ֆիլմ Չեռնոբիլի վթարի և դրա հետևանքների մասին

HBO-ի նոր աղմկահարույց «Չեռնոբիլ» նախագիծը, որը պատմում է մարդկության պատմության մեջ տեղի ունեցած ամենախոշոր միջուկային աղետի մասին, բուռն քննարկումների  և դժգոհությունների ալիք է բարձրացրել: Դժգոհ մնալով դեպքերի այս տեսակ մեկնաբանությամբ, ռուսները Մինսկում սկսել են վթարի իրենց տարբերակի նկարահանումների աշխատանքները: Մշակույթի նախարարությունը նկարահանումների համար հատկացրել է 460 000 դոլար, ինչն այս տեսակ մասշտաբային նախագծի համար այնքան էլ շատ չէ, այնպես չէ՞:

Մինչ նախագիծը պատրաստ կլինի, և մենք այն գնահատելու հնարավորություն կունենանք, ձեզ ենք ներկայացնում մի քանի ֆիլմ, որոնք պատմում են Չեռնոբիլի վթարի և դրա հետևանքների մասին:

 

Ավրորա/Аврора, 2006

ռեժ.՝Օկսանա Բայրակ 
դերերում՝ Դմիտրի Խառատյան, Էրիկ Ռոբերտս ևն

1986 թ. Պրիպյատ, Ուկրաինա: Մանկատներում ծնողների կողմից լքված հազարավոր երեխաներ են ապրում և երազում լավ ապագայի մասին: Ավրորան նրանցից մեկն է. նրա երազանքն է դառնալ բալետի պարուհի: Օր ու գիշեր աղջնակը պարում է, քանի որ պարից կարևոր բան չկա նրա կյանքում:
Տեղի է ունենում Չեռնոբիլի ատոմակայանի չարաբաստիկ վթարը, որն անդրադառնում է նաև երազկոտ աղջկա վրա, և այժմ նրա միակ փրկությունը թանկարժեք վիրահատությունն է, որը կարող են իրականացնել միայն ամերիկացի բժիշկները:

ԱՄՆ-ում նա հանդիպում է իր կուռքին՝ Նիք Աստախովին, որը խորը դեպրեսիայի մեջ է, բայց Ավրորան նրան կյանքի է վերադարձնում: Տղամարդուն ոգեշնչում է օր օրի նրա աչքի առաջ ինչպես գեղեցիկ ծաղիկը թոշնող աղջնակը, որը չի դադարում երազել պարուհի դառնալու մասին:
Ավրորան մեկընդմիշտ փոխում է Նիքի՝ կյանքի և ապագայի մասին պատկերացումները:

Ֆիլմը կարող եք դիտել այստեղ:

 

Շաբաթ օրը/В субботу, 2011

ռեժ.՝Ալեքսանդր Մինդաձե
դերերում՝ Անտոն Շագին, Ստանիսլավ Ռյադինսկիյ ևն

1986 թ. ապրիլի 26, շաբաթ օր: Ֆիլմի իրադարձությունները տեղի են ունենում աղետից հետո, առաջին 24 ժամվա ընթացքում: Ոմանց համար կյանքը դադարել է գոյություն ունենալ, իսկ ոմանք էլ չգիտեն, թե ինչ է տեղի ունեցել:

Անտեղյակները շարունակում են ապրել, ժպտալ, սիրահարվել, ուրախանալ և փառաբանել նոր օրը: Աղջիկները հագնում են իրենց գեղեցիկ զգեստները, և իրենց սիրելիների հետ գնում վայելելու շաբաթ երեկոն:
Գլխավոր հերոսը պատահաբար է իմանում աղետի մասին, և այժմ նա կանգնած է լուրջ ընտրության առաջ ՝ փրկել մարդկանց կյանքը, թե՞ լռել և կատարել «վերևից» տրված հրահանգը:

Ֆիլմը կարող եք դիտել այստեղ:

Մոռացության երկիր/ Земля забвения, 2011

ռեժ.՝Միխալ Բոգանիմ
դերերում՝ Օլգա Կուրիլենկո, Իլյա Իոսիֆով ևն

Երիտասարդ և գեղեցիկ, այնքա՜ն գեղեցիկ՝ այսպիսին է անկրկնելի Օլգա Կուրիլենկոյի հերոսուհին: Կյանքը դադարում է գոյություն ունենալ մեկ ակնթարթում, երազանքները հօդս են ցնդում, ապագան փոխակերպվում է իսկական մղձավանջի…

Սիրելի մարդկանց կորուստը, անդարձ «գնացած» երիտասարդությունը, հիվանդությունները, որ կլանում են մարմինդ, ցավը, սարսափը, որին աչքերդ սովորում են, տագնապը, որը դառնում է հավատարիմ ընկերդ՝ այս ամենին է բախվում գլխավոր հերոսուհին և կյանքը դառնում է անտանելի…

Ֆիլմը կարող եք դիտել այստեղ:

Թիթեռներ/Мотыльки, 2013

ռեժ.՝ Վիտալի Վորոբյով
դերերում՝ Յուրի Բորիսով ևն

Երիտասարդներ Ալյայի և Պաշայի սիրո պատմությունը զարգանում է Չեռնոբիլի ատոմակայանի վթարի ֆոնին:

Սարսափելի հանգամանքների բերումով այս երկուսը հանդիպում են և սիրահարվում, բայց աղետն անգութ է, շա՜տ անգութ…

Ֆիլմը կարող եք դիտել այստեղ:

Չեռնոբիլ/Chernobyl, 2019

ռեժ.՝Յոհան Ռենք
դերերում՝ Սթելան Սկարսգարդ, Էմիլի Ուոթսոն, Ջարեդ Հարիս ևն

Ամերիկյան HBO հեռուստաալիքի «Չեռնոբիլ» մինի-սերիալը վերջին ժամանակների ամենաաղմկահարույց նախագծերից մեկն է: Վերջինս գլխավորում է IMDb կայքի՝ բոլոր ժամանակների ամենաբարձր վարկանիշ ունեցող սերիալների ցանկը՝ ստվերում թողնելով “Game of Thrones” և “Breaking Bad”  հեռուստասերիալները:

Սերիալը մեզ տեղափոխում է հեռավոր 1986 թ. Պրիպյատ, Ուկրաինա, և ստիպում զգալ այն ամբողջ ցավը և սարսափը, որին բախվել են տեղացիները: Քիմիկոս Վալերի Լեգասովը Նախարարների խորհրդի փոխնախագահ Բորիս Շերբինայի հետ ուղևորվում է աղետի գոտի՝ պարզելու, թե ինչ է իրականում տեղի ունեցել, ով է մեղավոր, և փորձելու մեղմել վթարի հետևանքները:

Այս երկուսին հաջողվում է բացահայտել ճշմարտությունը, բայց պարզվում է, որ դրա գինը բարձր է, շատ բարձր…

1988 թ. Վալերի Լեգասովն անմահացնում է իր հիշողությունները՝ ձայնագրելով դրանք և թաքցնելով, իսկ այնուհետև՝ ինքնասպան լինում իր տանը:

Ֆիլմը կարող եք դիտել այստեղ:

տես նաև՝ «Չեռնոբիլն» ասում է…

 


5 ֆիլմ Երվանդ Մանարյանից ու նրա մասնակցությամբ

«Մակաբույծները» սերիալի տեսքով…

5 մելոդրամա, որ պինդ նյարդեր են պահանջում

Խանդ և դավաճանություն. 5 ֆիլմ

5 տաք սիրո խոստովանություն. կինո

Հեղափոխական կինո. 5 ֆիլմ

5 ֆիլմ, որ կջերմացնեն միտքն ու հոգին

5 ֆիլմ աշնան մոտիվներով

5 ֆիլմ տարբերվող ուսուցիչների մասին

2019թ.-ի լավագույն ֆիլմերից 5-ը

5 ֆիլմ+5 գիրք [Սևակ Ղազարյան]

HBO-ն հրապարակել է Եկատերինա երկրորդի մասին պատմող սերիալի թրեյլերը

Թույն սերիալ

HBO-ից Netflix կես քայլ է. «Գահերի խաղի» հեղինակները տեղափոխվում են…

5 սերիալ փրկության կարիք չունեցող հերոսուհիներով

HBO-ն պատասխանում է «Գահերի խաղը» վերանկարահանելու ստորագրահավաքին