5 ֆիլմ տարբերվող ուսուցիչների մասին

Ուսուցիչը կախարդական մասնագիտություն է: Ի վերջո, նրանք կարող են երեխաների մեջ բացահայտել նոր Էյնշտեյններ, Մոցարտներ ու Սելինջերներ, կամ ինքնաթիռի դիզայներներ, հաջողակ գործարարներ: Նրանք ուղղակի կարող են փոխել իրենց աշակերտների աշխարահայցքը․․․

Ձեզ ենք ներկայացնում 5 ֆիլմ, որտեղ ուսուցիչները մեծ ազդեցություն են ունեցել իրենց սաների վրա՝ դառնալով  նրանց ընկերն ու բարի խորհրտադուն:

1.Վերջին ուսուցիչը

2019թ./Հայաստան/Դրամա

Դերերում՝ Խորեն Լևոնյան, Աշոտ Ղազարյան, Լիլիթ Միքայելյան

Ռեժիսոր՝ Հայկ Կբեյան

Վարգես Պոտրոսյանի համանուն վիպակի վրա Առաջին ալիքի կողմից նկարահանված, 16 մասից բաղկացած այս սերիալը ներկայացնում է արդիական արժեքների ու նրանց անտեսման վառ նկարագիրը: Սերիալի գլխավոր հերոսին՝ Վահան Մամյանին մարմնավորել է Խորեն Լևոնյանը: Վահան Մամյանը կարողանում է դառնալ իսկական ընկեր և խորհրդատու 12«Բ» դասարանի աշակերտների համար՝ խորհուրդ տալով, որ իրենց էության ինչ-որ մասով ապրեն հեքիաթում, ապրեն հոգևոր արժեքներով:

2.Մեռած պոետների հասարակություն/Dead Poets Society

1989թ./ ԱՄՆ/Դրամա

Դերերում՝ Ռոբին Ուիլիամս, Ռոբերտ Շոն Լեոնարդ,

Ռեժիսոր՝ Փիթեր Ուիլ

Ակադեմիական կրթությունն հաճախ վերածվում է պարբերությունների անգիրներին և գլուխն անկարևոր փաստերով լցնելուն: Բայց սովորեցնել հասկանալն ու զգալը կրթական ծրագրում ներառված չէ՝ նույնիսկ երբ խոսքը վերաբերում է գրականությանը: Ուսուցիչ Քիթինգը իր ուսանողներին ցույց է տալիս ոչ միայն անգլիական գրականության և լեզվի հարստությունը, այլև սովորեցնում է, թե ինչպես կարելի է զգալ ու դրանով ապրել: Սովորեցնում է վայելել և զվարճանալ:

3.Փոխարինող ուսուցիչը/Detachment

2011թ./ԱՄՆ/Դրամա

Դերերում՝ Էդրիան Բրոուդի,Սամի Գեյլ

Ռեժիսոր՝ Թոնի Քեյ

Հենրի Բարտը փոխարինող ուսուցիչ է: Ուսուցիչը ստիպված է աշխատել անգլերեն լեզվի և գրականության մասնագետ մի դպրոցում, որտեղ ոչ ոքի չի զարմացնում հայհոյանքը, ուսուցիչների նկատմամբ անհարգալից վերաբերմունքն ու ագրեսիան: Սա ուղղակի դասական  ֆիլմ չէ ուսուցչի ու աշակերտների փոխհարաբերությունների մասին, այլ պատմություն է առ այն, որ հարկավոր չէ դատել մարդուն առաջին հայացքից, և որ յուրաքանչյուր  դեռահասի հոգում կա մի ծանր պատմություն:

4.Պահպանի՛ր ռիթմը/Take the Lead

2006թ./ԱՄՆ/Դրամ

Դերերում՝ Նատոնիո Բանդերաս, Ռոբ Բրաուն

Ռեժիսոր՝ Լիզ Ֆրիդլենդեր

Ֆիլմը դաժան ու ագրեսիվ երեխաների և նրանց ուսուցչի մասին է, որն ամեն կերպ աշխատում է նրանց օգնել ու հասկանալ: Իսկ  փակ սրտերին հասնելու միջոց և ճանապարհ ընտրում է վալսի ու տանգոյի ռիթմերի լեզուն՝ այդ կերպ ստեղծելով պարի մի արտասովոր տարբերակ, որն հետաքրքրում է իր սաներին:

5.Հոկտերմբերյան երկինք/October Sky

1999թ./ԱՄՆ/Դրամա, կենսագրական

Դերերում՝ Ջեկ Ջիլենհոլ, Լորա Դերն

Սա NASA-ի ինժեներ Հոմեր Հիքամի իրական որդին է, որը դեռևս դեռահաս տարիքում տպավորվել է սովետական արբանյակի գործարկմամբ և որոշել է հրթիռ կառուցել: Նրանց քաղաքում բոլորը հանքափորներ են: Իսկ իր կառուցած հրթիռի պատճառով քաղաքում հրդեհ է բռնկվում, և երիտասարդը ստիպված է լինում իր մաթեմատիկայի  ուսուցչի օգնությամբ ապացուցել քաղաքացիներին հակառակը և հանել իր վրայից այդ սարսափելի մեղադրանքը:

Կարդացեք նաև՝

 

---