5 նամակ, որ անհավատալի է, բայց իրական են - VNews

5 նամակ, որ անհավատալի է, բայց իրական են

9dd3e53d4d13d5000ef67028c8b03998 3 - 5 նամակ, որ անհավատալի է, բայց իրական են

Բարդ է պատկերացնել. ժամանակին նամակն այն միակ թելն էր, որ կապում էր հեռավորության վրա գտնվող մարդկանց: Vnews-ն առանձնացրել է այն 5 նամակները, որոնք իրենց հետքն են թողել մարդկային պատմության վրա:

5 նամակ

1.Ամենահին նամակը. հռոմեացի զինվորականից՝ հորը

Պատմության առաջին նամակները հայտնվել են մեր թվարկությունից առաջ. հետաքրքիր է, որ դրանց կառուցվածքը դարերի ընթացքում մեծ փոփոխությունների չի ենթարկվել: Դեռևս 2000 տարի առաջ հռոմեացի զինվորներից մեկը Մաքսիմ Ափիոնը նամակ է գրել իր հորը՝ Էպիմախին. այն համարվում է մեզ հասած ամենահին նամակներից մեկը:

«Ափիոն Էպիմախին. իմ հորը ՝ բազմաթիվ ողջույններ:

Առաջին հերթին ես աղոթում եմ Ձեր առողջության համար, և որ ամեն բան Ձեզ մոտ լավ լինի, ինչպես նաև լավ լինեն իմ քույրն ու իր որդին և իմ եղբայրը»:

Այնուհետև Մաքսիմը պատմում է իր մասին, հետո հարցեր ուղղում զրուցակցին, վերջում՝ բարևներ փոխանցում և ստորագրում. ծանոթ կառուցվածք է, այնպես չէ՞:

2.Պատմության ամենակարճ նամակագրությունը

561d5a4716177a2e60225b00f3a40a89 - 5 նամակ, որ անհավատալի է, բայց իրական են

Վիկտոր Հյուգոյից տարիներ առաջ Ֆիլիպ Մակեդոնացին, ով ծրագրում էր հարձակվել Սպարտայի վրա, հակառակորդին նամակ է ուղարկում՝ խորհուրդ տալով նրանց հանձնվել ու երկար-բարակ նկարագրելով, թե ինչ կլինի նրանց հետ չհանձնվելու դեպքում: Սպարտացիներն ի պատասխան նրան ընդամենը մեկ բառ են ուղարկում՝ «եթե»: Իրոք, հակիրճությունը տաղանդի քույրն է:

Սակայն եկավ Հյուգոն ու գերազանցեց բոլորին: Նախ նշենք, որ Հյուգոն այն գրողն է, որն իր ստեղծագործության 40 էջերը նվիրել է Փարիզի նկարագրությանը: Մի օր Հյուգոն ցանկացավ իմանալ, թե ինչպես են արձագանքել ընթերցողներն իր վերջին գրքին, նա հրատարակչությանը նամակ ուղարկեց հետևյալ պարունակությամբ՝  «?»: Հրատարակիչը նրանից հետ չմնաց և պատասխանեց Հյուգոյին՝ «!»:

3. Դա Վինչին աշխատանք է փնտրում կամ #գործկա

leonardo da vinci 960x640 - 5 նամակ, որ անհավատալի է, բայց իրական են

15-րդ դարում մարդիկ երբևէ չէին լսել այնպիսի հասկացությունների մասին, ինչպիսիք են HR-ը, ինքնակենսագրականն ու կարիերան: Սակայն անգամ հանճարներն այդ տարիներին ստիպված էին գործ գտնել:

Դեռևս 30-ամյա Դա Վինչին հայտնի չէր իր նկարչական տաղանդով ու ստիպված էր կայուն եկամուտի աղբյուր գտնել: Նա նամակ է գրում իր պոտենցիալ գործատուին՝ ներկայացնելով այնտեղ իր բոլոր ունակություններն ու խնդրելով մի հարմար բան գտնել իր համար: Դա Վինչին նշում էր, որ կարողանում է նավերի համար զենքեր պատրաստել, հարձակման մի քանի էֆեկտիվ մեթոդ գիտի, ինչպես նաև կարողանում է կամուրջներ ու շինություններ կառուցել ու քանդակներ ստեղծել:

4. Ուզում ես նախագահ դառնալ՝ մորուք պահիր

9 historymail min - 5 նամակ, որ անհավատալի է, բայց իրական են

Ժամանակին Աբրահամ Լինքոլնը ո՛չ մորուք ուներ, ո՛չ էլ նախագահ էր: Եվ ահա, նախընտրական քարոզարշավի ընթացքում Լինքոլնին նամակ է ուղարկում մի 11-ամյա աղջիկ՝ Գրեյս Բեդելոմը: Աղջիկը խնդրում է Լինքոլնին մորուք աճեցնել՝ պատճառաբանելով, որ նրա դեմքը չափազանց նիհար է, և մորուքը կօգնի թաքցնել դա: Գրեյսը նաև նշում է, որ կանանց դուր են գալիս մորուքով տղամարդիկ, վերջիններս էլ կհամոզեն իրենց ամուսնիններին քվեարկել Լինքոլնի օգտին:

Ապագա նախագահն անձամբ է պատասխանում աղջկան՝ ասելով, որ դա կդիտվի իբրև կողմնակի ազդեցություն ունենալու փորձ: Որքան էլ Լինքոլնի պատասխանը բացասական էր, արդյունքում նա մորուք է աճեցնում և դառնում ԱՄՆ նախագահ:

5. Թագավորական բաղադրատոմս

79915308 301982064022847 2517684394118873088 n 3 - 5 նամակ, որ անհավատալի է, բայց իրական են

Մի քիչ խոսենք խոհարարությունից:

1957 թվականին Անգլիայի թագուհին հյուրընկալվում է ԱՄՆ նախագահ Էյզենհաուերին, 2 տարի անց, պատքի տակ չմնալու համար, նա հրավիրում է նախագահին ու նրա ընտանիքին իր նստավայր:

Էյզենհաուերին լավ են ընդունում Ելիզավետայի տանը, նախագահին հատկապես դուր են գալիս թագավորական բլիթները, որոնք մատուցվել էին ընթրիքի հետ: Շուտով հյուրերը հեռանում են, իսկ թագուհին նամակ է ուղարկում ԱՄՆ, որտեղ գրում է իր հատուկ «բլիթների» բաղադրատոմսը՝ նախատեսված 16 հոգու համար: Դե ինչ, ղեկավարները նույնպես զուրկ չեն փոքրիկ մարդկային ուրախություններից:

 Շարունակելի…

 

 

 


5 ռետրո լուսանկարի նախապատմություններ

Հեմինգուեյի տունը՝ «կատուների դրախտ»…

Ազատության 55 օր և 400 քմ. Ռոուզ կղզու Հանրապետություն

Ճանաչված մարդիկ, որոնք չէին սիրում կատուներ

Նրանք հասուն տարիքում սկսեցին նկարել և մեծ հաջողության հասան

Ամենահին քաղաքները, որոնք կան մինչ օրս…

Պատմության ամենաերկարատև գահակալությունները. 10 գահակալ

Հոգևոր ու աշխարհիկ առաջնորդներ, որոնք մահացել են բուռն սիրո պահին

Ջինս. բանվորական համազգեստից նորաձև հագուստ

Արենի 1. աշխարհի ամենահին կոշիկը

10 ուղևոր-տեսակ հայրենական տրանսպորտից

Ինչու՞ եվրոպացիները հնդկաձավար չեն ուտում

Բայկալ լճի առեղծվածը…

1 դար առաջ. թուրք-հայկական պատերազմ

Իրեղեն պատմություններ. հայելի

Քաջ Գյուլիզարի ողբերգական պատմությունը