70-ականները վերադարձել են. ծանոթանում ենք ռետրո-հագուստին ֆիլմերի միջոցով - VNews

70-ականները վերադարձել են. ծանոթանում ենք ռետրո-հագուստին ֆիլմերի միջոցով

«Ռոքի Հորորի սարսափ շոուն» / The Rocky Horror Picture Show, 1975

Picture show-ն հնացած տերմին է, որը կիրառվում էր թե ֆիլմերի, թե ցուցահանդեսների պարագայում: Այնպես որ դիմահարդարման, կոստյումային կառնավալների և թեմատիկ խնջույքների անսպառ ոգեշնչման համար ստեղծված այս մյուքիզլը կինո-կաբարեի եզակի նմուշ է, եթե, իհարկե, դուք սիրում եք կինեմատոգրաֆի այս երգող ժանրը: Այն միտումնավոր հեգնում է գիտաֆանտաստիկ և սարսափ ֆիլմերը՝ առաջարկելով սեփական կոկտեյլ-բաղադրատոմսը միապաղաղության և վախի դեմ: Էքսցենտրիկ Ռոքի Հորորը, բոլորիդ «Տանը միայնակ 2. Նյու Յորքում մոլորված»-ից քաջ հայտնի Թիմ Քարիի դերակատարմամբ և երիտասարդ Սյուզան Սերենդոնը կփոխեն ձեր պատկերացումները ակադեմիական և զուսպ ռետրո մյուզիքլների մասին:

«Տաքսու վարորդ» / Taxi Driver, 1976

Մարտին Սկորսեզեի կուլտային ֆիլմը բարձրացնում է բազմաթիվ սոցիալ-հոգեբանական թեմաներ, որի արդյունքում էլ ժամանակին ստեղծել է մեծ ռեզոնանս և մնացել կինոյի պատմության դասագրքերում: Սակայն բացի սուր կոնֆլիկտի բովանդակային ասպեկտից, հարկ է նշել նաև ֆիլմի ակտիվ կոստյումային և նկարչական բաղադրիչի մասին, որը փոխանցում է այդ ըմբոստ ժամանակների թարմեցնող շունչը: Երիտասարդ Ռոբերտ Դե Նիրոյի մարմնավորած գլխավոր հերոս Թրեվիս Բիքլի սանրվածքն ու ռազմական հանդերձանքը կրկնօրինակում են մինչ օրս, իսկ Ջուդի Ֆոսթերի հերոսուհու ամառային տոպերը, գլխարկն ու հսկա արևային ակնոցները հիշեցնում են ամեն ինչ, բացի մարմնավաճառուհիների կարծրատիպային հանդերձանքից:

 

«Մարդ, որն ընկավ Երկրի վրա» / The Man Who Fell to Earth, 1976

Դևիդ Բոուիի երկրպագուների ամենասիրելի գիտաֆանտաստիկ ֆիլմերից մեկը պատմում է տարբեր գույների աչքեր, վառ սանրվածք և արտահայտիչ այտոսկրեր ունեցող չափազանց գրավիչ այլմոլորակայինի մասին, ով վայրէջք է կատարել Երկիր իր մոլորակի համար ջուր հայթհայթելու առաքելությամբ: Ֆիլմի կարևոր, բնապահպանական մեսիջ-ասպեկտը մի կողմ դնելով՝ կարելի է պարզապես հիանալ կարմրահեր հումանոիդի հիանալի աքսեսուարներով և նրբագեղ կոստյումներով:

 

«Էննի Հոլ» / Annie Hall, 1977

Անդադար սրամտորեն բողոքող և վերլուծող նյույորքաբնակ նևրոտիկի լավագույն սիրային պատմություններից մեկը, որը պատմում է իր և Էննի Հոլ անունով երիտասարդ կնոջ հետ ծանոթության, սիրավեպի զարգացման և ամենատարբեր առօրյա իրավիճակների մասին: Դայան Քիթոնի հերոսուհին ցուցադրում է դասական՝ տղամարդկային աքսեսուարների և ժիլետների կիրառման նոր՝ էկլեկտիկ և կանացի մաստեր-կլաս:

 

«Շաբաթ երեկոյի տենդը» / Saturday Night Fever, 1977

Դիսքո մշակույթի մասին պատմող կարևորագույն ֆիլմերից մեկը, եթե ոչ ամենակարևորը: Bee Gees, սպիտակ տաբատներ, որոնք մեզ հայտնի են «Հոլիդեյ» անվանմամբ, երիտասարդ և գերպլաստիկ Ջոն Թրավոլթա, որի շարժումները ամենատարբեր պարահրապարակներում փորձում էին կրկնօրինակել անգամ մեր ծնողները: Եվ եթե վերևում նեղ, իսկ ներքևում լայն սպիտակ տաբատները չափից շատ ռադիկալ հագուստի ատրիբուտ է , ապա ուշադրություն դարձրեք բազմատեսակ վառ և գունեղ վերնաշապիկներին՝ շուտով ամառ է:

 


5 կարևոր պատերազմական ֆիլմ, որոնք անպայման պետք է դիտել

Ամենաթրենդներ. աշուն-ձմեռ 2020

Դիմակ. մեր ժամանկների ամենապահանջված աքսեսուար

Թոփ 5 ֆիլմեր՝ իսկական սեր ու սեքս

Հարսանեկան զգեստներ, որ մտան պատմության մեջ

10 ֆիլմ նորաձևության ու նորաձևների մասին/համար

#BlackLivesMatter. 5 ֆիլմ ռասիզմի մասին

Հպարտանալու առիթ. հայ ռեժիսորի ֆիլմն՝ Կաննի կինոփառատոնում

Ալմոդովարից բացի. իսպանական կինոյի ևս 5 կարևորագույն ֆիլմ

Ինչ դիտել, երբ սիրտդ ուզում է ճամփորդել. «Ճամփեզրերին»

Լավ ֆիլմեր, որոնց մասին ոչ ոք չի խոսում. բրիտանական «Վերա Դրեյքը»

Կինոքննադատները խորհուրդ են տալիս. [Ամստերդամից Կեյս Դրիսենը]

Ալմոդովարից բացի. իսպանական կինոյի կարևորագույն 5 ֆիլմ

Լավ ֆիլմեր, որոնց մասին ոչ ոք չի խոսում. ֆրանսիական «Խնամակալությունը»

Կինոքննադատները խորհուրդ են տալիս. [Ցյուրիխից բրազիլացի Ումբերտո Մուրեյրան]

Հին դրամապանակում մաշված թղթի կտորի վրա 20 տարի ապրած ֆիլմացանկ