Ամերիկայի առաջին սուպերմոդել Ջիա Մարի Քարանջիի բացառիկ լուսանկարները

Աշխարհը խոսում է Սինդի Քրոուֆորդի, Նաոմի Քեմփբելի և Լինդա Եվանգելիստայի մասին՝ մոռանալով ֆանտաստիկ գեղեցկության տեր Ջիա Մարի Քարանջիին:
Ջիան ծնվել էր 1960 թ. Ֆիլադելֆիայում, Փենսիլվանիա, ԱՄՆ: 70-80-ականներին Ջիան ցնցում է նորաձևության ոլորտն իր յուրօրինակությամբ և տեսախցիկի հետ աշխատելու հմտությամբ: Բնությունից տրված արտաքինի և խարիզմայի շնորհիվ Քարանջին կարողանում է գերել հազարավոր լուսանկարիչների ուշադրությունը և բազմիցս հայտնվել Vogue և Cosmopolitan ամսագրերի շապիկներին, ինչպես նաև մասնակցել Armani, Christian Dior, Versace և Yves Saint Laurent հեղինակավոր բրենդերի գովազդային հոլովակներում:

Ջիայի կյանքում ամեն ինչ լավ կլիներ, եթե չլիներ հերոինից կախվածությունը, որը լուրջ հարված հասցրեց ոչ միայն աղջկա մոդելային կարիերային, այլև՝ առողջությանը:

1986 թ.՝ 26 տարեկանում Ջիան մահանում է ՁԻԱՀ-ից: Նա հայտնիներից առաջիններից էր որը մահացավ այդ հիվանդությունից:

1998 թ. HBO-ն հանրության դատին հանձնեց Մայքլ Քրիստոֆերի “Gia” ֆիլմը, որտեղ Ջիային մարմնավորում է անկրկնելի Անջելինա Ջոլին: Դերասանուհին արժանացավ «Ոսկե Գլոբուսի»:

Ահա ձեր ուշադրությանն ենք ներկայացնում Ջիա Մարի Քարանջիի՝ 70-80-ականներին արված լուսանկարները:

Հետևեք մեզ նաև Instagram-ում, Twitter-ում և YouTube-ում

Աղբյուր՝ vintag.es