«Անհայտ բաժանորդ». նոր ֆիլմ - VNews
    • Մշակույթ Vnews

      Մշակութային նորություններ Հայաստանից և աշխարհից

«Անհայտ բաժանորդ». նոր ֆիլմ

Աշնան ամենասպասված պրեմիերաներից մեկն «Անհայտ բաժանորդ» ֆիլմն է, որի հովանավորներից մեկը Վիվառո ընկերությունն է:

Վերջինս լայն տարածում ստացած «Կատարյալ անծանոթները» (“Perfetti sconosciuti“) ֆիլմի ռիմեյքն է: Հարկ է նշել, որ կա ֆիլմի մոտ 9 ռիմեյք, որոնցից առավել հայտնի են իսպանական, ֆրանսիական, հունական, կորեական, ռուսական տարբերակները:
Այս պատմությունը մարդկային հարաբերությունների անկայունության մասին է, այն հարազատ բայց միևնույն ժամանակ այնքան օտար մարդկանց մասին է, այն գաղտնիքների մասին է, որոնք հերիք է ջրի երես դուրս գան, ամեն ինչ, ենթարկվելով դոմինոյի էֆֆեկտի սկզբունքի, կփլուզվի, հօդս կցնդի:

Կարճ նկարագիր:

Երբևիցե մտածե՞լ եք այն հարցի շուրջ, թե ինչպես փոխվեց կյանքն այն բանից հետո, երբ տեղեկատվական տեխնոլոգիաները լայն կիրառություն ստացան: Դրանք ներխուժեցին մեր կյանք և կարճ ժամանակում դարձան դրա անբաժան մասնիկը:
7 ընկերներ՝ 3 զույգ և մեկ տղամարդ, հավաքվում են ճաշկերույթի: Նրանք որոշում են խաղ խաղալ. եթե որևէ մեկի հեռախոսը զանգի, կամ հաղորդագրություն ստանա, նրանք պետք է բարձրաձայն կիսվեն բոլորի հետ զրույցի և նամակի մանրամասներով: Դե պատկերացրեք՝ որքան գաղտնիքներ կբացահայտնվեն երեկոյի ընթացքում…

Հայկական տարբերակի ռեժիսորն է Արշալույս Հարությունյանը, իսկ ֆիլմում նկարահանվել են Նազենի Հովհաննիսյանը, Սոս Ջանիբեկյանը, Խորեն Լևոնյանը, Բաբկեն Չոբանյանը, Մարջան Ավետիսյանը, Անի Խաչիկյանն և Արթուր Մանուկյանը:

Ռեժիսորի՝ Արշալույս Հարությունյանի խոսքերով, այն դուր կգա հայ հանդիսատեսին, քանի որ համապատասխանում է մեր իրականությանը և շոշափում է թեմաներ, որոնք մտահոգում են մեզնից յուրաքանչյուրին:

«Սա մի հրաշալի ստեղծագործություն է, որն անդրադառնում է մարդկանց կյանքին, հարաբերություններին: Սա պատմություն է, որը կարող է տեղի ունենալ յուրաքանչյուրիս հետ: Երբ հարմարվում ես մեր իրականությանը՝ պետք է պատրաստ լինես բոլոր այն անակնկալներին, որոնք կյանքը քեզ ուղարկելու է», -ասել է ռեժիսորը և հավելել, -«Հայկական տարբերակը շատ նման է մեզ. այն մեզ նման տաքարյուն է, մեզ նման հակասական է»:

Ի դեպ շատերդ կհիշեք, որ այս պատմությունը բեմադրվել էր նաև Երևանի Պետական Կամերային Թատրոնում Արշալույս Հարությունյանի կողմից և կրում էր «Սև արկղ» անունը: Դրա հիմքում Ջոն Փրիսթլիի 1932 թ. «Վտանգավոր շրջադարձ» (Dangerous Corner)  պիեսն էր:

Դե ինչ՝ մեզ մնում է սպասել և վայելել հայկական այս նոր և շատ գունեղ գործը, որն արդեն շատ շուտով էկրաններ կբարձրանա:

Տես նաև մեր փոքրիկ տեսանյութը ֆիլմի մասին այստեղ:


#BlackLivesMatter. 5 ֆիլմ ռասիզմի մասին

Հպարտանալու առիթ. հայ ռեժիսորի ֆիլմն՝ Կաննի կինոփառատոնում

Ալմոդովարից բացի. իսպանական կինոյի ևս 5 կարևորագույն ֆիլմ

Ինչ դիտել, երբ սիրտդ ուզում է ճամփորդել. «Ճամփեզրերին»

Լավ ֆիլմեր, որոնց մասին ոչ ոք չի խոսում. բրիտանական «Վերա Դրեյքը»

Կինոքննադատները խորհուրդ են տալիս. [Ամստերդամից Կեյս Դրիսենը]

Ալմոդովարից բացի. իսպանական կինոյի կարևորագույն 5 ֆիլմ

Լավ ֆիլմեր, որոնց մասին ոչ ոք չի խոսում. ֆրանսիական «Խնամակալությունը»

Կինոքննադատները խորհուրդ են տալիս. [Ցյուրիխից բրազիլացի Ումբերտո Մուրեյրան]

Հին դրամապանակում մաշված թղթի կտորի վրա 20 տարի ապրած ֆիլմացանկ

Ինչ դիտել տանը. ֆրանսիական «Նոր ալիքի» դասական Անյես Վարդայի կարճամետրաժ ֆիլմը

Իլյա Խրժանովսկու «Դաու» մեգամասշտաբային նախագիծը ապրիլին հասանելի կլինի համացանցում

Կարանտինային նորաձևություն. ռետրո պենյուարներից մինչև պինգվիններով պիժամա

Քվենտին Տարանտինոն սկսել է ակտիվ զբաղվել ֆիլմերի գրախոսականներ գրելով

Լավ ֆիլմեր, որոնց մասին ոչ ոք չի խոսում. «Վերջին դիմանկար»

Ռեժիսոր Թիմուր Բեքմամբեթովը կստեղծի ֆիլմ՝ կարանտինի մեջ գտնվող մարդկանց մասին