Արականը և իգականը. 5 ֆիլմ - VNews

Արականը և իգականը. 5 ֆիլմ

Ինչի՞ մասին է կյանքը: Այո՛, հենց սիրո: Մենք սիրում են` մեզ չեն սիրում, մենք սիրում ենք ՝ մեզ սիրում են: Այսպիսին է կյանքը. մեզ կոտրում են, մեզ փոխում են, անճանաչելիորեն փոխում: Մեզանց մի քանիսը հաղթահարում է հիասթափությունն ու տագնապը և առաջ շարժվում, իսկ մյուսներն իրենց խոսք են տալիս, որ երբեք չեն սիրահարվի, քանի որ միևնույն գետը երկու անգամ չես կարող մտնել. բայց ինչպե՞ս ապրել առանց սիրո:
Ինչ էլ լինի՝ մենք բոլորս մարդիկ ենք, սովորական մարդիկ, ովքեր սիրո կարիք ունեն, և ովքեր արբած են այն գաղափարով, որ միայն սերը կարող է բուժել մեր վերքերը:
VNews-ը ձեզ է ներկայացնում 5 գեղեցկագույն ֆիլմ սիրո մասին:

 

Վնաս/Ущерб/Damage, 1992

Գեղեցիկ սիրո և անհագուրդ կրքի մասին պատմություն Լուի Մալի կողմից:
1992 թ. էկրաններին են հայտնվում դերասաններ Ջերեմի Այրոնսը և Ջուլիետ Բինոշը: Դժվար կլիներ պատկերացնել ավելի լավ ընտրված դերասանական զույգ, քան այս երկուսը:
Ֆիլմը հիմնված է Ջոզեֆին Հարթի 1991 թ. համանուն ստեղծագործության վրա և պատմում է Ֆլեմինգ ընտանիքի կյանքի մի շրջանի մասին: Լև Տոլստոյը ասել է. «Բոլոր երջանիկ ընտանիքները նման են իրար, յուրաքանչյուր դժբախտ ընտանիք դժբախտ է յուրովի»:
Երբ ընտանիք է «ներխուժում» գեղեցկուհի Աննան, ընտանիքի անդամների կյանքը մեկընդմիշտ փոխվում է:
Ընտանիքի հայրը սիրահարվում է որդու նոր ընտրյալին: Աննան և պարոն Ֆլեմինգը տրվում են զգացմունքին. անսանձ կիրք, սեր, ցանկություններ, միասին լինելու անհնարինություն:Հայրերի ու որդիների կոնֆլիկտն այստեղ այլ երանգ է ստանում, իսկ որդու բացահայտումը վնասում է բոլորին:
Ողբերգական ֆիլմ այն մասին, որ կորցնելով ամեն ինչ մարդը ձեռք է բերում ազատություն և ընկնում մոռացության գիրկը:
Մյուս գլխավոր դերերում են Միրանդա Ռիչարդսոնը, ով Բրիտանական ակադեմիայի կողմից արժանացել է մրցանակի՝ «Երկրորդ պլանի լավագույն դերասանուհի» անվանակարգի համար, Ռուպերտ Գրեյվսը և այլք:

 Թարգմանության դժվարությունները/Трудности перевода/Lost in Translation, 2003

Ռեժիսոր Սոֆիա Կոպոլայի գեղեցիկ ֆիլմի կենտրոնում են դերասաններ Բիլ Մյուրեյը, Սքարլեթ Յոհանսոնը, և իհա՛րկե՝ թարգմանության դժվարությունները:
Շառլոտը սիրելիի հետ տեղափոխվել է Տոկիո, որտեղ վերջինս զբաղվում է իր գործերով և միայնակ է թողնում աղջկան: Ի՞նչ կարող է անել գեղեցիկ աղջիկը միայնակ փակված ճապոնական հյուրանոցներից մեկի համարում. իհարկե՝ դուրս գալ և բացահայտել լույսերի քաղաքը: Այստեղ նա հանդիպում է Բոբ Հարիս անունով մի տղամարդու և նրանք միասին սկսում են մի երկար և գեղեցիկ «ճանապարհորդություն»: Պլատոնական սե՞ր: Գուցե: Գեղեցիկ և գունեղ քաղաքը կլանում է նրանց, նրանք տրվում են զգացմունքներին և փորձում  ինչ-որ կերպ լցնել իրենց ներսում տիրող դատարկությունը:
Վառ գույների մեջ մատուցված այս ֆիլմի հիմքում իրականում մարդկային միայնությունն ու ունայնությունն է. մենք բոլորս միայնակ ենք, մինչ այն պահը, երբ որևէ մեկը չի համարձակվում «կոտրել» այդ միայնությունը:
2004 թ. ֆիլմն արժանացել է Օսկարի՝ «Լավագույն օրիգինալ սցենար» անվանակարգում:

Մտերմություն/Близость/Closer, 2004

Ցուցակի հաջորդ ֆիլմը  Մայք Նիքոլսի «Մտերմություն» ֆիլմն է, որի գլխավոր դերերում են Ջուլիա Ռոբերտսը, Ջուդ Լոուն, Քլայվ Օուենը և Նատալի Փորտմանը:
Պատրիկ Մարբերի հայտնի ստեղծագործության վրա հիմնված այս ֆիլմը պատմում է մի քանի հերոսների մասին, որոնց ճակատագրերը մի գեղեցիկ օր հատվում են:
Գրող Դենը սիրահարվում է մերկապարուհի Էլիսին, իսկ Լարին սիրում է Աննային:
Ճակատագրի բերումով Դենի և Աննայի ճանապարհները հատվում են, և գրողը մինչև ականջների ծայրը սիրահարվում է Աննային, իսկ Էլիսը՞: Իմանալով սիրելիի և Դենի կապի մասին՝ Լարին սկսում է սիրահետել Էլիսին:
Սիրային չորսանկյուն, որ քաղցկեղի պես տարածվել է և պարուրել հերոսներին: Կհաջողվի՞ նրանց մազապուրծ լինել այդ «հիվանդությունից»:
2005 թ. ֆիլմը հաղթել է «Ոսկե գլոբուս» մրցանակաշխությանը՝ «Երկրորդ պլանի լավագույն դերասան» (Քլայվ Օուեն) և «Երկրորդ պլանի լավագույն դերասանուհի» (Նատալի Փորթման) անվանակարգերում:
-Ինչի՞ մասին ես այդքան տխուր խորհում:
-Կյանքի:

 Իմ հապալասե գիշերները/Мои черничные ночи/My Blueberry Nights, 2007

2007 թ. էկրաններ է բարձրանում ռեժիսոր Վոնգ Կար-Վայի «Իմ հապալասե գիշերները» ֆիլմը՝ Նորա Ջոնսի, Ջուդ Լոուի, Ռեյչել Վայսի, Նատալի Փորթմանի, Չադ Դեվիսի և այլոց մասնակցությամբ:

Ինչպե՞ս ես հրաժեշտ տալիս նրան, առանց ում չես կարող ապրել:
Էլիզաբեթը կորցրել է իրեն. ու՞ր է նա գնում, ի՞նչ է անում և ինչպիսի՞ ապագա է տեսնում իր համար:
Անորոշության մեջ կարող ես խճճվել, եթե քեզ օգնության ձեռք չմեկնեն. այդպես էլ լինում է հերոսուհու հետ: Մարդիկ փոխում են նրան, հետք թողնում կյանքի վրա: Նա սիրահարվում է, հիասթափվում, և ուժ գտնում իր մեջ, որ առաջ շարժվի. ինչ էլ լինի նա այլևս առաջվանը չէ, ինչ էլ լինի՝ նա ուրիշ Էլիզաբեթ է:
Ասում են՝ «Մեր մատնահետքերը չեն խամրում այն կյանքերից, որոնց մենք դիպչում ենք»: Էլիզաբեթը շնորհակալ է այդքան շատ մատնահետքերի համար:
2007 թ. ֆիլմը նոմինացվել էր «Ոսկե արմավենու», բայց այդպես էլ չի հաղթել:

Ամառվա 500 օրերը/500 дней лета../(500) Days of Summer, 2009

2009 թ. ռեժիսոր Մարկ Ուեբը հանրությանն է ներկայացնում իր «Ամառվա 500 օրերը» ֆիլմը, որի կենտրոնում է Թոմ անունով մի երիտասարդ: Նրա կյանքը փոխվում է, երբ հայտնվում է Սամերը: Գեղեցիկ, խարիզմատիկ աղջիկը գերում է երիտասարդին և մեկընդմիշտ փոխում նրա կյանքը:
Մարդիկ կարծում են, թե ամենավառ աստղերը ամենաշուտն են խամրում: Այդպես եղավ այս երկուսի դեպքում: Միանգամից ծնունդ առած զգացմունքը դրդում է Թոմին մտածել, որ աղջիկը հենց այն միակն է, բայց արդյո՞ք դա այդպես է:
Տխուր է, երբ սիրահարները բաժանվում են. տղան փակվում է ինքն իր մեջ, կորցնում կանանց նկատմամբ հավատը և ինքն իրեն խոսք տալիս, որ այլևս երբեք չի սիրահարվի, բայց ինչպե՞ս ապրել առանց սիրո:
Ֆիլմի գլխավոր դերերում են Ջոզեֆ Գորդոն-Լևիթը և Զոի Դեշանելը:

Ես սիրահարվեցի քեզ, քանի որ դու սիրեցիր ինձ, երբ ես չէի կարող սիրել ինքս ինձ:


Ինչպիսի՞ն էր Ջուդ Լոուն՝ «The Young Pope»-ից առաջ

Պատերազմ և խաղաղություն. [Աֆորիզմներ]

Փարիզ, Նյու Յորք, Ռիո, Հավանա… ես քեզ սիրում եմ. 4 կինոալմանախ սիրո ու ամենաչքնաղ վայրերի մասին

Ինչ դիտել տանը. ամերիկյան կինեմատոգրաֆի 50 indie ֆիլմ

Հինն ու նորը. ինչպիսին են հայտնի րիմեյքների օրիգինալ տարբերակները

5 ֆիլմ+5 գիրք [Սևակ Ղազարյան]

«Աննա Կարենինան» ասում է․․․

Աննա Կարենինա կամ Молодец-баба [նախնական տարբերակի անվանումն ու մյուս տարբերությունները]

Լեւ Տոլստոյի վերջին նամակը կնոջը

Young Pop-ից New Pop [2-րդ եթերաշրջանի թրեյլերը, փոփոխված կազմն ու անվանումը]

Հայտնի մարդիկ, որոնք այլ մասնագիտություններ ունեն

21-րդ դարի աստղերը հայտնի կտավների հերոսներ են դարձել

Արիանա Գրանդեն, Լանա Դել Ռեյը և Մայլի Սայրուսը «Չառլիի հրեշտակները» ֆիլմի սաունդթրեքի կատարողներն են

Դիտել հուլիսին կինոթատրոնում

Լև Տոլստոյի արխիվային լուսանկարները

Նատալի Փորթմանն ասում է․․․