fbpx
    • Մշակույթ Vnews

      Մշակութային նորություններ Հայաստանից և աշխարհից

Արարատ Մինասյան [մենախոսություն կենցաղի փիլիսոփայության շուրջ]

Կարծում եմ շատ պարզունակ կլիներ ասել, որ նկատում ես որևէ երևույթ, դետալ կամ ինչ-որ մանրուք շրջապատող իրականության մեջ, ու դա դառնում է մի նոր գեղանկարչական շարքի հիմք:

Ամեն ինչ շատ ավելի բարդ է ու խորը… ամեն ինչ սկսվում է հարցերից. դրանք առաջանում են ակամա, երբ փորձում եմ հասկանալ, թե ինչպես է առաջին հայացքից անկարևոր թվացող մանրուքը գամվում մտքիս մեջ… և երբ տալիս եմ առաջին հարցը, պատասխանների փոխարեն առաջանում են նոր հարցեր:

Ահա սա է հիմք դարձել «Կեցաղի փիլիսոփայություն» շարքի ստեղծման համար:

Ի՞նչ է կենցաղը. դա մի բարդ կառուցվածք է, որն իր հերթին բաղկացած է բազմաթիվ այլ, ոչ պակաս բարդ տարրերից, դրանք էլ իրենց հերթին ավելի մանր բաղկացուցիչներից և այդպես մինչև մի պարզագույն իր: Նման օրինակ է պոլիեթիլենային տոպրակը… և այդ կետում սկսվում է մեկ նկարի պատմություն:

21-րդ դար

Բայց ինչպես ցույց տալ, որ մի բարդ հարցի պատասխանը կարող  է լինել կենցաղային իրի միջոցով արտահայտված պատկերը: Այսինքն պոկել, վերցնել իրականությունից այդ դետալը և ներկայացնել այլ միջավայրում՝ դիտել այլ անկյան տակ:

Ձեռքերի վրա ներկայացնելով առօրյա կյանքից մի հատված՝ փորձել եմ ցույց տալ հաճախ մեր տեսադաշտից դուրս մնացող երևույթները, որոնք ինքնին մարդու պատմություն են, նրա ամենօրյա աշխատանքի ու գործունեության արդյունքը: Այդ շենքերը, որ ասես մեծ քանդակներ լինեն, ծեփված են կենցաղ անունով մի քանդակագործի ձեռքերով:

Ես սկսեցի ուսումնասիրել այդ ամենօրյա շրջադարձը, ինչը հանգեցրեց ավելի ընդհանուր մտքերի, բայց կրկին դրանք արտահայտված էին կենցաղային դրվագների միջոցով: «Լուսաբաց», «Կանգառ», «Անցնել», «Հաջորդ առավոտը» կտավներում արտահայտել եմ այդ դրվագները: Այժմ աշխատում եմ զարգացնել այս շարքը ու փորձել նոր հարցեր տալ ինքս ինձ:

Լուսաբաց

Կանգառ

Անցնել

Հաջորդ առավոտը

Բայց չեմ սիրում անընդհատ կառչել մի մտքից, այժմ աշխատում եմ նաև բոլորովին այլ մտահղացումների շուրջ:

Կարծում եմ առաջ շարժվելու համար հարկավոր է անընդհատ դուրս գալ հարմարավետության գոտուց:

տես նաև՝

 

 

 

 


Նյու Յորքում անհավանական գնով վաճառվել է Ֆրիդայի կտավներից մեկը

Աղասի Այվազյան. գրականություն և ոչ միայն

Իմպրեսիոնիզմն ազգային գեղանկարչության մեջ [Եղիշե Թադևոսյան]

Մանուելա Ադրեանի [հեքիաթներ նկարազարդող փերին]

John Kacere. կանացի հետույքների ու գեղեցկության նկարիչը

Միջազգային ճանաչում ունեցող արվեստագետ Արշակ Սարգսյանը մասնակցում է Պրահայի 14-րդ Քվադրինալեին

Վենետիկում ցուցադրվում են Արշիլ Գորկու աշխատանքները

Մարկ Շագալ. նկարիչ, որ կարողանում էր սիրել

Վալենտին Գեորգիևիչ Պոդպոմոգովի արտասովոր ճակատագիրը

Կլոդ Մոնե [նկարիչ այգեպան]

Ժամանակակից հայ գեղանկարիչներ. Մուշեղ Գրիգորյան

17-րդ դարի ամենատաղանդավոր նկարիչներից մեկի՝ Ռեմբրանդ վան Ռեյնի մասին

5 կոլաժի նկարիչ առաջարկում է քեզ Instagram-ը

Դալին ու լուսանկարչության արքան՝ Ֆիլիպ Հալսմանը

Գեղանկարիչ Հովհաննես Զարդարյանի 100 ամյակին նվիրված ցուցահանդես

5 էջ, որոնց #արժեհետևել ինստագրամում մաս [25]