fbpx
    • Մշակույթ Vnews

      Մշակութային նորություններ Հայաստանից և աշխարհից

Arevik d’Or-ն ու 3 թմբլոները [հետաքրքիր պատմություն]

Arevik d’Or-ը պրոֆեսիոնալ իլյուստրատոր և անիմատոր է: 2011-ին նա հիմնել է I CAN արվեստի դպրոցը Երևանում: Այս դպրոցում նա իլյուստրացիա և անիմացիա էր սովորեցնում երեխաներին:

Իլյուստրատորը գրքեր է նկարազարդում: Իսկ 2017-ին նա հրատրակեց իր առաջին ինտերակտիվ այբբենարանը՝ «Ժիրոն» (Զանգակ հրատարակչություն):

Հիմա Արևիկն ավելի կենտրոնացած է ավանդական և դիջիթալ 2D անիմացիայի վրա: Նա ողջ ուժերը փորձում է կենտրոնացնել հեղինակային ֆիլմեր ստեղծելու վրա: Երաժիշտ Միքայել Ոսկանյանի և գրող Սյունե Սևադայի հետ համագործակցության արդյունքում ստեղծվել է Արևիկի առաջին հեղինակային կարճամետրաժ անիմացիոն ֆիլմ Utopia-ն:

Արևիկը մի շատ հետաքրքիր շարք ունի, որին հաստատ ծանոթ եք, եթե հետևում եք իլյուստրատորի սոցիալական էջերին: 3 թմբլոներ. այսպես կարելի է պայմանականորեն անվանել այս շարքը, որտեղ 3 կին է պատկերվում՝ խոշորակազմ, նուրբ գեղագիտությամբ մատուցված, ուրախ ու բարի դիմագծերով, սովորական կանացի առօրյայով և գեղեցիկ լինելու քնքուշ ինքնազգացողությամբ, ձանձրույթի ու կենցաղի վայելումով, շրջապատող գեղեցիկը տեսնելու ունակությամբ և անսահման գեղանիությամբ, որը ավելի է ընդգծվում նրանց՝ ոչ այնքան նուրբ ու համաչափ կազմվածքի պատկերմամբ:

Կերպարվեստի ուսումնասիրություններումս ինձ համար բացահայտել էի Երեք գրացիաների թեման (Three Graces)։ Աստվածուհիները, ըստ հունական դեցաբանության, ներկայացնում են գեղեցկությունը, հմայությունը և շնորհքը: Բոլոր ժամանակներում այս թեմայով ստեղծվել են արվեստի բազմաթիվ նմուշներ։ Թեման խորապես գրավել էր ինձ: Դասական գործերի ինտերպրետացիաներով էի տարվել։

Arevik d’Or

Այս մեկը, որը ապակե կտորներով խճանկար է (30×40), ինտերպրետացիա է՝ ըստ Ռաֆայելի «Երեք գրացիա» կտավի: 

Այս ինտերպրետացիաների և թեմայի մեջ ավելի խորանալու արդյունքում էլ սկսեցին ստեղծվել Արևիկի սեփական գրացիաները: Նրանք նաև անուններ ունեն ու ապրում են իրենց անձնական կյանքով, ընկերություն են անում, օգնում իրար, հետաքրքիր ու երբեմն էլ ձանձրալի ժամանակ անցկացնում իրար ու մեզ հետ միասին:

Ահա նրանք՝ Անը, Աննը և Աննան. 3 թմբլո, 3 գեղեցկուհի, 3 ժամանակակից աստվածուհի:

Անվան մասին

Եվրոպայում նոր էի ակադեմիա ընդունվել, ծանոթացա Անն անունով մի աղջկա հետ, հետո մեկ ուրիշի` Անը անունով։ Տարածված անվան նոր բացահայտումներիս շնորհիվ էլ աղջիկներին կնքեցի Ան, Անն և Աննա։
Arevik d’Or
Աննաների շարքը հաճախ է համալրվում նոր իլյուստրացիաներով։ Արևիկր, որն այժմ Եվրոպայում է ապրում, իր երևանյան ընկերուհիներին կարոտելով է նկարում, երևակայում է իրենց հետ զվարճալի իրավիճակներ։ Իլյուստրատորը իր գեղեցկուհիներին նկարում է գրիչով փոքրիկ նոթատետրում ու որտեղ պատահի՝ գնացքում, սրճարաններում, մեքենայով ճամփորդելիս, պառկած: Անը, Աննը և Աննան Արևիկի ու նաև մեր բոլորի առօրյայի մասն են դարձել:
Հավանեցի՞ք աղջիկներին. ուրեմն պատրաստվե՜ք: Շատ շուտով Բերք ստուդիո – ի հետ համատեղ այս շարքի մի քանի իլյուստրացիաներով սահմանափակ արտադրությամբ շապիկներ և բլուզներ կթողարկվեն։
Իսկ եթե ուզում եք հետևել Arevik d’Or անունով իլյուստրատոր անիմատորի ստեղծագործական գործունեությանն ու ամեն օր տեսնել, թե ինչ են անում թմբլոները, ապա ահա այն հասցեները, որտեղ կգտնեք նրանց.
կայք՝ www.arevikdor.com

 

 


Ես Նաիրա Զոհրաբյանն եմ…

Ես Սամվել Սևադան եմ․․․

Ես Աշոտ Բլեյանն եմ…

քաղաքային քրոնիկոն [մատերիալ հավաքող Աննայից]

Մանուելա Ադրեանի [հեքիաթներ նկարազարդող փերին]

Ես Կարեն Ավետիսյանն եմ…

«HAY-AT JAZZ». Հայը՝ ջազում, ջազը՝ բակում. Ջազոտ օրեր Գյումրիում

Զրուցեցինք դերասանուհի Նարինե Պետրոսյանի հետ

Ես Մհեր Արշակյանն եմ…

Զրուցեցինք «Քաոս» հեռուստասերիալի ռեժիսոր Հայկ Կբեյանի հետ

Ես Սերգեյ Սմբատյանն եմ…

Հարցազրույց. Կարպիս Փաշոյան

Ես Անի Քոչարն եմ…

Ես Արտավազդ Եղիազարյանն եմ…

Ես Արեգ Բալայանն եմ…

Ես Գոռ Սուջյանն եմ