fbpx

Արմեն Քելեշյան. հայ, որ նկարել է Snoop Dogg, Pharrell Williams, Kendrick Lamar և այլ հայտնիների

2017 թվականի հոկտեմբեր ամսվա վերջին սովորականի պես թերթում էի ինսթագրամյան նյուզֆիդն ու հանկարծ աչքիս ընկավ ամերիկացի ռեփեր Post Malone-ի լուսանկարը, որտեղ սակայն ամենահետաքրքրականը նկարի մակագրությունն էր` Արմեն Քելեշյան: Լրագրողի և հայի հետաքրքրասրությունս բնականաբար չէի կարող զսպել: Արագ փնտրեցի, գտա լուսանկարչի անձնական էջն ու չսկսեցի լայքեր շարել (նկարներով հիանալու ժամանակ դեռ կգտնեի), այլ միանգամից անձնական նամակ ուղարկեցի` հարցազրույցի առաջարկով: Առաջարկն ընդունվեց: Արդյունքը՝ ստորև…

Serj Tankian, Snoop Dogg, Wiz Khalifa, Jared Leto, Xzibit, Dr.Dre, Asap Rocky, Jared Leto, G Eazy, Rick Ross, Usher, Pharrell Williams, Kendrick Lamar, Ty Dolla Sign, Tyga, Post Malone, SZA, Ice Cube, Magic Johnson …

Ինչպե՞ս հաջողեցրիր այս հայտնի անուններին լուսանկարել, ինչպե՞ս ամեն ինչ սկսվեց:

Ամեն ինչ սկսվեց 16 տարեկանում Բեյրութում՝ Լիբանանում, սկսեցի երեկույթներ լուսանկարահանել տեղական բարերում ու փաբերում: Հետո հանդիպում էի մարդկանց, որոնք կազմակերպում էին տարբեր իվենթներ. նկարում էի ու նկարներն ուղարկում իրենց: Եղել են դեպքեր, երբ մերժում եմ ստացել, բայց դա էլ ժամանակ հարց էր: Փորձում էի ամուր հարաբերություններ ստեղծել այդ մարդկանց հետ, մինչև ամեն ինչ կսկսեր իր հունով գնալ: 19 տարեկանում գնացի երազանքներիս հետևից` Լոս Անջելես, և երազանքներս սկսեցի իրականացնել արդեն Հոլիվուդում:

Դու հայ ես, ապրում ես Լոս Անջելեսում, եթե չեմ սխալվում լուսանկարում ես  նյույորքյան հայտնի «Complex» ամսագրի համար։ 2017 թվականի հունիսին ամերիկյան մեկ այլ հայտնի մեդիաներից «Pigeons and planes»-ը քեզ ներառել էր «Թոփ 30 երաժշտական լուսանկարիչներ, որոնց արժե հետևել ինսթագրամում» հոդվածում: Նաև գիտեմ, որ լուսանկարել ես Գրեմմի  59-րդ մրցանակաբաշխությունը։ Սա այն ամենն էր, ինչ հաջողվեց ինձ գտնել քո մասին և այս ամենը՝ 27 տարեկանում։

Մի օր արթնացա ու տեսա ինսթագրամիս էջում ինձ հետևողների քանակը կտրուկ աճել է: Ես շոկի մեջ էի: Ոմանց անձնական նամակ գրեցի, որպեսզի պարզեմ, թե որտեղից են ինձ գտել։ Պարզվեց՝ ինսթագրամի իմ էջը ներառվել է «Pigeons and Planes»  երաժշտական մեդիայի «Թոփ 30 երաժշտական լուսանկարներ, որոնց արժե հետևել ինսթագրամում» հոդվածում: Իմ նկարներում ես մշտապես նշում էի նրանց, ում նկարում էի ու պարզվում է խմբագիրներից մեկը հենց այդպես գտել էր իմ էջը և ներառել այդ հոդվածում: Ինչ վերաբերում է Complex օնլայն ամսագրին, ես այնտեղ պաշտոնապես չեմ աշխատում։

Այդ դեպքում ինչպե՞ս հայտնվեցիր նաև «Complex»-ում։

Ես իմ բոլոր լուսանկարների վրա նշում եմ իրենց և պարտադիր օգտագործում եմ #ComplexPhoto հաշթեգը։ Նրանք էլ տեսնելով իմ աշխատանքները՝ տարածում են իրենց սոցիալական ցանցերում:

Անընդհատ փորձում եմ կապի մեջ լինել «Complex»-ի թիմի հետ և երբ նկարում եմ որևէ էքսկլյուզիվ բովանդակությամբ աշխատանք, ուղարկում եմ իրենց, որ կարողանան օգտագործել իրենց հրապարակումներում։

Հիշո՞ւմ ես առաջին լուսանկարդ, որի հերոսը հայտնի արտիստ էր. ո՞վ էր նա։

Այդ ամենը շատ վաղուց էր, 17 տարեկանում, երբ ես շրջագայում էի Բեյրութից Հայաստան: Երևանում ինձ հաջողվել էր գաղտնի ներխուժել Սերժ Թանկյանի առաջին համերգը նկարահանող պրոֆեսիոնալ թիմի մեջ և հաջողացրել էի բարձր որակով նկարել Թանկյանին։ Դրանից հետո լուսանկարը տեղադրեցի իմ ֆեյսբուքյան էջում, նշեցի Սերժ Թանկյանին և կազմակերպիչներին` «DEEM Communications» ընկերությանը։ Հաջորդ տարի նրանք առաջարկեցին ինձ նկարահանել Սերժ Թանկյանի փերֆորմանսը «Թումոյի» բացման ժամանակ։

Այո, առաջինը Սերժ Թանկյանն էր։

Շատ երկար ժամանակ պրպտում էի քո կայքը և իհարկե պորտրետներդ, որ լուսանկարել ես։ Հրաշալի լուսանկարներ են, հետաքրքիր է՝ ի՞նչն է քեզ համար ամենից կարևոր լուսանկարելիս։

Երբ ես նկարում եմ, ամենաառաջնային խնդիրն է ստեղծել հարմարավետություն նրա համար, ում նկարում եմ։ Եթե արտիստը կամ մոդելն իրեն հարմար չի զգում լուսանկարվելիս, մինչև նկարահանումը սկսելը ես տալիս եմ նրանց հնարավորություն գտնելու իրեն այսպես կոչված «կոմֆորտ զոնան»։ Սա ինձ թույլ է տալիս ստանալ այնպիսի հանճարեղ զգացումներ, որտեղ իմ հերոսներն իրենց լավագույնն են զգում։

Չեմ կարող չխոսել իմ կարծիքով քո ամենաստացված  պորտրետներից Wiz Khalifa-ի, Post Malone-ի, Kendrick Lamar-ի ու էլի շատերի լուսանկարների մասին։ Հետաքրքիր է, սիրում ես ավելի շատ պորտրետնե՞ր նկարել, թե՞ իվենթներ։

Սիրում եմ նկարել պորտրետներ, որովհետև այն տալիս է հնարավորություն արտիստներին ներկայացնել այնպիսի հոգեվիճակում, ինչպիսին նրանք գտնվում են հենց տվյալ պահին։  

 

 

 

 

 

 

 

 

 

 

 

Իսկ ի՞նչն է քեզ համար կարևոր, կերպարն ու իր զգացմունքնե՞րը, թե՞ պահը:

Բոլորը հավասարապես կարևոր են ինձ համար, քանի որ այդ ամենի ընդհանրությունն է լուսանկարները դարձնում ոչ սովորական։

Դու ոչ միայն լուսանկարում ես հայտնիներին, այլև հաջողացնում ես իրենց հետ նկարվել։ Ի՞նչ քոմենթներ ես լսել քո լուսանկարների վերաբերյալ հենց իրենցից։

Հաճոյախոսություններ լսում եմ մշտապես։ Եթե ես ներկայացնում եմ արտիստների, որոնց հպարտորեն եմ լուսանկարում և վստահ եմ, որ այդ լուսանկարներում իրենք շատ լավ տեսք ունեն, իրենք էլ իրենց սերն են ցույց տալիս՝ որպես փոխհատուցում այդ ամենի։

Իսկ ինչպե՞ս էիր հաջողացրել ֆիքսել Rick Ross-ին բիլիարդ խաղալիս և  T.I.-ին նոր սանրվածք անելու ժամանակ։

Նախ ասեմ, որ ես միշտ վազքի մեջ եմ, և միշտ փորձում եմ որսալ այնպիսի պահեր, որում միշտ չէ, որ կհանդիպես մարդկանց, այն էլ հայտնիներին։ Շատ բախտավոր եմ, որ հասցրել եմ լինել  ոչ սովորական իրավիճակներում ու ֆիքսել նրանց։

Էլի արտիստներ կա՞ն, որոնց երազում ես լուսանկարել։

Մեծ ոգևորվածությամբ կուզեի աշխատել Drake-ի, Kanye-ի, Justin Beiber-ի և Eminem-ի հետ:

Եթե չեմ սխալվում վերջին անգամ 2012-ին պլաններ ունեիր Հայաստան վերադառնալու, բայց ուղևորությունդ հետաձգվեց։ Հայաստանի հետ կապված պլաններ կա՞ն:

Վերջին անգամ 2011 թվականի ամռանն էր, որ Հայաստանում էի, հետո նորից տեղափոխվեցի Լոս Անջելես, երկար ժամանակ է՝ Հայաստանում չեմ եղել, բայց շատ եմ ուզում, շուտով կրկին կվերադառնամ։


Լևոն Քոչարյանը՝ Սերժ Թանկյանին. «Խնդրում եմ՝ այսուհետ իմ ընտանիքին վերաբերող հայտարարություններում լինես փաստարկված…»

Ես Անի Քոչարն եմ…

Զեմֆիրայի սիրահարների համար

NEMRA-ի Վանը պատմում է խմբի նոր տեսահոլովակի մասին

#ՆստեցինքԽոսեցինք Հայկ Կարոյի Կարապետյանի հետ

Որքա՞ն է գնահատվում System of a Down-ի անդամների կարողությունը

SOAD-ի Դարոն Մալաքյանը դրամահավաք է իրականացնում Արցախի համար

Հայտնի երգերի ամենագեղեցիկ արտահայտությունները (մաս 11)

Ես Գոռ Սուջյանն եմ

Քիչ հայտնի երգիչներ, որոնք լավ երաժշտություն են ստեղծում (մաս 2)

#ՆստեցինքԽոսեցինք Արտյոմ Մանուկյանի հետ

Ջոնի Դեփը նոր գրքի, նախկին կնոջը ծեծելու ու ավելիի մասին

Աշխարհահռչակ շանսոնյե Շառլ Ազնավուրի ամենահայտնի կատարումները

Սերժ Թանկյանը, Լյուկ Էվանսը, Վենսան Կասելը և ուրիշներ Շառլ Ազնավուրի մահվան մասին

Ես Լարա Առաքելյանն եմ…

Տիգրան Համասյան «Ձոն Գյումրուն»