Արսենն ու «Թղթե երազանքը». [Հարցազրույց] - VNews

Արսենն ու «Թղթե երազանքը». [Հարցազրույց]

13582057 1760972314162920 4660579507265807800 o - Արսենն ու «Թղթե երազանքը». [Հարցազրույց]

Գյումրու Վ. Աճեմյանի անվան դրամատիկական թատրոնի դերասան Արսեն Միքայելյանը մեզ հետ հարցազրույցում պատմում է Գյումրու, Գյումրիում նկարահանված և Գյումրու բարբառով ու համ ու հոտով «Թղթե երազանքի», թատրոնի և իր մասին:

Ինչի՞ մասին է «Թղթե երազանքը»:

Սա մի մոտիվացնող պատմություն է սեփական ուժերին վստահելու և դեպի երազանքներ տանող ճանապարհը ճիշտ պահին որսալու մասին:

 

Արսեն, դու մարմնավորում ես «Թղթե երազանք» սերիալի հերոսին՝ գյումրեցի փոքրիկ Հայկին՝ արդեն մեծ տարիքում. կերպարի և Արսենի միջև ընդհանրություններ կա՞ն:

Հայկը նպատակասլաց ու ինքնավստահ անհատականություն է, որը վստահում է իր ուժերին և սովոր չէ նահանջել դժվարությունների առջև։ Կարծում եմ՝ կյանքի հանդեպ հստակ դիրքորոշումը նրան օգնում է ճշգրիտ որոշումներ կայացնել անվերջանալի ընտրությունների խառնաշփոթում, ինչն ինձ մոտ հաստատ ավելի բարդ է ստացվում։ Որոշակի ընդհանրություններ կան կերպարի հետ, բայց բնավորության հիմնական հատկանիշներով մենք խիստ տարբեր ենք:

 

Քեզ ավելի շատ կհիշեն «Երկնագույն շան աչքերը», «Ոչինչ չի մնա» և այլ թատերական ներկայացումներից. սերիալում նկարահանվելու փորձ կա՞ր, թե սա առաջինն է:

Սերիալներին միշտ անվստահությամբ եմ մոտեցել՝ հաշվի առնելով հեռուստատեսային շուկայում տիրող խառնաշփոթը։ Բայց այս դեպքում թիմը՝ ռեժիսոր Գարրի Զաքարյանի գլխավորությամբ, վստահություն ներշնչեց։ Առաջին հանդիպումից արդեն պարզ էր, որ գործ ունեի լուրջ ու պրոֆեսիոնալ ռեժիսորի հետ, որի հետ աշխատելու պրոցեսն իսկապես ստեղծագործական աշխատանք էր։ Բոլորը ոգևորված էին նախագծով: Սկսած նկարահանող հեռուստաընկերությունից վերջացրաց տեխնիկական հարցերով զբաղվող աշխատակիցներով։ Լիքը սիրուն ու գունավոր հիշողություններ մնացին։ Արժեր:)

 

Եվ, այնուամենայնիվ, թատրոն, թե՞ կինո:

Թատրոն… Բայց կինոն էլ իրեն բնորոշ միստիկան ունի, ինչն ինձ հաստատ հետաքրքրում է:

 

Ո՞րն է «Թղթե երազանքի» առաքելությունը Արսենի կարծիքով:

Նախ այս ժապավենը կստիպի մարդկանց սիրահարվել Գյումրուն։ Հետո այն խոսում է քաղաքի խոցելի խավի խնդիրների ու դժվարությունների մասին, որոնք ցավոք դեռ արմատախիլ չեն եղել քաղաքի կենսագրությունից, և, ի վերջո, այս պատմությունը մարդկանց լավատեսություն ու հավատ կներարկի վաղվա օրվա ու սեփական ներուժի նկատմամբ:

 

Ինչո՞ւ էր կարևոր նկարահանել «Թղթե երազանք» սերիալը:

Այն ուրիշ որակ է բերում հայկական հեռուստատեսային շուկա և սահմանում նոր ու որակյալ չափանիշներ։ Այս հեռուստաֆիլմից սովորելու և ընդօրինակելու շատ բան կա:

 

«Թղթե երազանքն» ի՞նչ տվեց քեզ:

Տվեց շատ շնորհալի ու լավ ընկերներ, իսկ մարդկանց տեսքով ձեռքբերումներն ամենակարևորն են:

 

Իսկ Արսենն ունեցե՞լ է կամ ունի՞ «թղթե երազանք»:

Ոչ:

68546510 116437889707205 5942699054927446016 o 960x523 - Արսենն ու «Թղթե երազանքը». [Հարցազրույց]


Աֆիշա. օգոստոսի 17 – օգոստոսի 22

Աֆիշա. հուլիսի 28 – օգոստոսի 1

Լա Սկալա՝ օպերայի համաշխարհային կենտրոնը

Ինտերակտիվ թատրոն. [զրույց Փոփոխությունների թատրոնի գեղարվեստական ղեկավար Հայկ Սեկոյանի հետ]

Գյումրու դրամատիկականը բացեց իր դռները հանդիսականի առաջ

5 բան, որ պետք է դիտել Մալյան թատրոնում 2021-ին

Գ. Սունդուկյանի անվան ակադեմիական թատրոնում սպասվում են պրեմիերաներ…

Լենի Քրավիցը և Ջեյ Լոն կնկարահանվեն նույն ֆիլմում…

Հեռուստաներկայացում՝ Վանաձորի մայր թատրոնում [պրեմիերա]

Աֆիշա. Ի՞նչ դիտել և լսել այս շաբաթ. փետրվարի 8-14

Վանաձորի մայր թատրոնի նոր նախագիծը. «Թատրոնն էկրանին» [հարցազրույց]

Հայտնի դերասաններ, որոնք թողել են ծխելը

Ինչ տեսք ունեն մեր մանկության ֆիլմերի երեխաները հիմա

10 հայտնի դերասաններ, որոնք հրաժարվել են կուլտային դերերից

Իսահակյանն ու Շուշանիկը [կարոտած սիրահարների հանդիպումն ու ֆայտոնը]

Հեռուստաթատրոնի նոր ձևաչափ Վանաձորի Աբելյանի անվան թատրոնից