Թե ինչպես «Ավե Մարիան» փրկվեց աղբանոցում հայտնվելուց - VNews
    • Մշակույթ Vnews

      Մշակութային նորություններ Հայաստանից և աշխարհից

Թե ինչպես «Ավե Մարիան» փրկվեց աղբանոցում հայտնվելուց

Երաժշտության պատմության մեջ իր ուրույն տեղն ունի Ֆրանց Շուբերտը: Նրա զգալի նշանակության մասին խոսելիս թերևս միայն բավական է նշել, որ հանճարեղ երաժիշտն իր կարճատև կյանքի ընթացքում գրեց 603 երգ, սակայն մյուս 602-ից միանշանակ առանձնանում է մեկը՝ «Ավե Մարիան»:

Ավե Մարիա՜

Շուբերտը ծայրաստիճան խստապահանջ էր իր յուրաքանչյուր ստեղծագործության նկատմամբ: Թեպետ ապրում էր անասելի աղքատության մեջ, և թղթի վրա ստեղծագործելը շատ անգամ նրա համար երանություն էր, սակայն առանց ափսոսալու ոչնչացնում էր իր գրչի տակից դուրս եկած այն ամենը, ինչ իրեն դուր չէր գալիս:

Մի անգամ Շուբերտը, նստած իր գրասեղանի մոտ, իր երգերն էր վերանայում: Այդ րոպեին ընկերները աննկատ ներս են մտնում, լուռ կանգնում նրա թիկունքում, աչքները՝ նոտայագրված մի թերթի, որի անկյունում գրված էր «Ավե Մարիա»: Շուբերտը, տեսնելով ընկերներին, սեղանի վրայից անշտապ վերցնում է թուղթը, ճմռթում այն և գցում աղբարկղը: Դուրս գալու պահին ընկերներից մեկը աղբարկղից աննկատ հանում է ճմռթված թուղթն ու պահում իր մոտ:

Անցնում են օրեր:

Մի կիրակի էլ Շուբերտի ընկերները գալիս են՝ հեղինակին իրենց հետ եկեղեցի տանելու: Հեղինակն անսպասելիորեն զարմանում է, երբ նկատում է կիրակնօրյա պատարագի եկած հոծ բազմությունը: Պատարագի կեսից երաժշտությունը մի պահ ընդհատվում է, և լռության ծովում հանկարծ հնչում է Տիրամորն ուղղված մի հոգեպարար մեղեդի: Ասես մի անհայտ ուժի հրամանով ողջ դահլիճը ոտքի է կանգնում, ձեռքները կրծքներին՝ ունկնդրում աստվածային մեղեդին ու լուռ աղոթք մրմնջում: Շուբերտն ապշած էր. չգիտեր՝ զարմանա՞լ, թե՞ հավատալ գերբնական հրաշքին: Չէ որ դա իր իսկ գրած «Ավե Մարիան» էր, որ ինքն էր իր ձեռքով աղբը նետել:


Եվ միայն տուն վերադառնալիս է պարզվում այդ գաղտնիքը․․․․

Ընկերները, երգի նոտաները հանձնել էին եկեղեցու երգչախմբի ղեկավարին՝ Տիրամորը նվիրված ամենաշքեղ երգը հավիտյան փրկելով կործանումից:

Ցայսօր Շուբերտի «Ավե Մարիան» անմրցելի է Մարիամ Աստվածածնին նվիրված բազում երգերի շարքում:

1828-ի նոյեմբերին Ֆրանց Շուբերտը հիվանդացավ տիֆով: Նա ընդամենը 31 տարեկան էր, բայց արդեն զգում էր մահվան սառը շունչը: Եվ իսկապես. նույն թվականի նոյեմբերի 19-ին Տիրամայր գովերգողը ընդմիշտ փակեց աչքերը՝ այլևս վերևից լսելու իր հանճարեղ «Ավե Մարիան»:

Վիեննայի գերեզմանոցի համեստ մի տապանաքարի վրա գրված է.

      Ֆրանց Շուբերտ     
            (1797-1828)   
            Մահն այստեղ թաղել է մի անգին գանձ,
Եվ որ ավելի ցավալի է՝ գեղեցիկ հույսեր…

 


Միասին Հանուն Երաժշտության

Օրվա մեղեդի

Մի օպերայի պատմություն. հուշագրություն

Tango Nuevo. Աստոր Պիացոլա

Անտոնիո Լուչիո Վիվալդի

Նախորդ ամսվա լավագույն հիթերը

Նախորդ ամսվա լավագույն հիթերը

Մի սիրո պատմություն. Ռեյ Չարլզ և Առլետ Քոչունյան

Ֆրանսիական երկնքի «փոքրիկ ճնճղուկը».

 Գրականությո՞ւն, թե՞ ոչ [Հովհաննես Հովակիմյան]

Վահե Դավթյանն ու հայտնի չկոտրվող «Ճոճանակը»

5 փաստ Զեմֆիրայի հայտնի երգերից, որ գուցե չգիտեք

Մի երգի պատմություն. Հոզիեր՝ “Take Me To Church”

“Про белые розы”. Դիմա Բիլանի նոր տեսահոլովակը տեղափոխում է 90-ականներ

Նոր երգ ու տեսահոլովակ Ամիրյան Միշի և Դավիթ Պարոնիկյանի կողմից

«Արթ Շաբաթ». դասական երաժշտության փառատոն Գյումրիում