fbpx

Լրացուցիչ

Billboard 2018. մրցանակաբաշխության հայլայթները և լավագույն ելույթները

Billboard մրցանակաբաշխությունը տարվա այն մրցանակաբաշխություններից մեկն է, որին ողջ տարի սպասում է երաժշտասեր հասարակության մեծ մասը: Այս տարի սպասումն արդարացված էր, քանի որ հանդիսատեսն ու հեռուստադիտողը կարողացան տեսնել էմոցիոնալ ելույթներ, անսպասելի հյուրեր, հաղթողներ և տարբեր հայլայթներ: Եթե չեք դիտել այս տարվա մրցանակաբաշխությունը, ապա հոգ չէ. ահա 2018թ.-ի Billboard մրցանակաբաշխության լավագույն հայլայթներն ու ելույթները` ամեն ինչ մեկ վայրում:

Հնարամիտ հաղորդավարուհին

Ողջ մրցանակաբաշխությունը վարում էր Քելլի Քլարքսոնը, որը երեկոյի ընբթացքում իրեն հատուկ կատակներ էր անում: Լուրջ թեմաներից խոսելով՝ նա հիշեց վերջերս ամերիկայի դպրոցներից մեկում տեղի ունեցած կրակոցները. «Այլևս հոգնել եմ լռության րոպեներից, եկեք գործենք այդ րոպեներին: Եկեք փոփոխության րոպե ունենաք»: Այնուհետև երգչուհին հանդես եկավ տարբեր երգերի իր քավըրներով, որի ժամանակ կատարեց նաև Քենդրիք Լամարի «Humble»-ը և Թեյլոր Սուիֆթի «Look What You Made Me Do»-ն:

Սպասված վերադարձը

Թեյլոր Սուիֆթը երկու տարվա դադարից հետո վերջապես ներկա գտնվեց որևէ մրցանակաբաշխության: Նա եկել էր տուն տանելու իր երկու Billboard մրցանակները, որ ստացել էր «Լավագույն երգչուհի» և «Ամենաշատ վաճառված ձայնասկավառակ» անվանակարգերում:

https://www.instagram.com/p/BjBnKLanWVc/?hl=en&taken-by=taylorswift

 

Պարել սիրող աստղերը

Արիանա Գրանդեն մեկնարկեց մրցանակաբաշխությունն իր նոր սինգլով՝ “No Tears Left to Cry”-ով, որի ներքո աստղերից շատերը սկսեցին տեղում պարել ու երգել նրա հետ միասին: Այդ աստղերից մեկն էր նաև Կամիլա Կաբելոն:

Ավիչիի հիշատակին

Հոլզին և The Chainsmokers  դուոն հարգեցին Ավիչիի հիշատակը. «Ուզում ենք մի պահ խոսել մեր ընկերոջ՝ Ավիչիի մասին: Նրա մահը մեծ կորուստ էր երաժշտական աշխարհի ու մեզ համար: Նա մի երաժիշտ էր, որը շատերին էր ոգեշնչել: Ավիչին իսկապես մեծ նշանակություն ուներ մեզ ու էլեկտրոնային երաժշտությամբ հետաքրքրվող հասարակության համար»,- ասացին նրանք:

Կանանց հզորության մասին

Քրիստինա Ագիլերան և Դեմի Լովատոն միասին առաջին անգամ կատարեցին իրենց համատեղ նոր երգը՝ «Fall in Line» -ը: Երգը ոգեշնչող մի համագործակցություն է՝ կոչված հիշեցնելու #TimesUp շարժման մասին և խրախուսում է կանանց գտնել իրենց ներքին ուժն ու մնալ այնպիսին, ինչպիսին կան:

Զենքերն անօրինականացնելու մասին

Մեկ այլ էմոցիոնալ ելույթ էր Շոն Մենդեսինը և Քելիդինը: Նրանք կատարում էին իրենց՝ նոր թողարկված «Youth»-ը: Բեմի վրա նրանց միացան նաև Սթոնմեն Դուգլաս ավագ դպրոցի աշակերտները, որոնց հետ միասին կատարած ելույթը երգիչները նվիրեցին այն մարդկանց, որոնք կորցրել են իրենց սիրելիներին կրակոցների պատճառով:

«Անպատասխանատու» հայրը

Ջոն Լեջնդը Billboard-ին եկել էր կատարելու իր նոր հիթը՝ «A Good Night»-ը և Քրիսի Թեյգենը՝ նրա կինը, անտարբեր չմնաց, երբ ամուսնուն տեսավ հեռուստատեսությամբ: «Նոր չե՞ս երեխա ունեցել: Գնա ու խնամիր նրան: Զզվելի է». գրել էր մոդելն իրեն հատուկ հումորով, որի մեջ միշտ մի փոքր ճշմարտություն է դնում:

Կորեան ԱՄՆ-ում

Արդեն երկրորդ անգամ հարավկորեական հայտնի BTS խումբը մասնակցեց այս մրցանակաբաշխությանը: Առաջին անգամ նրանք ներկա էին 2017թ.-ին, երբ հաղթեցին նաև «Սոց ցանցերի թոփ աստղ» անվանակարգում: Այս տարի նրանք նույնպես արժանացան այդ մրցանակին, սակայն ի տարբերություն նախորդ տարվա, նրանք նաև ելույթ ունեցան՝ ներկայացնելով իրենց նոր սինգլը՝ «Fake Love»-ը: Նրանց ելույթը ներկայացրեց Քելլի Քլարքսոնը, որն իր հետ այդ պահին բեմ էր բարձրացրել հաստ վարդագույն ականջակալներ՝ խմբի երկրպագուների բանակի ճիչերը չլսելու համար: Ի դեպ BTS-ի ելույթը միակն էր, որ հանդիսատեսը չկարողացավ լսել իրենց իսկ ճիչերի պատճառով:

Օրվա լավագույն լուսանկարը

Եվ ամենավերջում՝ մրցանակաբաշխությունից հետո Թեյլոր Սուիֆթը նոր լուսանկար տեղադրեց ինստագրամում: Նա նկարվել էր BTS խմբի տղաների հետ: Ե՛վ խմբի, և՛ Սուիֆթի երկրպագուների հսկայական բանակի շնորհիվ, նկարը Instagram-ում արդեն հավաքել է 2մլն-ից ավելի հավանություն: Իսկ շատ կայքեր այն անվանեցին երեկոյից ստացված լավագույն նկարը, որը պայթեցրեց համացանցը:

https://www.instagram.com/p/BjBR-DmnPjc/?hl=en&taken-by=taylorswift


Teen Choice Awards 2018. Լավագույն լուքերն ու մրցանակակիրները

Հոլզին Սեուլից նոր լուսանկար է հրապարակել BTS-ի տղաների հետ

Քելվին Հարիսը աշխարհի ամենաբարձր վարձատրվող դիջեյն է

Երաժշտական ամփոփում. Հուլիսի լավագույն նորույթները

Դրեյքի «In My Feelings» challenge-ը ցնցել է համացանցը

Հայտնի են MTV երաժշտական տեսահոլովակների մրցանակաբաշխության անվանակարգերում առաջադրված աստղերը

Երգացանկ. Կորեական փոփ երաժշտություն

Հուլիսը՝ պաղպաղակի ամիս. 27 հայտնիներ, որոնք պաղպաղակ են համտեսում

Ադելն ու «Հարի Փոթերի» հեղինակ Ջոան Ռոուլինգը գնացել են Թեյլոր Սուիֆթի մենահամերգին

Աստղային սելֆիներ, որ պայթեցրել են համացանցը

Երգացանկ ամռան համար

Maroon 5-ի նոր տեսահոլովակը լի է հայտնի աստղերով

Հայտնի է Billboard-2018 մրցանակաբաշխության հաղթողների անունները

BTS-ի նոր սինգլը 38 րոպեում 1.000.000 հավանություն է հավաքել

Նկարչուհին հայտնի մարդկանց դարձնում է մուլտֆիլմի հերոսներ

DJ Ավիչիի ընկերուհին հուզիչ նամակ է գրել նրան