Դիտել մարտին կինոթատրոնում [մաս 1] - VNews
    • Մշակույթ Vnews

      Մշակութային նորություններ Հայաստանից և աշխարհից

Դիտել մարտին կինոթատրոնում [մաս 1]

Կինոսերները ցնծում եմ, քանի որ տարին խոստանում է լավ և որակյալ  ֆիլմերով հարուստ լինել:

Առաջարկում ենք ծանոթանալ մարտ ամսին ցուցադրվող ֆիլմերից մի քանիսին:

 

Կապիտան Մարվել/Капитан Марвел/Captain Marvel

ռեժ.՝Աննա Բոդեն, Ռայան Ֆլեկ

դերերում՝ Ջեմմա Չան, Բրի Լարսոն, Ջուդ Լոու

Ֆիլմի իրադարձությունները հանդիսատեսին տեղափոխում են 90-ականներ: Երկիր մոլորակը վտանգված է, վերջինս բախվել է այլ մոլորակի և նոր մոլորակի բնակիչները լուրջ սպառնալիք են մարդկությանը. այս երկու մոլորակների բնակիչները պետք է պայքարեն միմյանց դեմ: Զինված ուժերի օդաչու Քերոլ Դենվերսը գերբնական ուժ է ձեռք բերում և ավելի ու ավելի է զարգացնում այդ ուժը. այժմ Քերոլն անձեռնմխելի է: Քերոլը մարդկության միակ հույսն է…

Ֆիլմը մարտի 7-ից կարող եք դիտել մեծ էկրանին:

Հարբած ծնողներ/Родители лёгкого поведения/Drunk Parents

ռեժ.՝Ֆրեդ Վուլֆ
դերերում՝ Ալեք Բոլդուին, Սալմա Հայեկ ևն

Ֆիլմի կենտրոնում ամուսնական մի զույգ է: Այս երկուսը լուրջ ֆինանսական խնդիրներ ունեն, և պատրաստ են ամեն ինչի, որ հետ բերեն իրենց երբեմնի կայունությունը: Ֆրենկը և Նենսին վստահ են, որ նպատակն արդարացնում է միջոցները, ուստի նրանք գործի են անցնում: Այս երկուսն անգամ անծանոթների բնակարաններ են վարձակալության տալիս, և այս խարդախություններն այնպիսի հեշտությամբ և առանց խղճի խայթ զգալու են անում, ասես ոչինչ էլ չի եղել: Յուրաքանչյուր հաջողված խարդախություն հարբելու նոր առիթ է:

Ֆիլմը մարտի 7-ից կարող եք դիտել մեծ էկրանին:

Կուրսկ/Курск/Kursk

ռեժ.՝Թոմաս Վինթերբերգ
դերերում՝Լեա Սեյդու, Քոլին Ֆըրթ ևն

Ֆիլմի հիմքում իրական դեպքեր են: Այն մեզ է պատմում 2000 թ. ռուսական «Կուրսկ» սուզանավի պատմությունը: Ֆիլմի հիմքում Ռոբերտ Մուրի «Մեռնելու ժամանակն է» գիրքն է, և ինչպես գիրքը ֆիլմը նույնպես հակված է այն տարբերակին, համաձայն որի սուզանավում պայթյուն է տեղի ունեցել, որի արդյունքում հրդեհ է բռնկվել, իսկ երկրորդ պայթյունն առաջացել է, երբ սուզանավը հասել է ծովի հատակին:

Շատերը վստահ են, որ անձնակազմի մի մասը հնարավոր կլիներ փրկել, եթե ռուսները թույլ տային բրիտանական և նորվեգական նավերին ավելի շուտ սկսել իրենց փրկարարական աշխատանքները:

Ֆիլմը մարտի 14-ից կարող եք դիտել մեծ էկրանին:

Երեխա, որը դառնալու է թագավոր/Рождённый стать королем/The Kid Who Would Be King

ռեժ.՝Ջո Քորնիշ
դերերում՝Դենիս Գոֆ, Լուիս Էշբորն Սերքիս ևն 

Ֆիլմի իրադարձությունները ծավալվում են 12-ամյա Ալեքսի շուրջ: Տղայի հանգիստ կյանքին վերջ է դրվում այն պահին, երբ ի զարմանս իրեն նա հայտնաբերում է Էսկալիբուր թուրը, որը ժամանակին պատկանել է Արթուր թագավորին: Անհաջողակ տղան պատկերացում էլ չունի, թե ինչ պետք է անի այդ թրեվ և թե ինչ լուրջ իրավիճակում է հայտնվել: Հետադարձ ճանապարհ չկա և Ալեքսն ընկերների հետ պետք է պայքարի չար հրաշագործ Մորգանայի դեմ, որը լուրջ սպառնալիք է երկրի համար:

Ֆիլմը մարտի 14-ից կարող եք դիտել մեծ էկրանին:

Ոչնչացնողը/Время возмездия/Destroyer

ռեժ.՝Քերին Կուսամա
դերերում՝ Նիկոլ Քիդման, Թոբի Քեբել ևն

Ֆիլմը ցուցադրվել է Տորոնտոյի կինոփառատոնում, իսկ Նիկոլ Քիդմանն արդեն հասցրել է նոմինացվել «Ոսկե Գլոբուսի»՝ «Լավագույն դերասանուհի» անվանակարգում:

Գլխավոր հերոսուհին, որին մարմնավորում է Քիդմանը, փխրուն և շատ գեղեցիկ Էրինն է, որը դառնում է լոսանջելեսյան հանցագործ միավորման անդամ: Հենց այստեղ Էրինը սիրահարվում է գործընկերներից մեկին, սակայն, այստեղ են ասել. «Այն ինչ ունի սկիզբ, ունի նաև ավարտ»…
Հերթական հանձնարարության ժամանակ խնդիրներ են առաջ գալիս, որոնք մեկընդմիշտ փոխում են Էրինի կյանքը: Տարիներ են անցնում, բայց անցյալից, ինչպես ասում են, չես փախչի. այն նորից վերադառնում է, և այս անգամ Էրինը չունի ընտրության ոչ մի հնարավորություն՝ նա կլինի դաժան, շատ դաժան:

Ֆիլմը մարտի 14-ից կարող եք դիտել մեծ էկրանին:

 

Հրաշքների այգի/Волшебный парк Джун/Wonder Park

ռեժ.՝Ջոշ Ապելբաում ևն
դերերում՝ Բրիանա Դենսկի, Ջենիֆեր Գարներ ևն

Փոքրիկ Ջունը հավատում է երազների և ապրում է մտացածին աշխարհում: Օրերից մի օր Ջունը հասկանում է, որ իր կողմից հորինված զվարճանքի Այգին իրականում գոյություն ունի և դրան լուրջ վտանգ է սպառնում: Ջունն ամեն ինչի պատրաստ է, որ փրկի իր երազանքների այգին և այս հարցում նրան օգնության են գալիս Այգու բնակիչները՝ բարի և անվախ կենդանիները:

Մուլտֆիլմը մարտի 21-ից կարող եք դիտել մեծ էկրանին:

Շարունակելի…

Ցանկը տրամադրել է Cinema Star-ը


#BlackLivesMatter. 5 ֆիլմ ռասիզմի մասին

Հպարտանալու առիթ. հայ ռեժիսորի ֆիլմն՝ Կաննի կինոփառատոնում

Ալմոդովարից բացի. իսպանական կինոյի ևս 5 կարևորագույն ֆիլմ

Ինչ դիտել, երբ սիրտդ ուզում է ճամփորդել. «Ճամփեզրերին»

Լավ ֆիլմեր, որոնց մասին ոչ ոք չի խոսում. բրիտանական «Վերա Դրեյքը»

Կինոքննադատները խորհուրդ են տալիս. [Ամստերդամից Կեյս Դրիսենը]

Ալմոդովարից բացի. իսպանական կինոյի կարևորագույն 5 ֆիլմ

Լավ ֆիլմեր, որոնց մասին ոչ ոք չի խոսում. ֆրանսիական «Խնամակալությունը»

Կինոքննադատները խորհուրդ են տալիս. [Ցյուրիխից բրազիլացի Ումբերտո Մուրեյրան]

Հին դրամապանակում մաշված թղթի կտորի վրա 20 տարի ապրած ֆիլմացանկ

Ինչ դիտել տանը. ֆրանսիական «Նոր ալիքի» դասական Անյես Վարդայի կարճամետրաժ ֆիլմը

Իլյա Խրժանովսկու «Դաու» մեգամասշտաբային նախագիծը ապրիլին հասանելի կլինի համացանցում

Կարանտինային նորաձևություն. ռետրո պենյուարներից մինչև պինգվիններով պիժամա

Քվենտին Տարանտինոն սկսել է ակտիվ զբաղվել ֆիլմերի գրախոսականներ գրելով

Լավ ֆիլմեր, որոնց մասին ոչ ոք չի խոսում. «Վերջին դիմանկար»

Ռեժիսոր Թիմուր Բեքմամբեթովը կստեղծի ֆիլմ՝ կարանտինի մեջ գտնվող մարդկանց մասին