Դիտել մայիսին կինոթատրոնում - VNews

Դիտել մայիսին կինոթատրոնում

.jpg - Դիտել մայիսին կինոթատրոնում

Առաջարկում ենք ծանոթանալ մայիսին Սինեմա Սթարում ցուցադրվող ֆիլմերի ցանկին:

Նրանց բաժանում է հինգ քայլ/В метре друг от друга/Five Feet Apart

ռեժ.՝ Ջասթին Բալդոնի
դերերում՝Հեյլի Լու Ռիչարդսոն, Քոուլ Սփրոուս ևն

Ֆիլմ անկեղծ զգացմունքների և դրանց ուժի մասին: Ֆիլմի հերոսներ Սթելլան և Ուիլը միևնույն հիվանդությամբ են տառապում և նրանց հակացուցված է դիպչել միմյանց, քանի որ վարակվելու դեպքում նրանց վիճակը կվատթարանա: Նրանց միջև հեռավորություն է, սակայն իրական սերը չունի ոչ մի սահման և իրական զգացմունքները դժվար է փակի տակ պահել, այնպես չէ՞:

Ֆիլմը մայիսի 1-ից կարող եք դիտել մեծ էկրանին:

Անհույս խաբեբաները/Отпетые мошенницы/The Hustle

ռեժ.՝Քրիս Էդիսոն
դերերում՝ Էն Հեթուեյ, Ռեբել Ուիլսոն ևն

Ֆիլմի հերոսուհիների համար չկա ավելի կարևոր բան, քան փորձառու խաբեբա դառնալն է, և նրանք ոչ մի վայրկյան չեն կասկածում սեփական կարողությունների վրա: Նրանք գեղեցիկ են, ինքնավստահ, սեքսուալ և բացի դրանից կարող են շատ արտիստիկ արտասվել, իսկ տղամարդիկ, որպես կանոն, չեն կարող անտարբեր անցնել կանացի արցունքների կողքով:

Ֆիլմը մայիսի 9-ից կարող եք դիտել մեծ էկրանին:

Մումբայ հյուրանոց. Դիմակայություն/Отель Мумбаи: Противостояние/Hotel Mumbai

ռեժ.՝Էնթոնի Մարաս
դերերում՝Արմի Համեր, Դև Պատել ևն

Իրական դեպքերի հիման վրա էկրանավորված այս ֆիլմը պատմում է Հնդկաստանի ամենախոշոր քաղաքներից մեկում՝ Մումբայում 2008 թ. տեղի ունեցած ահաբեկչությունների մասին: Ֆիլմի գործողությունները տեղի են ունենում մի շատ շքեղ հյուրանոցում, որտեղ շատ շուտով խառնակություններ են կատարվում: Կյանքի և մահվան պայքարը տևում է երեք օր, և այս երեք օրվա ընթացքում հերոսներն իսկական մղձավանջի միջով են անցնում:

Ֆիլմը մայիսի 9-ից կարող եք դիտել մեծ էկրանին:

Եղբայրություն/Братство

ռեժ.՝ Պավել Լունգին
դերերում՝Կիրիլ Պիրոգով, Յան Ցապնիկ ևն 

Ֆիլմի իրադարձությունները հանդիսատեսին տեղափոխում են 1988 թ., երբ խորհրդային զերքերը դուրս են բերվում Աֆղանստանից և գործողությունների համար ընտրվում է Սալանգ լեռնանցքը, սակայն իրավիճակը բարդանում է, երբ աֆղանները գերի են վերցնում ռազմական օդաչուներից մեկին: Թվում էր, թե հակառակորդները կարող են վերջ դնել այդ քաոսին, բայց արի ու տես որ իրավիճակը նորից սրվում է:
Զինվորների համար, սակայն չկա ավելի կարևոր բան քան միմյանց օգնելն ու թիկունքին կանգնելն է:

Ֆիլմը մայիսի 10-ից կարող եք դիտել մեծ էկրանին:

Ջոն Ուիք 3/ Джон Уик 3/John Wick: Chapter 3 – Parabellum

ռեժ.՝Չադ Ստահելսկի
դերերում՝ Կիանու Ռիվզ, Ասիա Դիլոն ևն

Ինչպես նախորդ երկու Ֆիլմերում, այս մեկում էլ իրադարձությունները զարգանում են Ջոն Ուիքի շուրջ, սակայն այս անգամ Ջոնը լուրջ խնդիրներ ունի և նրա համար 14 000 000 դոլարի փոխհատուցում է նշանակված: Ո՞վ կհրաժարվի նման առաջարկից: Իսկական գիտակներ անգութ մարդասպանները գործի են անցնում:

Ջոնը ստիպված է լինելու լուրջ փորձությունների միջով անցնել:

Ֆիլմը մայիսի 16-ից կարող եք դիտել մեծ էկրանին:

1 2

Օդեսայի միջազգային կինոփառատոն. Հայաստանը՝ ժյուրիի կազմում ու Կաննի մեծ ֆիլմերը

Ի՞նչ դիտել տանը. Ինգմար Բերգմանի ամենաթեթև, ջերմ ու դյութիչ ֆիլմերից՝ «Ամառը Մոնիկայի հետ»

Ի՞նչ դիտել տանը. 80-ականների իտալական ամառ տեղափոխող «Կանչիր ինձ քո անունով» մելոդրաման

Ի՞նչ դիտել տանը. փայլուն դերասանական կազմով ու բրիտանա-իտալական էսթետիկայով օսկարակիր «Տեսարանով սենյակը»

Ի՞նչ դիտել տանը. Ալֆոնսո Կուարոնի «Քո մայրիկին նույնպես» զգացմունքային րոուդ-մուվին

Ի՞նչ դիտել տանը. ամառային մթնոլորտով ֆիլմեր, որոնք դուք հնարավոր է դեռ չեք տեսել

Կինո՝ կյանքի հիմքով. «Պատանդները»

Ի՞նչ ֆիլմեր են ստեղծվում Հայաստանում կամ ինչպես կինոքննադատ Րաֆֆի Մովսիսյանը նկարեց իր առաջին ֆիլմը

10 ամենաթանկ ֆիլմերը

Ինչ դիտել տանը. եռակի օսկարակիր Ֆրենսիս ՄքԴորմանդի ֆիլմերից, որոնք գուցե չեք տեսել

Մայիսին թողարկվելիք 10 լավագույն ֆիլմերը՝ ըստ BBC-ի

Օսկար 2021. քոչվորների տրիումֆը

BAFTA 2021. առաջին օրվա հաղթողները

5 ֆիլմ + 5 գիրք [Արեն Մալաքյան]

Ինչու՞ է Ռեգե Ժան֊Փեյջը հեռացել «Bridgerton»-ից

Առաջիկա շաբաթվա կինոպրեմիերաները