Դուբայ. ուր գնալ ու ինչ անել - VNews
    • Մշակույթ Vnews

      Մշակութային նորություններ Հայաստանից և աշխարհից

Դուբայ. ուր գնալ ու ինչ անել

Ամառը մոտ է, դե իսկ այն շատերի համար ժամանում է նոր արկածների ձեռքը բռնած: Իսկ որտե՞ղ է հայերի մեծ մասը փնտրում այդ արկածները. դե իհարկե Դուբայում՝ մի քաղաք, որն ընդամենը մի քանի տարվա ընթացքում կարողացավ դառնալ աշխարհի ամենագեղեցիկ ու հայտնի կետերից մեկը: Այստեղ շատերս արդեն հասցրել ենք լինել, սակայն հնարավոր է՝ բաց ենք թողել մի շարք հետաքրքիր վայրեր, որոնք մեր հանգիստն ավելի արդյունավետ ու հետաքրքիր կդարձնեին: Հետագա ճանապարհորդությունների ժամանակ Դուբայի գեղեցիկ վայրերը բաց չթողնելու համար առաջարկում ենք այսօր միասին ուղևորվել այնտեղ՝ հենց այս հադվածի օգնությամբ:

Դե՛ ի՞նչ, գնա՞նք Դուբայ:

Գնա՛նք:

Բուրջ Խալիֆա

Դուբայի խորհրդանիշ դարձած կառույցը՝ Բուրջ Խալիֆան, մեր առաջին կանգառն է: 828 մետր բարձրությամբ այն աշխարհի ամենաբարձրահարկ շենքն է համարվում: Շենքի 124-րդ հարկում գտնվող դիտորդական տախտակամածում կարող ես տեսնել քաղաքի ողջ համայնապատկերը:

Ներքևում՝ հսկա շինության կողքին, կգտնես գեղեցիկ ձևավորում ունեցող այգիներ և ծառուղիներ, ինչպես նաև շատրվաններ: Հենց այստեղ են գտնվում աշխարհի ամենաբարձր շատրվանները՝ Դուբայի շատրվանները, որոնց «պարն» ուղղակի տեսնել է պետք:

Դուբայ մոլ

Դուբայի մոլը աշխարհի ամենամեծ մոլն է, որտեղ կարող ես գտնել նաև Դուբայի ակվարիումը, խաղերի հրապարակը, մի շարք կինոթատրոններ, ուտելիքի կետեր, սրճարաններ և սառցադաշտ: Այստեղ միշտ միջոցառումներ են լինում՝ համերգներ, նորաձևության ցուցադրություններ և այլն: Դուբայի ակվարիումում կկարողանաս տեսնել 140-ից ավելի ջրային կենդանատեսակեր, որոնք երազի պես կլողան քո գլխավերևում:

Սաֆարի անապատ

Այստեղ տանող տուրերը սկսում են կեսօրից և լավ հիշողությունների աղբյուր կարող են հանդիսանալ քո ու մտերիմներիդ համար: Տուրի ընթացքում մի քանի կետում կկարողանաս կանգ առնել, լուսանկարվել անապատում, տեսնել ուղտերի քարավանը, այնուհետև վայելել չքնաղ մայրամուտը: 

Հին Դուբայ՝ Ալ Բաստակիա

Ֆահիդի պատմական թաղամասը, հայտնի նաև որպես Ալ Բաստակիա, հին ու ավերված քաղաք է, որը մշակույթի սիրահարներին մտովի կտեղափոխի անցյալ՝ դեպի Հին Դուբայ:  Դուբայի հին տները, կտուրները և այլ հնությունները կօգնեն գնահատել գեղեցիկը: Թաղամասում կան նաև բազմաթիվ թանգարաններ, որոնք կարող ես հերթով այցելել:

Դուբայի հրաշքների այգի

Այստեղ ամեն բան ծաղիկներից է՝ ինքնաթիռները, տները, կենդանիները, դղյակները, մարդիկ, սրտերը: Բնական ծաղիկների այս այգին ամենամեծն է աշխարհում և իր այցելուներին ստիպում է հավատալ, որ հրաշքներ իսկապես գոյություն ունեն: Այստեղ գալով՝ թվում է, որ գտնվում ես քո ամենասիրելի հեքիաթների աշխարհում:

Բոլիվուդի այգի

Եթե հնդկական մշակույթի և Բոլիվուդի երկրպագու ես, ապա այս վայրը քեզ համար է: Հնդկական ոճի սրճարաններ, համերգներ, զվարճանքներ, ատրակցիոններ և ավելին կարող ես գտնել Դուբայի Բոլիվուդի այգում: Սա աշխարհի ամենաառաջին հնդկական թեմատիկայով այգին է, որը, ի զարմանս բոլորի, միշտ լի է լինում մարդկանցով:

 

Ալսերկալ արվեստի թաղամաս

Թաղամասը Դուբայի «ամենաարվեստոտ» մասերից մեկն է: Ժամանակակից արվեստն այստեղ ուղղակի ծաղկում է ապրում: Ալսերկալում ներկայացված են ինչպես հայտնի ժամանակակից արվեստագետների, այնպես էլ սկսնակների աշխատանքները: Թաղամասը նաև տուն է նորաձևության բազմաթիվ սրահների, փոփ-ափ սրճարանների ու աշխարհի ողջ երիտասարդության համար:


Ամենահին քաղաքները, որոնք կան մինչ օրս…

Գնա՞նք Գյումրի…

Փաստեր Հրազդանի մասին…

Քրիստիանիա. ազատության քաղաք

Հետաքրքիր փաստեր Աբովյանի մասին

Էջմիածին. 10 փաստ քաղաքի մասին

10 փաստ Գորիսի մասին…

10 հետաքրքիր փաստ Դիլիջանի մասին…

10+1 փաստ Իջևանի մասին, որ գուցե չգիտեք

10 փաստ Կապանի մասին, որ գուցե չգիտեք

10 փաստ Ստեփանակերտի մասին, որ գուցե չգիտեք

Մշակութային Երևան. թատրոն

Դուբայում ստորջրյա թենիսի խաղադաշտ կկառուցվի

10 բան, որ գուցե չգիտես Լոս Անջելեսի մասին

Բաթումի. ուր գնալ ու ինչ անել

5 հայտնի #ԳրքաՍրճարան, որ պետք է այցելել [աշխարհ]