- Մշակույթ Vnews
  
  Մշակութային նորություններ Հայաստանից և աշխարհից
- - Facebook
  - Youtube
  - Twitter
- 6
  
  Հլս, 20
  Հուլիսի 2020
  
  Երկ Երք Չրք Հնգ Ուր Շբթ Կիր
  
  « Հնս
  
  1 2 3 4 5
  
  6 7 8 9 10 11 12
  
  13 14 15 16 17 18 19
  
  20 21 22 23 24 25 26
  
  27 28 29 30 31

Հուլիսի 2020
Երկ	Երք	Չրք	Հնգ	Ուր	Շբթ	Կիր
« Հնս
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Ուրբաթ, 16 Փետրվարի, 2018 | Մշակույթ » Արվեստանոց » Էնդի Ուորհոլն ասում է…

Էնդի Ուորհոլն ասում է…

2258
Հեղինակ՝ Մարիամ Սուքիասյան

Լուսանկարները վկայում են այն մասին, թե որտեղ եմ ես եղել ժամանակի այս կամ այն պահին: Այդ իսկ պատճառով էլ ես շատ եմ լուսանկարում. լուսանկարներն ինձ համար վիզուալ օրագրի նման մի բան են:

Լուսանկարի մեջ ինձ ամենաշատը դուր է գալիս այն, որ եթե նույնիսկ դրանում պատկերված մարդիկ փոխվեն, այն միևնույն է կմնա անփոփոխ:

Ձանձրալի է նայել, թե ինչպես են մարդիկ միավորվում և խմբեր ստեղծում: Հասկացե՛ք վերջապես, որ ձեր յուրահատկությունները զարգացնելու համար պետք է միայնակ մնաք. միայն դա կհետաքրքրեցնի ձեր անձը:

Ամեն ինչում էլ գեղեցկություն կա. խնդիրն այն է, որ ոչ բոլորին է դա հասանելի:

Կարծում եմ՝ մարդիկ պետք է աչքերը փակ սիրահարվեն:

Բիզնեսից գլուխ հանելը, ըստ իս, արվեստի լավագույն տեսակներից է: Փող ստեղծելն ու աշխատելը արվեստ է, և լավ բիզնեսն էլ, իհա՛րկե, արվեստ է:

Ինչ-որ բանի սպասելն էլ ավելի է գեղեցկացնում սպասողական շրջանը:

Արվեստի գեղեցկությունը հենց նրանում է, որ դու կարող ես փախչել դրա հետ:

Յուրքանչյուր ոք սխալ մարդու է համբույր նվիրում, ի՞նչ արած:

Աչքերո՛վդ համբուրիր ինձ, խնդրում եմ:

Ինձ դուր է գալիս լինել ճիշտ մարդ սխալ վայրում և սխալ մարդ ճիշտ վայրում: Սա միշտ լավ է, քանի որ այս դեպքերում վստահաբար ինչ-որ հետաքրքիր բան տեղի կունենա:

Ես կարծում եմ, որ յուրաքանչյուր ոք կարող է լավ լուսանկարել: Լավ լուսանկարի մասին իմ պատկերացումն այն է, որ նկարը պետք է լինի ճիշտ դիրքում և պատկերի որևէ հայտնի մարդու՝ անհայտ և տարօրինակ բան անելիս:

Հիրավի՛, ես ապրում եմ միայն հանուն ապագայի. նույնիսկ մի տուփ շոկոլադ ուտելիս ես միշտ սպասում եմ հաջորդ կտորին:

Պատահաբար ես որևէ բան կոտրեցի, իսկ այնուհետև գիտակցեցի, որ շաբաթական գոնե մեկ անգամ պետք է որևէ բան կոտրեմ, որ երբե՛ք, երբե՛ք չմոռանամ, թե ինչքան փխրուն է այս կյանքը:

Ես զբաղվում եմ արվեստով, քանի որ ես տգեղ եմ և ոչ մի այլ բանով չեմ կարող զբաղվել:

60-ականներին մարդիկ մոռացել էին էմոցիաների մասին, և անկեղծ ասած ես հակված եմ այն կարծիքին, որ նրանք երբեք էլ չեն գիտակցել դրանց կարևորությունը: Ես կարծում եմ, որ երբ զգացմունքներն ինչ-որ տեսանկյունից ենք դիտարկում՝ այլևս երբեք մեզ չի հաջողվի դրանց լուրջ վերաբերվել: Քիչ թե շատ հենց այսպիսի մի բան տեղի ունեցավ ինձ հետ: Ես համոզված չեմ, թե արդյոք երբևէ սիրո համար պիտանի եղել եմ, թե ոչ, բայց 60-ականներից հետո ես դադարել եմ սիրո մասին մտածել:

Ծնվելն առևանգվելու պես մի բան է և այնպիսի տպավորություն է, որ առևանգելուց հետո քեզ ստրկացնում են: Մարդիկ ամեն րոպե աշխատում են. մեխանիզմն անընդմեջ գործում է՝ անգամ եթե դու քնած ես:

Ամենագրավիչ բանն իրար երբեք չհատվող երկու հակադրություններն են:

Ես շատ հանդիպումներ ոնեի, բայց որոշեցի մնալ տանն ու ներկել հոնքերս, և գիտեք, ինձ միևնույն է:

Լրագրողը պետք է ինձ հուշի այն ամենը, ինչ ցանկանում է լսել ինձանից, և ես ուղղակի կկրկնեմ դա: Կարծում եմ դա շատ շահավետ կլինի, քանի որ այս պահին ես շատ դատարկ եմ, որ ինքնուրույն մտածեմ:

Քանի որ մարդիկ ապրելու և ծերանալու են դեռ երկար-երկար տարիներ, կարծում եմ, նրանք գոնե պետք է սովորեն ինչքան հնարավոր է երկար մնալ երեխաներ:

Սեքսը բոլոր ժամանակների ամենամեծ ոչնչությունն է:

Բոլոր լուսանկարներն էլ փոփ են, և բոլոր լուսանկարիչներն էլ խելագար են: Նրանք իրենց մեղավոր են զգում, քանի որ բացի կոճակը սեղմելուց ոչ մի բան չեն անում:

Արթնանալուց հետո ես ընդամենը մի քանի վայրկյան եմ հիշում երազներս: Ասեմ ձեզ, դա շատ է ինձ մտահոգում, քանի որ երբեմն ինձ թվում է, թե շատ հետաքրքիր ֆիլմ եմ դիտում:

Անիրական սերը իրականից շատ ավելի լավ է:

Բոլոր մարդիկ էլ խնդիրներ ունեն: Երբ մտածում ես, որ առողջությունն ամենամեծ հարստությունն է, այնքան շնորհակալ ես լինում կյանքից, որ առողջ ես, այդպես չէ՞:

Ես կարծում էի, որ երիտասարդներն ավելի շատ խնդիրներ ունեն, քան մեծահասակները: Հետո գիտակցեցի, որ յուրաքանչյուր ոք իր տարիքին համապատասխան խնդիրներ ունի:

Ժամանակ առ ժամանակ ինձ մեղադրում են չար և անսիրտ լինելու մեջ, քանզի ես թույլ եմ տալիս մարդկանց ոչնչացնել իրենց, քանի դեռ ես նկարում կամ նկարահանում եմ նրանց: Բայց ես ինձ չար չեմ համարում, ես ուղղակի իրատես եմ:

Սպանության փորձից հետո ինձ համար ամեն ինչ ասես երազում լինի: Ես չեմ հասկանում, ողջ եմ, թե՝ մահացած: Նախկինում ես վախ չեմ զգացել և մեկ անգամ արդեն «մահացած» լինելով, ես պետք է սարսափ չզգամ, բայց ես ուղղակի վախենում եմ, և անկեղծ ասած չգիտեմ, թե ինչու:

Կարդացեք նաև՝