Պահպանված նյութեր
Ոչ մի ընտրված նյութ չի գտնվելՆախընտրելի թեմաներ
- Պահպանված 0
- Նախընտրելի
Ես Էդգար Կոստանդյանն եմ…
Երբ ես 18 տարեկան էի… կյանքումս արդեն ահագին կարևոր բաներ էին կատարվել:
Գրել սկսեցի, որովհետև… իմ սերնդի մասին գրականություն էի ուզում:
Ես գրում եմ միայն այն բաների մասին… ինչից խելքս հասնում է:
Խոսակցականն ու գրականը… կարող են հիանալի զուգակցվել թե՜ առօրյայում, թե՜ գրականության մեջ, միայն թե կապը ճիշտ ու չափի մեջ լինի:
Լավ գրելու համար պետք է… իմանալ ոչ միայն` ինչ է պետք գրել, այլև` ինչ չպետք է գրել:
Որպեսզի… իմանաս` ինչ չպետք է գրես, պիտի անընդհատ կարդաս:
Երևանը… սովորական քաղաք է:
Լեզվական հեղափոխություն հնարավոր է, եթե… փակվի լեզվի տեսչությունը:
Պարզվում է… լեզվի տեսչությունը փակվելու միտք չունի:
Հայերը զարմանալի հատկանիշ ունեն, որի մասին չգիտեի… օրը մեջ մի նոր հատկանիշ է բացահայտվում:
Սա գրականության զարթոնքի… ժամանակ չէ:
Իրականությունը գրականություն դարձնելը… ամեն մարդու բան չէ: Եթե մի բան սխալ անես, գրականությունը կվերածվի ժուռնալիստիկայի:
Բայցևայնպես… լավ կլինի` գրականությունը չվերածենք ժուռնալիստիկայի:
Ես սիրում եմ այն կանանց… ովքեր մասնագիտություն ունեն:
Ես սիրում եմ այն գրականությունը… որն արհեստականորեն բարդացրած չէ ավելի լուրջ ու ծանրակշիռ թվալու համար:
Ես սիրում եմ այն կինոն… որը քսաներորդ դարում է ստեղծվել:
Թեպետ… քսանմեկերորդ դարում էլ են երբեմն լավ ֆիլմեր ստեղծվում:
Զգացմունքները գնում են, գալիս են… ես գրող եմ, ոնց ուզեմ, էդպես էլ կլինի: )
Որոշել եմ այս տարի… վերջապես հրատարակել պատմվածքներիս ժողովածուն, վերջին հազարամյակում ամեն տարի որոշում եմ:
Ես մարդկանց մութ կողմերի մասին ավելի շատ գիտեմ, քան… իրենք իմ մութ կողմերի մասին:
Բայց Գուցե… լրիվ հակառակն է:
Սոցցանցերում կյանքը… անկառավարելի է:
Լինում են պահեր, երբ… ամեն տեսակի պահեր էլ լինում են:
Ամենատխուրի մասին պատմելը… երբեմն կենսական անհրաժեշտություն է, միակ միջոցը, որ ինֆարկտից չսատկես:
Այնուամենայնիվ… ապրել է պետք:
Ես Էդգար Կոստանդյանն եմ, ես… Սիլվա Կապուտիկյանը չեմ:
Զրուցեց Շուշան Կարապետյանը
Կարդացեք նաև՝
Ես Սրբուկն եմ…
Ես Ալեքսանդր Լապշինն եմ…
Ես Անահիտ Կիրակոսյանն եմ…
Ես Սամվել Թոփալյանն եմ
Ես Կարեն Անտաշյանն եմ…
Ես Անրի Գրիգորյանն եմ…
Ես Modern Talking-ի Թոմաս Անդերսն եմ…
Ես Արքմենիկ Նիկողոսյանն եմ…
Ես Հայկոն եմ…
Ես Մաշա Մնջոյանն եմ…
Ես Բաբկեն Չոբանյանն եմ…
Ես Նաիրա Մուրադյանն եմ…
Ես Կարեն Քոչարյանն եմ…
Ես Հուսիկ Արան եմ…
Ես Կամիլն եմ…
Ես Սյունե Սևադան եմ…
Ես Սամվել Մարտիրոսյանն եմ…
Ես Արուսիկ Մկրտչյանն եմ…
Ես Սոս Ջանիբեկյանն եմ…
Ես Ռեինկարնացիայի Ռոլանդն եմ
Ես Եգոր Գլումովն եմ…
Ես Մհեր Մկրտչյանն եմ…
Ես Գրիգն եմ…
Ընթերցեք նաև
Վիդեո
Ֆոտո